Jeremiah 2:13 - Syin Chin Bible

¹³ banghang ziam cile ka mite in mawna khialna nam nii vawt zo uh hi; amate in a thiangtho ciktui, keima kung pan puapial zo uh hi, tuaciang amate in tui a cing thei vet ngawl a kektham tuikhukte to uh hi.

Jeremiah 2:13 Iomraidhean Croise

2 Kumpite 22:17

Amate in kei hong nial a, tuaciang pathian dangte tungah sangaw biakpiakna pia zo hi, tua ahikom amate ii sep le vawt theampo in ka thin uukna piangsak hi. Ka thin uukna sia Jerusalem tungah tu hi, tuaciang tua ka thin uukna sia veng ngawl tu hi.

Psalm Late 36:9

Nang sia nuntakna theampo ii naak na hi a, nangma ii khuavak hangin khuavak ka mu uh hi.

Thuhilsya 1:14

Hi leitung ah a kiseam theampo ka mu zo a, a luithawthong vive hi ci in kong son hi. Tuasia in vuiva delkot taw kibang hi.

Thuhilsya 1:2

Thuthuk ngaisunpa in a luithawthong, a luithawthong hi, ci hi. Nuntakna sia luithawthong, a vekpi luithawthong hi.

Thuhilsya 12:8

Luithawthong, luithawthong, Thuthuk Ngaisunpa in ci hi. A vekpi a luithawthong ahi hi.

Thuhilsya 2:11

Tuaciang ka sep sa theampo le haksa tak ka sepnate ka ngaisun a, bangma khiakna a nei ngawl hunlam ka phawk hi. Tuasia in vuiva del taw kibang a, kimanna om vet ngawl hi.

Thuhilsya 2:21

Na khat pawpo atu in na ciimna, na heakna le na thiamna theampo taw naseam a, a zawkciang tua na sia a seam ngawl het khat tungah na nusiat lel tu hi. A luithawthong hi a, maan zongh maan ngawl hi.

Thuhilsya 2:26

Pathian a lungdamsak te tungah Pathian in ciimna, heakna, le lungdamna pia hi, ahihang mimawte ii thalaw sate ama a lungkimsakte tungah a piak thei tu in ama in mawneite na seamsak, sum thalawsakin sum kholsak hi. A vekpi a luithawthong ahi hi. Tuasia in vuiva delkot bang ahi hi.

Thuhilsya 4:4

Mihingte in ngual a zaw natu in banghangin nasia tak na seam ziam ci zongh ka tel zo hi, banghang ziam cile a innpaamte a een hang ahi hi. Ahihang tuasia in a luithawthong ahi hi. Tuasia in vuiva del taw kibang hi.

Isaiah 1:3

Khuite in a topa he uh a, laate in a topa ii an piakna mun he hi. Ahihang ka mihing Israel te in tua za in he ngawl hi. Amate in tel vet ngawl uh hi,” ci hi.

Isaiah 1:4

No a khial a maw minam, siatna vawtin a seksol mihingte a lal tu hi zo nu hi! Na mawnate in note hong kaisuk hi! Israel te ii a thiangtho Pathian, Topa nialin na nungngat zo uh hi.

Isaiah 12:3

Tui thiang in a dangko te, a lungdamsak bangma in, Pathian ii mihingte zongh ama ii a ngup ciangin lungdam uh hi.”

Isaiah 5:13

tua ahikom thongtaakte bangin hong kipaipui tu hi. Na lampuite ngilkialin pukthi tu a, nautaang mite dangko in thi tu uh hi.

Isaiah 55:2

Banghangin ngilva dangva na ngawl po in sum zangh thawthong nu ziam? Banghangin na thalaw sa sumte zangh napi ngilkial lalai nu ziam? Hong ngai tavun a, kong ci bangin seam vun, tua hile an limbel na ne tu uh hi.

Isaiah 63:8

Topa in, “Amate sia ka mite hi; kei hong theam ngawl tu uh hi,” ci hi. Tua ahikom Topa in amate sia

Jeremiah 1:16

Keima in ka mite daan ka pia tu hi, banghang ziam cile amate in mawna khialna vawt zo uh hi; amate in kei hong nusia zo uh a, pathian dangte tungah biakpiakna pia in, milim vawtin bia uh hi.

Jeremiah 14:3

Sumhau mite in a naseamte tui toai tu in sawl a; amate tuikhukte ah a pai uh le, tui om ngawlin a bealhawm nguak taw heak kik uh hi. Thinkiam lungmangin, amate in a mai uh seal hi.

Jeremiah 15:6

No, mihingte in kei nong nial zo uh a; nong nungngat zo uh hi, ka thin uukna ka iip na in toi zo ka hikom ka khut zalh in kong susia hi.

Jeremiah 17:13

Topa awng, nangma in Israel mite ii lam et pa na hi a; nang hong nusia mihingte theampo a mai uh kizumsak tu hi. Amate sia leivui sungah min ki at te bangin bomang tu uh hi, banghang ziam cile amate in ciktui thiangtho ahi Topa nangma, hong nusiat hang ahi hi.

Jeremiah 18:14

Lebanon suangmual saangte vuuk in tuam ngawlin om ngei ziam? Mualtung pan hong luang a vot luite kang ngei ziam?

Jeremiah 19:4

Hi bangin ka vawt tu hi, banghang ziam cile mihingte in kei hong nusia zo uh a, hi mun sia pathian dangte biakpiakna taw in ninsak zo uh hi — tua pathiante sia amate, a taanghpupite, Judah kumpite ii a thu a heak ngeingawl pathiante ahi uh hi. Amate in hi mun sia a mawbaang ngawl mihingte ii chi taw kidimsak uh hi,

Jeremiah 2:11

Minam dangte kuama in a pathiante uh sia pathian tatak ahi ngawl hang kheal ngeingawl uh hi. Ahihang ka mite in amate vaang a pia Pathian, keima sia, amate atu bangma a vawtsak thei ngawl pathian taw hong theak zo uh hi.

