Jeremiah 2:25 - Syin Chin Bible

²⁵ Israel awng, pathian dangte ii nung na delna taw in na peang toisak heak in a, na dangkosak heak in. Ahihang nangma in, ‘Hi ngawl hi! hong heak kik thei ngawl tu khi hi. Keima in ngamdang pathiante ka it a tuate nung ka zui tu hi,’ na ci hi,” a ci hi.

Jeremiah 2:25 Iomraidhean Croise

2 Khangtaanghthu 28:22

Ahaz sia a thinngimbel hun hong thet ciang Topa tungah nidang sangin zongh maw zaw lai hi.

2 Khangtaanghthu 28:23

Ama in ama a zo Syria mite ii pathiante tungah sangaw biakpiakna pia hi. Ama in, “Syria pathiante ii Syria kumpite a hu bangma in, tua sangaw biakpiaknate pia lei leng kei zongh hong hu tu hi,” ci hi. Tuasia hu in ama le a mite tungah tuasiatna tung hi.

Isaiah 2:6

Pathian awng, Jacob suan le paal, na mite na nusia zo hi! Ngam le lei sia nisuana sang pan le Philistia pan mitbum nasepnate taw kidim zo hi. Mihingte in ngamdang ngeinate zui hi.

Isaiah 57:10

Tua pathian dangte na zonna uh in na toi uh a, ahizong na tawp thong ngei bua uh hi. A mu thada huai na milimte uh in thahatna hong pia ci in ngaisun na hikom na tha a zawm ngei bua uh hi.

Jeremiah 13:21

Na lawm na ngual a na ngaisut mihingte kekeak in nangma hong zo in hong uk ciang bang na ci tu ziam? Nausuak tu numei khat taw kibangin nasa in na om tu hi.

Jeremiah 13:22

Banghangin, hi thute theampo na tungah hong piang ziam — banghangin na puante hong kileamkeak sakin, hong kibuan a, hong kikhialpui ziam ci in na dongh le — na mawna a nasiat lei lawlawm hang ahi hi.

Jeremiah 14:10

Hi mihingte taw kisai in Topa in, “Amate in kei kung pan tai nuam uh a, tuaciang amate le amate ki uk zo ngawl tu hi. Tua ahikom amate tungah ka lungkim ngawl hi. Khialna a vawt nate ka ciamtee tu a, a mawnate hu in amate daan ka pia tu hi,” ci hi.

Jeremiah 18:12

Amate in, ‘Hi ngawl hi, banghang khealin laih tu khu ziam? Koma uuk bangin mihing a thinpui le a ngilo ma hi tu khu hi,’ ci in zo tu uh hi,” hong ci hi.

Jeremiah 2:31

Israel mite awng, ka kampauna hong ngai tavun. Kei sia note atu in sennealngam khat bang ka hi ngei ziam, khuazing le a lauhuai ngam khat bang ka hi ngei ziam? Tua ahile, banghangin, ka uk bang po in ka ngamta tu uh a, nang kung kong zuan ngei nawn buatu uh hi na ci thei uh ziam?

Jeremiah 22:20

Jerusalem mihingte awng, Lebanon ngam ah pai vun a au vun, Bashan ngam ah pai vun a kap vun; Moab mualtung panin au vun banghang ziam cile na pawlpuite theampo kizo siat zo hi.

Jeremiah 22:21

Na nopsak uh laitakin Topa in no hong paupui hi, ahihang na ngai bua uh hi. Na nuntak uh sung theampo tuabang vive hi nu hi; Topa thu na ni ngei bua uh hi.

Jeremiah 3:13

Na khialna le Topa na Pathian na langpannate thiang takin pualaak po in. Thingkung hing theampo ii nuai ah ngamdang pathiante na thangaina taw kong thupiakte na nit ngawlnate pualaak in. Topa keima in ka son zo hi.

Jeremiah 44:17

Vawt tu ka cite theampo ka vawt tu uh hi. Koma le ka taanghpupite, kumpipa le lampuite in Judah ngam khuate le Jerusalem khua lampite ah ka vawt ngei uh bangma in, kote numeipathian Vantung Kumpinu tungah sangaw biakpiakna pia in, ama tungah biakpiakna sapittui ka buak tu uh hi. Tuasia ciang an hau in, nuamsa in, ngimna ka nei bua uh hi.

Kaa late 1:2

Zankhuateakin ama kap a; a biangkho ah thitui luang suk vahii hi. A lawm a ngual masa te khat zongh ama heeneam tu taang ngawl hi, A kipawlpuite in ama leeheak zo a, tu in langpan tek ta uh hi.

Kaa late 4:4

Amate in a nausente ngilkial dangtaak in thisak hi; tanote in an ngen a, ahihang kuama in amate an pia ngawl tu hi.

Ezekiel 20:32

Mi nam dang te le ngamdang a teang mite taw kibangin thing le suang a bia te bang suak nuam in na thin uh khensat zo nu hi. Ahihang tuabang suak ngeingawl tu hi.

Hosea 2:3

A kheal buale a suani in a pumnguak a om bangin a nik a puan ka sutkeaksak tu hi. Leiko le lei kolhna mun taw kibangin ama ka vawt tu a, dangko in thi tu hi.

Malachi 3:14

Note in, ‘Pathian na ih sep sia a luithawthong hi. Ama ci bangin ih sep hangin bang kimanna om a, ih sepna sate huvau Vaanglianbelpa Topa mai ah khuangaina ih lak nop hangin bang phat tuamna om ziam?

Luke 15:22

Ahihang a pa in naseamte sam a, ‘Hong manlang tavun! Puantual phabel sia la tavun a, silhsak vun. A khutme ah khutzungbu bulsak vun a, peangdap thuasak vun.

Luke 16:24

Tua ahikom ama in biakpui a, ‘Pa Abraham awng! Hong hesuak ta'n. Lazarus ii khutme dawn tui sungah pap in ka leei hong votsak tahen, banghang ziam cile hi mun meikuang sungah ngim nga mama khi hi’ ci hi.

Romete 8:24

Banghang ziam cile eite sia lametna hangin hong hun a; ahizong ih lametna sia ih mukhol thei le tuasia in lametna kici thei ngawl tu hi. A mu, nate a muangmaw lai akua om ngei nu ziam?

Thuhil kikna 28:48

Tua ahikom, Topa ii note kungah hong paisak tu ngalte ii na, na seam tu uh hi. Na theampo kitaangsamh in — ngilkial dangtaak le pumnguakin na om tu uh hi. Na lal siat uh dong Topa in nasia takin hong nengniam tu hi.

Thuhil kikna 32:16

A milim biakna Topa in ensan a; a pha ngawl a sepna in Topa thin uuksak hi.