Jeremiah 2:6 - Syin Chin Bible

⁶ Keima in amate Egypt ngam pan suatakin duisung ngampa: sennealngam le dumkhuk sung, lei kongaw a, kuama teen ngawl, a lau huaina mun le kuama khual zongh a haw ngawl natu mun kaantanin amate keima in lampui hi napi amate in kei, hong awlmawk ngawl hi.

Jeremiah 2:6 Iomraidhean Croise

2 Kumpite 2:14

Ama in nguntui sia Elijah ii puantual taw vaat a, “Elijah ii Pathian Topa a koi sungah om ziam?” ci hi. Tuaciang ama in tui vaat kik in, tui hong kikhen a, ngun langkhat ah pai hi.

Job 3:5

Tua ni sia a thim le a zingcip ni hisak in; meeikaai taw tuamcip in a, ni phiatkeak in.

Job 35:10

Ahihang in amate in a haksatbel hun sungin lametna a pia amate a bitphuapa Pathian kung zuan ngawl uh hi.

Psalm Late 23:4

Thina luamkuam khuazing thuk belna sung keak kaantanin ka tawn zongin ka lau buatu hi, banghang ziam cile, Topa awng, nangma in kei taw nong omkhawm a, na tuucinna molpum le na ciangkhut in kei hong dal hi.

Psalm Late 77:5

A bosa nite ka ngaisun a, taanghlai kumte ka phawk hi.

Pusuana 20:2

“Keima in note saltanna Egypt pan hong pusuapui Topa na Pathian ka hi hi.

Isaiah 63:9

a thuakna theampo panin, ngum hi. Amate a ngum sia vantunglalang khat hi ngawl a, Topa ama mama ahi hi. A itna le a hesuakna taw amate suatak hi. Ama in a bosa hun sungah amate keamcing tawntung hi,

Isaiah 64:7

Thungen in nang kung hong zuan kuama om ngawl a; huna ngen tu in nang kung hong pai kuama om ngawl hi. Ka mawnate uh hangin nangma in ko kung pan kisealin nong nusia zo hi.

Jeremiah 13:16

Topa in khua a zinsak ma mualte tungah na lutu uh ma in; na lam et uh khuavak sia khuazing bikbek a suasak ma in, Topa na Pathian uh patoai vun.

Jeremiah 2:2

“Na khangno lai in na thumaanna ih kiteen sawng lai a kei nong itnate ka phawk hi; sennealngam, an kicing ngawl leitang kaantanin kei nong zui hi.

Jeremiah 2:8

Thiampite in, ‘Topa koisung om ziam?’ ci in zongh dongh ngawl uh hi. Keima ii thiampite mama in kei hong he ngawl uh hi. Ngam ukte in kei hong langpan uh a; kamsaangte in Baal min suangin thuson uh a, tuaciang bangma kimanna a nei ngawl milimte bia uh hi.

Jeremiah 5:12

Topa ii mite in ama nial in, “Ama in bangma vawt takpi ngawl tu hi. Ih haksatna hunte om ngawl tu hi; ngal ahibuale kialpi ih thuak buatu hi,” ci uh hi.

Jeremiah 5:2

Topa ka bia tu uh hi na ci uh hangin, na thin tatak uh taw na ci uh hi ngawl hi.

Jeremiah 51:43

Khuate thaadam huai suak zo a, kuama teen ngawl, khualhaw ngawlna, tui om ngawl sennealngam bang ahi hi.

Hosea 12:13

Egypt a saltanna pan Israel mite a suatak tu le a keam tu in Topa in kamsaang khat puak hi.

Hosea 13:4

Topa in, “Keima in Topa noma ii Pathian, Egypt pan hong pui pa khi hi. Kei simngawl Pathian dang nei ngawl nu hi. Keima bekma na ngumpa ka hi hi.

Amos 2:10

Egypt ngam pan kong pusuaksak a, sennealngam kaantanin kum sawmli sung lam kong pui a, noma atu in Amor te ngam kong pia hi.

Matthew 4:16

Khuazing sungah a teang mihingte in, Khuavak taang lian mama khat mu tu hi. Thina khuazing ngamsung a teangte tungah khuavak a taang tu hi.”

Thuhil kikna 1:19

“Eite in Topa ih Pathian hong thupiak bangin ih seam hi. Sinai Mual nusia in tua a zai, a lauhuai sennealngam kaantan in Amor ngam mualtung ngam lampi tawn in ih pai hi. Kadesh Barnea ih thet ciang,

Thuhil kikna 32:10

“Ama in a ngamtongta vuipi vakna duisung ngampa sennealngam sungah amate vakkotna mu hi. Ama in ama le ama a kikep bangin amate keamcing hi.

Thuhil kikna 8:2

A bosa kum sawmli sung Topa na Pathian in sennealngam hong kaantan pui in, hi khual khuala hong hawsak a, hong thupiakte zui nuam ziam, zui nuam ngawl ziam ci in, na thinsung na ngaisutnate he nuamin haksatna hong tunsaknate phawk vun.

Thukhente 6:13

Gideon in ama munah,” Kong dongh thei tu ahile, topa awng, Topa in hong ompui ahile hite theampo banghangin piang ziam? Ka pate ii hong son Topa sep ngei nalamdang te — amate Egypt ngam pan a pusua puina thu theampo bang suak ziam? Topa in ko, hong taisan zo a, Midian te khut sungah hong nusia zo hi,” ci hi.