Jeremiah 2:8 - Syin Chin Bible

⁸ Thiampite in, ‘Topa koisung om ziam?’ ci in zongh dongh ngawl uh hi. Keima ii thiampite mama in kei hong he ngawl uh hi. Ngam ukte in kei hong langpan uh a; kamsaangte in Baal min suangin thuson uh a, tuaciang bangma kimanna a nei ngawl milimte bia uh hi.

Jeremiah 2:8 Iomraidhean Croise

1 Kumpite 18:22

Tuasia ciang Elijah in, “Topa kamsaang sia kei bekma taanglai khi hi, ahihang Baal kamsaangte sia 450 om hi.

1 Kumpite 18:29

Sun ni kaai dongin amate au lialua in om top lai uh hi; ahihang zona hong pai ngawl a, aw khat zongh kiza ngawl hi.

1 Kumpite 18:40

Elijah in thupia a, “Baal kamsaangte man vun; kuama suaktasak heak vun!” ci hi. Mipite in amate man siat a, tuaciang Elijah in Kishon Ngun ah paipui sukin amate thatlum hi.

Job 35:10

Ahihang in amate in a haksatbel hun sungin lametna a pia amate a bitphuapa Pathian kung zuan ngawl uh hi.

Isaiah 28:7

Kamsaangte le thiampite ngawngawn zu kham in hoi vatut uh hi. Sapittui le zuhang tam ne lei ahikom amate lungmangin lutu uh hi. Kamsaangte zukham lei ahikom Pathian ii a musak khol thute tel zo ngawl uh a, thiampite zongh zukham lei ahikom amate kungah a kipuak thute khensat thei ngawl uh hi.

Isaiah 29:10

Mutthip natu in Topa in na mut hong suaksak hi. Kamsaangte sia mihingte ii mittang hi tu a, ahihang Pathian in amate mit humcipsak hi.

Isaiah 30:5

Judah mite in huna a muanmawk uh bang a pia zo ngawl, a muanhuai ngawl minam khat sia a muan thaak phawphot uh a kisiik tu hi,” ci in son zo hi.

Jeremiah 10:21

Keima in, “Ih lampuite mawmaw a; lamlak tu in Topa thu dongh ngawl hi. Tuasia hu in amate nguallelin, ih mite kithethaang hi.

Jeremiah 12:10

Hong uk ngamdangmi tam mama in ka sapithuan siasak uh hi, amate in ka lote tuanhcil zo uh hi; a dei huai ka leitang sennealngam suaksak uh hi.

Jeremiah 16:19

Topa awng, nangma in kei hong dal a thahatna hong pia pa na hi hi; ka ngim nga laitakin nong hu hi. Leimong panin minamte nang kungah hong pai tu uh a, “Ka taanghpupite in pathian maan ngawlte le kimanna a nei ngawl milimte simngawl bangma dang nei ngawl hi.

Jeremiah 18:18

Tuaciang mite in, “Jeremiah taw kisai in na pawlkhat seam sin tawng! Hong hil tu in thiampite, ngaisutna hong pia tu in miciimte le Pathian ii thupuak a thangsak tu in kamsaangte om tawntung tu hi. Ama tungah thu ih vawt tu a, ama thuson peuma ih ngai buatu hi,” ci uh hi.

Jeremiah 2:11

Minam dangte kuama in a pathiante uh sia pathian tatak ahi ngawl hang kheal ngeingawl uh hi. Ahihang ka mite in amate vaang a pia Pathian, keima sia, amate atu bangma a vawtsak thei ngawl pathian taw hong theak zo uh hi.

Jeremiah 2:6

Keima in amate Egypt ngam pan suatakin duisung ngampa: sennealngam le dumkhuk sung, lei kongaw a, kuama teen ngawl, a lau huaina mun le kuama khual zongh a haw ngawl natu mun kaantanin amate keima in lampui hi napi amate in kei, hong awlmawk ngawl hi.

