Jeremiah 2:23 - Syin Chin Bible

²³ Bangbangin nangma le nangma ka kininsak bua a, Baal ka bia ngei bua na ci thei tu ziam? Munkuam sungah mawna khialna na vawt hi; na vawt sate mu in. Nang sia a zual ngawl kalaoh huuk khat taw na kibang a, leetai kawkoai in

Jeremiah 2:23 Iomraidhean Croise

Esther 8:16

Jew te atu in thinnopna le suatakna, lungdamna le ngualzawna hong om hi.

Psalm Late 36:2

Ama le ama nasia mama kisa ahikom Pathian in a mawna mu ngawl tu a puavawkna thuaksak ngawl tu hi ci in um uh hi.

Psalm Late 50:21

Hite theampo na sep uh hangin, bangma kong ci bua hi, tuasia ciang kei sia noma taw a kibangin nong tuat uh hi. Ahihang tu in kong mawsak a, a thu kong telthiangsak hi.

Paunakte 28:13

Na mawnate seal tu na hanciam le nuntak sungin zawna na nga ngei buatu hi. Mawna pualaak vun a, nusia vun; tuasia ciang Pathian in na tungah hesuakna hong lak tu hi.

Paunakte 30:12

A nin thei za in, nin napi thiangtho a kisa mihing om hi.

Paunakte 30:20

Zi thumaan ngawlte ngamtatna in hi bang ahi hi; ama in palngul mawna vawt a, tua zawkciang kibual a, “Ahihang, a maan ngawl bangma vawt nei bong!” ci lai hi.

Jeremiah 14:10

Hi mihingte taw kisai in Topa in, “Amate in kei kung pan tai nuam uh a, tuaciang amate le amate ki uk zo ngawl tu hi. Tua ahikom amate tungah ka lungkim ngawl hi. Khialna a vawt nate ka ciamtee tu a, a mawnate hu in amate daan ka pia tu hi,” ci hi.

Jeremiah 16:10

“Hi thu teng amate tungah na son ciang, amate in, banghangin keima in daan nasia mama piak tu in khensat khi ziam ci sia nangma hong dongh tu hi. A khialna lian sia a bang hi a, Topa, a Pathian tungah bang mawna khialna vawt ziam ci sia amate kidongh tu uh hi.

Jeremiah 2:36

Minam dangte ii pathiante kung na zot hu in nangma le nangma in na man na kisulhsak zo hi. Assyria te ii na thin hong kiamsak bang keak ma in, Egypt te in na thin hong kiamsak tu hi.

Jeremiah 3:2

Mualdawnte ento in. Pumpi kizuak khat bang a na ngamtat ngawlna mun a om ziam? Arab mite in a suam tu mite sennealngam sungah a pan bangin nang in lam dung ah lawm na pang hi. Na pumpi kizuakna taw in ngam na ninsak zo hi.

Jeremiah 31:22

Bang tanvei haisaang tu nu ziam, upna nei ngawl mihingte awng? A thak le a tumdang na khat ka bitphua zo a, numei khat in pasal khat a sungsiat bangin tumdang hi,” ci hi.

Jeremiah 7:31

A tapate le a tanute mei hal biakpiakna in a nei thei natu in Hinnom Kuam sungah Topheth kici, biaknatau khat amate in sa uh hi. Hi sia vawt tu in amate thu ka pia bua hi — tuasia ngaisut zong ka nei bua hi.

Jeremiah 9:14

Tua kawmkaal ah, a thin uh pui in a taanghpupite ii hil bangin Baal milimte bia uh hi.

Hosea 1:2

Topa in Hosea tungtawn a, Israel a paupui phitbel hunin Hosea tungah, “Pai in a, zi nei in; na zi in na vaang hong tang ngawl tu a, na tate ama bang lian ma hi tu hi. Tuasia bangma ka mite in kei hong nusia in, a thumaan ngawl te suak uh hi,” ci hi.

Luke 10:29

Ahihang Thukham hil syapa in, ama le ama kitangsak nuam ahikom, hi bangin Jesus dongh thua hi, “Ka innpaam pa sia akua ziam?” ci hi.

Romete 3:19

Leitung buppi Pathian thukhenna sungah a thet natu le mihingte kam zon theina theampo a bo thei natu in Thukham sungah thu omte theampo in Thukham khutnuai ah a omte atu ahi hunlam ka he uh hi.