Jeremiah 2:5 - Syin Chin Bible

⁵ Topa in: “Na taanghpupite in kei hong langpanin bang hong mawsiat ziam? Kei kung pan amate a puapialsak sia a bang ziam? Amate in a man nei ngawl milimte bia in amate mama a man nei ngawl suak uh hi.

Jeremiah 2:5 Iomraidhean Croise

2 Kumpite 17:15

Ama ii hilnate nit tu nial hi, a taanghpupite taw thuciamna a vawtte zongh keam ngawl uh a, kidop natu a piakte zongh thu in sim ngawl uh hi. Amate in a mannung ngawl milimte bia uh a, amate mama zongh a mannung ngawl suak uh hi, amate in a kiim a paam ah mite ii ngeinate zui uh a, Topa ii zui heak vun ci in a thupiakna sia ni ngawl uh hi.

Psalm Late 115:8

Tuabangte vawt a tuate ma a muangte in amate vawt milimte bang suak siat tahen.

Isaiah 29:13

Topa in, “Hi mihingte in kong bia tu uh hi hong ci a, ahihang amate kammalte sia khiakna nei ngawlin, a thinsung in thudang ngaisun hi. Amate biakna sia bangma hi ngawlin, a teptee pak uh mihingte zui tu ngeinate bekma hi lel hi.

Isaiah 44:9

Milim a vawt mite theampo mannung ngawlin, amate ii a man neisak mama pathiante sia luithawthong hi. Hi bang pathiante a biate sia a mit uh taw in, bangma he ngawl uh a — amate kimaimawlsak tu hi.

Isaiah 46:12

“Ngal zaw natu khuala mama lai hi ci in a ngaisun no mihing thinpuite awng, kei hong ngai tavun.

Jeremiah 10:8

Amate theampo ngoai in mawmaw uh hi. Thing taw kivawt milimte kung pan amate in bang sin thei tu ziam?

Jeremiah 12:2

Nangma in amate na suan a, amate in zung tha uh hi; amate khangto in a nga nga uh hi. Amate in a kam in nang hong phat son tawntung uh hi, ahihang a thinsung tatak uh taw nang hong thusim ngawl uh hi.

Jeremiah 14:22

Minamte ii milimte in nguazusak thei ngawl hi; van in ama ii thu taw nguazusak thei ngawl hi. Topa kote Pathian awng, hite a vawt pa nangma na hikom nang sungah lametna kong nei uh hi.

Jeremiah 2:31

Israel mite awng, ka kampauna hong ngai tavun. Kei sia note atu in sennealngam khat bang ka hi ngei ziam, khuazing le a lauhuai ngam khat bang ka hi ngei ziam? Tua ahile, banghangin, ka uk bang po in ka ngamta tu uh a, nang kung kong zuan ngei nawn buatu uh hi na ci thei uh ziam?

Jeremiah 2:4

No Jacob ii suan le paalte, Israel minam teng awng, Topa ii hong thuhilna ngai vun.

Jeremiah 8:19

Ngai vun! Ngamsung mun theampo ah ka mite ii kaana aw ka za hi, “Zion khua ah Topa om nawn ngawl ziam? Zion ii kumpipa tua munah om nawn ngawl ziam?” ci in kap uh hi. Amate ii kumpipa ahi, Topa in zo kik a, “Banghangin na milimte na biakna le a man nei ngawl na ngamdang pathiante na paaina uh taw in kei hong thin uuksak nu ziam?” ci hi.

Ezekiel 11:15

“A thithei mihing awng, Jerusalem ah a teang mite in nang le saltaang a om na Israel mipuite ii thu a son uh hi. Amate in, ‘Saltaangte sia Topa a bia tu in a omna khuala lei hi. Topa in hi ngam sia ei tan tu in hong pia zo hi,’ ci uh hi.

Ezekiel 14:5

Tua milimte in Israel te sia kei kung pan kiheaksak hi, ahihang ka zona taw amate ii citakna hong nei kik tu in ka lamen hi.

Jonah 2:8

Zak thei ngawl milim a biate in, nang tungah hong thumaan nawn ngawl uh hi.

Matthew 15:8

‘Hi mite in a kammal uh taw kei zatakna hong pia hi; ahihang a thinsung sia kei taw kikhuala hi,’ Pathian in ci hi.

Sawltakte 14:15

“Banghangin hi bangin, ngamta thong nu ziam? Ko zongh mihing thawthong hi a, noma bangma hi lel khu hi! Ko sia hi sungah, Lungdamna Thupha thangsak tu, hi a man nei ngawl nate panin a nungta Pathian sangah hong kiheaksak tu ka hi uh hi. Tua Pathian in vantung, leitung, tuipi, le tuate sung a om theampo a vawtpa ahi hi.

Romete 1:21

Amate in Pathian he ahihang a upat tu bangin upat ngawl uh a, ama tungah lungdam a ko tu bangin ko ngawl uh hi. Amate khua ngaisutna mannung mama ngawl a, amate thinsung hawmin, khuazing taw kidim hi.

Thuhil kikna 32:21

Amate in a milimte taw ka thin hong uuksak a, Pathian tatak a hi ngawlte amate ii pathian a ci uhte taw ka etsat natu hong vawt uh hi. Tua ahikom amate thin a uuksak tu in minam a kici thawthong khat ka zangh tu hi; a mawmaw minam khat in amate ka ensansak tu hi.

1 Samuel 12:21

A maan ngawl pathian te zuan heak vun; amate in hong hu thei ngawl, hong ngum thei ngawl hi, banghang ziam cile amate sia a tatak hi ngawl hi.