Jeremiah 2:7 - Syin Chin Bible

⁷ Keima in amate thaw an laaknate le a dang a phate a nga natu in leiphana mun ka thetpui hi. Tua hi napi amate in ka ngam siasak zaw a; amate ka piaksa ngam ninsak uh hi.

Jeremiah 2:7 Iomraidhean Croise

Nehemiah 9:25

Na mite in kulh taw a ki uum khuapite, ngamphate, nei le lamh taw a kidim innte, a kito sa tuikhukte, olive kungte, thingnga kungte, le sapithuante la uh hi. Amate in a du a dei theampo ne in thau uh hi; amate in na piak naphate theampo taw lungdamin nuamsa uh hi.

Nehemiah 9:26

“Ahizong na mite in nang hong leedo a, na thu hong nial hi; amate in na Thukham nungngat uh hi. Amate in nangma kung hong heak kik natu a son, a kidop thei natu in thu a pia kamsaangte that uh hi. Amate in hun khat zawk hun khat nang hong simmaw uh a,

Isaiah 19:25

Vaanglianbelpa Topa in amate thupha pia in, “Ka mi Egypt te awng; no kong bitphua sa Assyria te awng; tuaciang no kong teal mi Israel te awng, thupha kong pia tu hi,” a ci hi.

Jeremiah 16:18

Amate ii mawna khialna le seksol nate hu in a zaa nii ka liausak tu hi, banghang ziam cile mithi luangte bang a nuntakna a nei ngawl milimte taw amate in ka ngam ninsak uh a, amate ii a maan ngawl pathiante ka ngamsung kidimsak hi,” ci hi.

Jeremiah 3:1

Topa in, “Pasal khat in a zi khul a, tua nu in ama nusia in ngualdang khat ii zi a suak le, ama in tua nu la kik thei ngawl tu hi. A la kik ahile a ngam ninsak siat tu hi. Ahihang Israel awng, nang in lawm tam mama na nei zawkciang tu in ka kung nong zuan kik nuam hi!

Jeremiah 3:2

Mualdawnte ento in. Pumpi kizuak khat bang a na ngamtat ngawlna mun a om ziam? Arab mite in a suam tu mite sennealngam sungah a pan bangin nang in lam dung ah lawm na pang hi. Na pumpi kizuakna taw in ngam na ninsak zo hi.

Jeremiah 3:9

a maizum ngawl het hi. Ama in ngam ninsak hi, suangtum le thingkungte a biakna taw in palngul khialna vawt hi.

Jeremiah 32:23

Ahihang amate in hi ngam hong theng a, ngam a nei uh ciangin na thupiak ni ngawl a, na thuhilna bangin ngamta ngawl uh hi; vawt tu a na thupiakte bang mama vawt ngawl uh hi. Tuasia hu in hi suksiatna theampo amate tungah na thengsak hi.

Jeremiah 32:30

Amate taanghthu a kipatciil pan a sep a vawtna uh taw Israel mite le Judah mite in ka thin hong nuamsak ngawl a, ka thin hong uuksak hi.

Ezekiel 20:24

Hi bang a ka hi sia banghang ziam cile amate in ka thupiakte nial a, ka thukhamte paltan in ka Sabbath niinsak uh hi, tuaciang a taanghpupi te ii biak milimte ma bia uh hi.

Ezekiel 20:28

Ka piak tu a kamciam ka piaksa ngam ah ka paipui hi. Mualsaangte le thingkung hing te a mu uh ciang amate in tuate theampo tungah sangaw biakpiakna pia uh hi. A sangaw meihal biakpiakna le sapittui biakpiakna te in kei hong thin uuksak hi.

Ezekiel 20:6

Tuasia lai in amate Egypt ngam pan pusuapui in leitang teng po pan a phabel, leihoi lei phana ngam, amate atu ka tealsak sa ngam ah paipui tu ka kamciam hi.

Ezekiel 23:35

Tu in hisia Vaanglianpipa Topa ii ci ahi hi: “Kei hong mangil in hong nungngat na hi ciang na sikvilna le na pumpi zuakna hu in ngim na thuak tu hi.”

Ezekiel 36:17

Ama in, “A thithei mihing awng, Israel te a ngam sungah a teen lai in, a nuntakzia le a ngamtatna taw a ngam ninsak uh hi. Amate ngamtat luheak sia numei khat tha simin a nin nei hun sung bangin biakna taw kisai a thiangtho ngawlin ka ngaisun hi.

Hosea 9:3

Israel mite sia Topa ii leitang tungah taang ngawl tu ahihang, Egypt ah heak kikin Assyria ah a kikhaam ante ne tu uh hi.

Micah 2:10

Tho vun a, pai vun; hi lai ah ngam muanna om nawn ngawl hi. Na mawnate in hi mun siasak in lalna sung then hi.

Mi Simna 13:27

Amate in Moses tungah, “Kote in ngam ka vil uh a, a hauna le a lei phatnate ka mu uh hi; a thingnga pawlkhat zongh hilai ah kong ciapui uh hi.

Thuhil kikna 21:23

tualai ah zan ngiaksak heak vun. Tua a luang sia tua ni ma in kiphum tu hi, banghang ziam cile khuam tungah a kikhai mithi luang khat in tua leitang tungah Pathian haamsiatna tungsak hi. Topa na Pathian ii hong piak ngam le lei na nitsak ngawl natu in a luang phum vun.

Thuhil kikna 32:9

ahizong Jacob suan le paalte sia ama atu in teal hi.

Thuhil kikna 6:18

Topa ii maan hi, pha hi, a ci teng seam vun, tua hile na ma uh vang tu hi. Na taanghpupite tungah Topa ii a kamciamsa ngam phana sia na tang thei tu uh a,