Jeremiah 2:34 - Syin Chin Bible

³⁴ Na puante uh sia inn phuulte ii chisan baang ngawlin, mizawngte le mawna nei ngawlte ii chisan baang hi. “Ahihang, hi bang teng hi napi,

Jeremiah 2:34 Iomraidhean Croise

2 Kumpite 21:16

Manasseh in mawna nei ngawl mihing tam mama thatlum a, Jerusalem lampite chisan luang hi; hi teng banah ama in a mite milim biakna ah lampui a, Topa tungah mawsak hi.

Jeremiah 19:4

Hi bangin ka vawt tu hi, banghang ziam cile mihingte in kei hong nusia zo uh a, hi mun sia pathian dangte biakpiakna taw in ninsak zo uh hi — tua pathiante sia amate, a taanghpupite, Judah kumpite ii a thu a heak ngeingawl pathiante ahi uh hi. Amate in hi mun sia a mawbaang ngawl mihingte ii chi taw kidimsak uh hi,

2 Kumpite 24:4

tuaciang, a tuan in mawnei ngawlte theampo zongh a thalup hu ahi hi. Topa in Manasseh ii tuabang ahikom in maisak zo ngawl hi.

Pusuana 22:2

Ama in a nguk sia atu liau hamtang tu hi. Ama in bangma a nei buale a nguk sa teng a liau natu in ama sila in kizuak tu hi. A nguk nganhing sia khui, laa, tuu a nungta in ama khut sungah a kimu le ama in a zaa nii in liau tu hi. “Nguta khat in zan lai in inn phuul a, a kithatlum le a that pa sia mithat in kimawsak ngawl tu hi. Ahizong tuasia sun hun sung a piang ahile mithat in kimawsak tu hi.

Ezekiel 24:7

Khuapi sungah mihing kithat hi, ahihang chisan sia leivui ii seal thei natu lei ah keesak ngawl hi. Chisan sia suang nguak tungah keesak hi.

Ezekiel 20:31

Tuni dong ngawngawn in na piak ngei tengma pia in, noma le noma tua milimte taw na tate uh sangaw biakpiakna in nei in, mei sungah na halna uh taw kininsak nu hi. Tuasia zawkciang no Israel mite in kei deina bang ziam ci sia dongh tu in nong pai lalai uh hi! Keima, Vaanglianpipa Topa sia, a nungta takpi Pathian ka hikom kei tungah thu bangma hong donghsak nawn ngawl tu khi hi.

Jeremiah 8:12

Ka mite awng, hi a kiihuai nate na vawt uh manin na mai uh a zum ziam? Hi ngawl hi, na mai uh zum vet ngawl hi; maizum natu zia zongh na he bua uh hi! Tua ahikom midangte puk bangma in na puk tu uh hi; daan kong piak ciang na bona uh hi tu hi. Keima Topa in ka son zo hi.

Jeremiah 7:31

A tapate le a tanute mei hal biakpiakna in a nei thei natu in Hinnom Kuam sungah Topheth kici, biaknatau khat amate in sa uh hi. Hi sia vawt tu in amate thu ka pia bua hi — tuasia ngaisut zong ka nei bua hi.

Jeremiah 6:15

Hi a kiihuai nate a vawt uh hu in amate a maizum ziam? Hi ngawl hi, maizum dek ngawl a; maizum natu zia zongh he ngawl uh hi. Tua ahiciang midangte ii puk bangma in amate puk tu uh hi; amate daan ka piak ciang, amate bona hi tu hi. Keima Topa in ka son zo hi,” hong ci hi.

Isaiah 59:7

A sia vawt tu na tum tawntung uh a, tuasia vawt tu kaal na ngakla thei uh hi. Khialna mawna nei ngawl mite thalup tu na haisaang ngei bua uh hi. Na paina pawpo uh a sia a lalin na nusia uh a,

Isaiah 57:5

Ta hong hausak pathiante ka bia uh hi ci in, tua thingkung thiangthote nuai ah numei le pa khialna na vawt uh hi. Luitui luanna hui ah a om suang hawngte sungah na tanote biakpiakna in na pia uh hi.

Isaiah 59:3

Note in leilot thu sonna, thazaw suanna, le mihing thana taw na maw uh hi.

Jeremiah 2:33

Lawm zonna zia na thiam mama uh hi. Numei a siabel zongh in no kung panin thiamna hong sin thei hi.

Jeremiah 7:6

Noma phattuam natu in ngamdangmite, tangate le meingongte zothaw nawn heak vun. Hi ngam sungah a mawbaang ngawl mite that nawn heak vun. Pathian dangte bia nawn heak vun, banghang ziam cile tua in noma hong lalsak tu hi.

Kaa late 1:9

A thiantho ngawlna ol tak kimu a, ahizong a thuak tu sia awlmawk ngawl hi. Ama lelna sia nasia leilam a kuama in heeneam zo ngawl hi. A ngalte in zothal ahiciang, Topa tungah hesuak ngen in kap hi.

Kaa late 4:14

Mittawte bangin a lampuite lampite ah vakvai uh a, chisan baang ngawp ahikom kuama in amate tham ngam ngawl uh hi.

Ezekiel 9:9

Pathian in, “Israel le Judah mite in a lauhuai mama mawna khialnate nei uh hi. Amate in ngamsung theampo ah mihing that a, Jerusalem sia khialna lian taw kidimsak hi. Amate in Keima Topa in amate ngam nusia zo a, amate mu ngawl hi hong ci hi.

Ezekiel 22:25

A lampuite sia a thalup sa nganhingte a hawk tawpite taw kibang hi. Amate in mihingte that a, a sum le a neisa te a laak thei theampo laaksakin a thalup hu in tam mama meingong suaksak uh hi.

Pusuana 22:1

“Mihing khat in khuipui ahibuale tuu khat ngu in a ngo, a zuak le ama in khuipui khat taangin khuipui nga, tuu khat taangin tuu li pia hamtang tu hi.

Ezekiel 23:45

Mihing thutang te in amate sia palngul mawna le mihing thana vawt nu hi ci in a ningkhiin tu uh hi, banghang ziam cile palngul mawna vawt in a khut uh chisan baang hi.”