Jeremiah 4:22

Topa in, “Ka mite mawmaw uh hi; amate in kei hong he ngawl uh hi. Amate sia patang mawmawte bang hi uh a; tel theina bangma nei ngawl uh hi. Amate a sia vawt tu thiam a, a pha vawt thei ngawl uh hi,” ci hi.

Jeremiah 5:31

kamsaangte in leilot thu bek son uh hi; thiampite in kamsaangte thupiakna bangin uk uh a, ka mite in nalh ngawl uh hi. Ahihang a tawpna hun a thet ciang amate in bang law tu uh ziam,” ci hi.

Jeremiah 7:8

“En vun, leilot thute um nu hi.

Jeremiah 9:14

Tua kawmkaal ah, a thin uh pui in a taanghpupite ii hil bangin Baal milimte bia uh hi.

Ezekiel 22:26

Thiampite in ka thukham paltan a, a thiangtho na te ciliap ngawl hi. Amate in a thiangtho nate le a thiangtho ngawl nate a khen bua uh hi. Amate in na a thiangthote le a nin kilamdanna hil ngawlin, Sabbath a melsia uh hi. Tua taw kizui in Israel mite in kei hong zakta bua uh hi.

Ezekiel 34:2

Ama in, “A thithei mihing awng, Israel ngam ukte sonsia in, kamsaanna taw, Keima, Vaanglianpipa Topa ii kong ci teng amate munah son in: No Israel ii tuucingte awng a lal na hi uh hi: Noma le noma na kikeam cing uh a, ahihang na tuute na keamcing ngei bua uh hi.

Hosea 4:6

Ka mite in kei hong saang ngawl ahikom a lal hi zo hi. No thiampite in kei hong saang ngawlin kong hilnate hong nial nu hi, tua ahikom no kong nial a, na tapate ka thiampi tu in ka saang buatu hi.

Habakkuk 2:18

Milim ii kimanna bang ziam? Mihing ii vawt sa na khat hi bek a, leilot thu ngawl po bangma hong son ngawl hi. Tua a pau thei ngawl pathian — tua sia a vawtpa ii a muan sia bang phattuam pui tu ziam!

Matthew 16:26

Mihing khat in leitung theampo a nga zonghin, ama nuntakna a taan le bang meetna nei tu ziam? Meet ngawl tu hi! Ama nuntakna a nga kiksak natu a piak thei khat zongh om ngawl hi.

Luke 11:52

“Thukham hil syate awng, no atu in, bangza in lauhuai ziam! Heakna kikholna inn kongkha tawtangte na keam uh hi; tua inn sungah noma tatak na tum nuam bua uh a, tum tu in a hanciamte na khaktan uh hi!” ci hi.

John 16:3

Mihingte in note tungah hi bang a ngamtat natu te sia amate in Pa ahizong kei ka hizong hong heak ngawl hang ahi hi.

John 8:55

No sia ama na he ngei bua uh hi, ahihang kei in ka he hi. Ama he ngawl khi hi, ci tu hi leng, noma bangma in a leilot ka suak tu hi. Ahihang ama ka heak hi a, tuaciangin ama ii thu ka ni hi.

2 Corinth te 4:2

Thuku theampo le a maizumhuai ngamtat nate theampo ka vawk uh hi; theamna taw na ka seam bua uh a, Pathian ii kammal zongh leilot thu ka suaksak bua uh hi. Pathian muna ah thumaanna ii a kicing khuavak sungah ka nungta uh a, mihing sim ii a pha in a tel thei natu ka hanciam uh hi.

Thuhil kikna 33:10

Amate in na thukham a zui thei natu in na mite hil tu hi; Na biaknatau tungah sangaw biakpiaknate pia tu uh hi.

1 Samuel 12:21

A maan ngawl pathian te zuan heak vun; amate in hong hu thei ngawl, hong ngum thei ngawl hi, banghang ziam cile amate sia a tatak hi ngawl hi.

1 Samuel 2:12

Eli ii tapate sia mihing phelphol vive hi. Amate in Topa a awlmaw bua uh hi,