Jeremiah 2:18 - Syin Chin Bible

¹⁸ Egypt ngam ah pai in Nile nguntui neakna taw bang phatuamna nga tu ki um ni ziam? Assyria ngam ah pai in Euphrates nguntui neakna taw bang phattuamna nga tu ki um ni ziam?

Jeremiah 2:18 Iomraidhean Croise

2 Khangtaanghthu 28:16

Edom te in Judah ngam sim kik in, thongtaak tu tam mama man hi, tua ahikom Ahaz kumpipa in Assyria kumpilianpa Tiglath Pileser tungah hu ngen hi.

Isaiah 23:3

Egypt ngam ah a piang ante a lei a zuak tu le ngam theampo taw sum vawt kipee tu in tuipi kaantan in mihingte na paisak uh hi.

Isaiah 31:1

Egypt ngam ah huna ngenin a paite a lal ahi hi! Amate in Egypt te ii ngalkap thahatna — siphute, siphu ngalleangte le ngalkapte suang uh hi. Ahihang amate in Israel mite ii a thiangtho Pathian ahi, Topa suang ngawlin huna zongh ngen ngawl uh hi.

Isaiah 7:20

“Tua hun hong thet ciang, Topa in sam meet pa khat — Assyria kumpilianpa! — sia Euphrates ngunngal khat pan sam tu a, ama in na khamulte, na sam le na pumpi tung mul teng meet tu hi.

Jeremiah 2:36

Minam dangte ii pathiante kung na zot hu in nangma le nangma in na man na kisulhsak zo hi. Assyria te ii na thin hong kiamsak bang keak ma in, Egypt te in na thin hong kiamsak tu hi.

Jeremiah 31:22

Bang tanvei haisaang tu nu ziam, upna nei ngawl mihingte awng? A thak le a tumdang na khat ka bitphua zo a, numei khat in pasal khat a sungsiat bangin tumdang hi,” ci hi.

Kaa late 4:17

Eite in hong pai ngeingawl tu bul huna lamen in khuadak zawk nawn ngawl tu dong khua ih dadak hi. Eite in piak tu a nei ngawl ngam khat tung pan huna ih ngangak hi.

Kaa late 5:6

Nuntak khom natu an ka nga natu uh in Egypt le Assyria ah an ngenin ka pai uh hi.

Ezekiel 16:28

“Banghang ziam cile midangte in hong lungkimsak ngawl a hikom Assyria te na del hi. Nang sia amate atu pumpi zuak na hi a, ahihang amate in nang sia hong lungkimsak peang bua hi.

Ezekiel 17:15

Ahihang Judah kumpipa in leedo veve a, Egypt ngam ah siphu le ngalkap honpui khat sam tu in palai seamte paisak hi. Ama in a taangtun zo tu ziam? Ama in tuabang teng taw suakta zo tu ziam? Ama in a thukimna paltan thei ngawl tu a, daan thuakna peng thei ngawl tu hi!

Ezekiel 23:30

hi teng na tungah hong tungsak hi. Nang sia ngam tuatuam te a tu pumpi zuak na hi a, milimte taw nangma le nangma na kininsak zo hi.

Hosea 5:13

“Israel in a ciinatna bangza ziam ci sia a kimu ciang le Judah in ama ii liammate a kimu ciang, Israel in Assyria kumpilianpa kungah hu ngenin pai hi; ahihang ama in a natna le a liammate damsak thei ngawl hi.

Hosea 7:11

Inn vakhu mawmaw khat bangin Israel te leang kawkoai hi; amate in Egypt te tungah huna ngen masa uh hi, tua zawkciang Assyria ah tai uh hi!

Joshua 13:3

thang sangah Avvim te ngam theampo zongh ahi hi. (Shihor lui pan Egypt te ngamngi dong, saksang pan Ekron te ngamngi dong leitang teng sia Canaan te ngam in kingaisun hi; Philistine kumpite sia Gaza, Ashdod, Ashkelon, Gath, le Ekron ah teang hi.)