Jeremiah 2:17

Israel awng, hi teng na tungah na thengsak hi! Nang lam kong pui laitakin nangma in Topa na Pathian, keima nong nusia hi.

Jeremiah 2:26

Topa in, “Nguta khat a kimat ciang a maimawl bangma in, no Israel mite theampo — na kumpite le uliante, na thiampite le kamsaangte hong maimawlsak tu hi.

Jeremiah 4:22

Topa in, “Ka mite mawmaw uh hi; amate in kei hong he ngawl uh hi. Amate sia patang mawmawte bang hi uh a; tel theina bangma nei ngawl uh hi. Amate a sia vawt tu thiam a, a pha vawt thei ngawl uh hi,” ci hi.

Jeremiah 5:26

“Mi ngilote ka mite ii sungah teang uh hi; Amate in ngeen taw vacim thaang a sia mite bangin mihingte man tu in thaangsia uh hi.

Jeremiah 5:31

kamsaangte in leilot thu bek son uh hi; thiampite in kamsaangte thupiakna bangin uk uh a, ka mite in nalh ngawl uh hi. Ahihang a tawpna hun a thet ciang amate in bang law tu uh ziam,” ci hi.

Ezekiel 14:5

Tua milimte in Israel te sia kei kung pan kiheaksak hi, ahihang ka zona taw amate ii citakna hong nei kik tu in ka lamen hi.

Ezekiel 47:1

Tua pa in Biakinnpi sung tumna ah hong heakpui kik hi. Tua tumna nuai pan tui hong phul a, Biakinnpi maingatna nisuana sangah luang hi. Tuasia biakinn thangsang a nuai pan biaknatau thangsang tawnin luangsuk hi.

Micah 2:8

Topa in, “Noma in ka mite sia ngalte bangin sim nu hi. Pasalte ngalphual pan cia a, inn ah ngam muangin om tu kisa hi, ahihang note tualai ah om in a silh lai laktong puasilhte nguksak tu in na ngak uh hi.

Micah 6:3

Topa in, “Ka mite awng, note tungah bang hong vawt zo khi ziam? Note atu bangbangin vanh ngit khat suak zo khi ziam? Hong zo tavun.

Zechariah 13:1

Vaanglianbelpa Topa in “Tua hun hong thet ciang, David suan le paalte le Jerusalem mite mawna le milim biakna pan thiansua natu in tuinaak khat hong phuul tu hi.

John 4:10

Jesus in, “Pathian in bang teng pia a, nang tungah tuineak tu hong ngen sia akua ziam, ci thu tel thong lete nangma in ama munah na ngen tu hi, tuaciang ama in nuntakna tui hong pia tu hi,” ci hi.

John 4:11

Tua numei in, “Syapa awng tuipheal nei ngawl ni hi, tuaciang tuikhuk sia thuk hi. Tua nuntakna tui, koisung pan nga tu ni ziam?

John 4:14

ahihang kei ii ka piak tui a dawn peuma a dangko kik ngei nawn ngawl tu hi. Ka piak tu tui sia ama sung pan ciktui khat hong suak tu hi, tua in nuntakna a pia tui hi tu a, tuaciangin tawntung nuntakna pia tu hi,” ci in zo hi.

John 7:37

A thupibel ni poai khaam tawp ni in, Jesus dingto in awnging tak taw, “A kuama po a dangkote kei kungah hong pai in tui dawn tahen.

Thuhil kikna 31:16

Topa in Moses tungah, “Thi pal tu ni hi, na thi zawkciang mihingte kei tungah hong thumaan ngawl tu a, amate taw ka vawt thuciamna sia palsat tu uh hi. Amate in kei hong taisan tu a, a tum natu ngamsung doai biate ii pathiante bia tu uh hi.

2 Peter 2:17

Hi mihingte sia a kang sa cik taw kibang a, vuipi suangval ii a seamkeak meeikaaite bang ahi uh hi; Pathian in amate atu in, a zing belna mun khealsiasak hi.

Thupualaakna 21:6

Tuaciang ama in, “Kiman zo hi! Kei sia a kipatna le a tawpna ahi a masabel le a khakbel ka hi hi. A dangko theampo tungah man piak ngawlin nuntakna ciktui a neak thei natu thu ka pia tu hi.

Thupualaakna 22:1

Vantunglalang in, Pathian le Tuuno kumpi tokhum kung pan hong luang suk, crystal suang bangin a tee vakil nuntakna nguntui sia hong lak a,

Thupualaakna 22:17

Thaa le a Mothak in, “Hong pai ta'n!” hong ci hi. A zate theampo zongh in, “Hong pai ta'n!” ci si hen. A dangko theampo hong pai tavun; nuntakna tui a dei peuma in, tua nuntakna tui letsong in saang tavun.

Thukhente 10:13

Ahihang nong nusia veve uh a, pathian dangte na bia uh hi, tua ahikom hong suatak kik ngawl tu khi hi.

1 Samuel 12:10

Tua zawkciang amate in Topa tungah hu ngenin, ‘Ko sia maw zo khu hi, banghang ziam cile nang kung panin kiheak khu hi, Topa awng, tuaciang Baal le Astarte milimte bia khu hi. Ka ngalte kung pan hong suatak ta'n, tuaciang nangma hong bia tu khu hi!’ ci in au uh hi.