Jeremiah 2:21 - Syin Chin Bible

²¹ A ci phabel sung pan deiteal sapitkung khat taw kibangin nang kong suan zo hi. Ahihang bang suak zo ni ziam en in! A muatcip, kimanna nei ngawl sapitkung taw na kibang hi.

Jeremiah 2:21 Iomraidhean Croise

Pianciilna 18:19

A tapate le a suan a paalte tungah ka thu ni a, thumaan thutang a vawt natu, thu a piak natu in ama ka teal zo hi. Tuabang a vawt uh le ka kamciamsa bangin ama ta tu ka hisak siat tu hi,” ama le ama kici hi.

Pianciilna 32:28

Tua pa in, “Na min Jacob hi nawn ngawl tu hi. Nangma in Pathian le mihingte taw na kibuan a, nangma in zo ni hi; tua ahikom na min Israel hi tu hi,” ci hi.

Psalm Late 44:2

Nangma mama in Pathian he ngawlte bangbang na notkeak a, amate ii leitang tungah na mite bangbang na koi a; minam dangte bangbang daan pia in, na mite bangbang khangtosak ci thu ka za uh hi.

Psalm Late 80:8

Nangma in sapitkung khat Egypt panin na la a, minam dangte hawlkeak in amate leitang tungah tuasia na suan hi.

Psalm Late 80:9

Nangma in tuasia a khan natu in mun khat na thiangsak hi; zung thuk thasuk a ngam bup huamin zaam hi.

Pusuana 15:17

Nangma in amate paipui in na mual tungah na omsak hi, Topa awng, tua mun sia nangma tatak ii na saksa Biakinnpi, na inn atu in na tealna mun ahi hi.

Isaiah 1:21

Khatvei lai in a thumaan khuapi sia pumpi zuak numei khat bangin ngamta hi! Khatvei lai tua khuapi sia mihing thutangte taw kidim a, ahizong tu in mithatte bekma taang lai hi.

Isaiah 27:2

Tua ni in a dei huai sapithuan thu Topa in son tu a,

Isaiah 41:8

“Ahihang nang, ka naseampa Israel awng, kong tealsa mi na hi a, ka lawmpa Abraham ii suan le paalte na hi hi.

Isaiah 5:4

Hisia atu ka sep laak bang om ziam? Tuaciang ka muanmawk bang sapit phate piang ngawl a, banghang sapit thuk piang thong ziam?

Isaiah 60:21

Na mite theampo in a maan seam tu a A tawntungin tua ngam lua tu hi. A theampo tungah ka letna a pualaak tu in tuate ka suan a, ka vawt hi.

Isaiah 61:3

Zion ah a om a khuangai mite tungah Heena luangin thinnopna le lungdamna, khuangaina luangin pokna la khat puak tu in kei hong paisak hi. Amate sia Topa mama ii suan sa Thingkungte taw kibang tu hi. Amate theampo in a maan sia seam tu uh a, Pathian sia ama ii sepnate hu in kipok tu hi.

Jeremiah 11:16

Khatvei lai in amate sia a nga pha nga thiam a, tee a hau olive kung khat taw ka sontee hi; ahihang tu in, keima in vanto bangin hawkin a teete mei taw halin a baakte ka thiaktan tu hi.

Jeremiah 11:17

“Keima, Vaanglianbelpa Topa in Israel le Judah ka phut hi; ahihang tu in kong tuasiasak tu hi ci in ka tawng hi. Hi siatna sia amate tungah amate ma in a tungsak ahi hi, banghang ziam cile amate in khialna vawt uh hi; Baal tungah biakpiakna a piak hu in amate in kei hong thin uuksak hi,” ci hi.

Jeremiah 5:10

Ka mite ii sapithuante ah a nguite saattan tu in ngalte ka paisak tu hi, ahihang a vekpi in ka susiasak buatu hi. A baakte heu in ka sawl tu hi, banghang ziam cile a baakte sia kei aa hi ngawl hi.

Kaa late 4:1

Ih khamh tee vakilte mualmang zo hi; Biakinnpi sakna suangte lampi ah kithethaang in om hi.

Ezekiel 15:2

Ama in, “A thithei mihing awng, sapitkung le thingkung bangbangin kitee ngat thei tu ziam? Thingtaam sung a thingkungte le sapitbaak khat ih tee ngat ciang bang phatna om ziam?

Matthew 21:33

Jesus in “Thusonteena dang khat ngai vun,” ci hi. “Khatvei lai in leitang nei khat in, sapithuan khat vawt a, a kiimkot dal vawtin, sapittui suuk natu dum to a, lo hun natu teitaan khat vawt hi. Tua zawkciang a lo tuasia saapthawsak tu in, ngual a aap zawkciang, ama khualhaw tu in ding hi.

Mark 12:1

Tuaciang Jesus in amate tungah thusonteena taw thu son hi. “Khatvei lai in pasal khat in sapithuan vawt a, dal taw uum in, a tuisuukna set atu leidum a taw zawkciang lo hun natu teitaan daw hi. Tua zawkciang, a saapthaw nuamte in saapsakin ama khualhaw hi.

Luke 20:9

Tua zawkciang Jesus in mihonpite tungah hi thusonteena son hi. “Khatvei lai in, mihing khat in sapitkungte suan in, pawlkhat in saapsak a, khuangei ma inn nusia hi.

John 15:1

“Keima in Sapitkung tatak ka hi a, ka Pa in huan neipa ahi hi.

Thuhil kikna 32:32

A ngalte Sodom le Gomorrah bangin tatsia a, a ngate khaa in ngu a nei sapitkungte taw kibangin,

Thuhil kikna 4:37

Na taanghpupite a it manin note hong teal a, a vaangletna taw Egypt ngam pan hong pusuapui hi.

Joshua 24:31

Joshua nuntak lai teng Israel mite in Topa na seam uh hi, tuaciang ama thi zawkciang zong, Topa ii Israel atu a sep a vawt theampo a mu lampuite nuntak lai teng tuabang ma na a sepna zom suak uh hi.