Jeremiah 2:11 - Syin Chin Bible

¹¹ Minam dangte kuama in a pathiante uh sia pathian tatak ahi ngawl hang kheal ngeingawl uh hi. Ahihang ka mite in amate vaang a pia Pathian, keima sia, amate atu bangma a vawtsak thei ngawl pathian taw hong theak zo uh hi.

Jeremiah 2:11 Iomraidhean Croise

1 Kumpite 11:33

Hi bangin seam tu khi hi, banghang ziam cile Solomon in kei hong nial in ngamdang pathiante: Sidon te ii numeipathian Astarte;, Moab te ii pathian Chemosh; Ammon te ii pathian Molech te bia hi. Solomon in ka thu hong ni ngawl hi; ama in khialna vawt zo hi, a pa David ii a zui bangin ka thukhamte le ka thupiakte zui ngawl hi.

2 Kumpite 1:3

Ahihang Topa ii vantunglalang khat in Tishbe pan kamsaang Elijah sia Kumpipa Ahaziah ii kamtaite taw kisi tu in paisak a, “Banghangin Ekron pathian Baalzebub tungah thu dongh tu nu ziam?

2 Khangtaanghthu 13:9

Aaron ii suan le paal, Topa ii thiampite le Levi te na notkeak uh hi. Amate taangin a dang minamte ii vawt bangin thiampite panmun na pia uh hi. Khuital khat ahibuale tuu sali taw hong pai pawpo sia noma pathiante ii thiampi khat a suak tu in ama le ama ki aapsak thei hi.

Psalm Late 106:20

amate in Pathian minthanna sia lopa a ne nganhing khat ii lim taw theak uh hi.

Psalm Late 115:4

Amate ii pathiante sia ngunn le khamh taw kivawt a, mihing khutte taw kivawt hi.

Psalm Late 3:3

Ahihang, Topa awng, nang sia a tawntungin launa pan hong dal ka lum na hi hi. Nangma in zawna nong pia a, thinletna taw nong dimh kik hi.

Isaiah 37:19

a pathiante — tuate sia pathian tatak hi ngawl het a, khut taw a vawttawm thing le suang po ii limte bek ahi a pathiante a haltumsak sia ka he siat uh hi.

Jeremiah 16:20

Mihingte in aituam pathiante vawt thei tu ziam? Vawt thei ngawl tu hi, a vawt a ahile, tuate in pathian tatak hi ngawl tu hi,” hong ci tu uh hi.

Jeremiah 18:13

Topa in, “Nidang in tuabang thu a piang ngei zo ziam, minam theampo tungah dongh vun. Israel mite in a cizathuai na khat vawt zo uh hi!

Jeremiah 2:5

Topa in: “Na taanghpupite in kei hong langpanin bang hong mawsiat ziam? Kei kung pan amate a puapialsak sia a bang ziam? Amate in a man nei ngawl milimte bia in amate mama a man nei ngawl suak uh hi.

Jeremiah 2:8

Thiampite in, ‘Topa koisung om ziam?’ ci in zongh dongh ngawl uh hi. Keima ii thiampite mama in kei hong he ngawl uh hi. Ngam ukte in kei hong langpan uh a; kamsaangte in Baal min suangin thuson uh a, tuaciang bangma kimanna a nei ngawl milimte bia uh hi.

Jeremiah 5:7

Topa in, “Ka mite ii mawnate banghangin maisak tu khi ziam? Amate in kei hong nusia in pathian tatak ahi ngawlte bia zo uh hi. ka mite sia a ngilva dong ka vaak a, ahihang amate in palngul khialna vawtin pumpi kizuakte taw a hun zangh uh hi.

Ezekiel 14:5

Tua milimte in Israel te sia kei kung pan kiheaksak hi, ahihang ka zona taw amate ii citakna hong nei kik tu in ka lamen hi.

Ezekiel 5:7

Tu in Jerusalem awng, kei Vaanglianpipa pauna hong ngai ta'n. Ka thukhamte ni ngawl a ka thupiakte na zui ngawl ciang, na kiim na paam ngamte sangin ngimna tam piangsak zaw ni hi. Ngamdangte ngeinate na zui zo ta hi.

Micah 4:5

Minam simin amate tek ii pathian bia in a thu ni hi, ahihang eite in Topa, ih Pathian a tawntung, a tawntungin ih bia tu a, a thu ih ni tu hi.

Romete 1:23

a nungta tawntung Pathian a biak tu luangin a thithei mihing, vacim, ngamsa, awmtaal in a vak nganhingte meal taw kibang limte bia uh hi.

1 Corinth te 8:4

Tua ahiciang, milim biakna in a kizangh an neakna huvau ah: milim ih ci sia a om takpi ngawl khat ii taang ahi sia ih he hi; eite in Pathian khat bek om ahi hunlam ih he hi.

Galatia te 4:8

Hun bosa sungah note in Pathian na he bua uh hi, tua hu in a maan ngawl pathiante ii sila in na om uh hi.

Thuhil kikna 32:16

A milim biakna Topa in ensan a; a pha ngawl a sepna in Topa thin uuksak hi.

Thuhil kikna 32:21

Amate in a milimte taw ka thin hong uuksak a, Pathian tatak a hi ngawlte amate ii pathian a ci uhte taw ka etsat natu hong vawt uh hi. Tua ahikom amate thin a uuksak tu in minam a kici thawthong khat ka zangh tu hi; a mawmaw minam khat in amate ka ensansak tu hi.

Thuhil kikna 33:29

Israel awng, bangza in lungdam nu ziam! Topa ii a ngup note taw kibang minam khat zongh om ngawl hi. Topa ama mama na lum le na namsau hi a, note hong dal tu le zawna hong pia tu ahi hi. Na ngalte in hesuak ngenin hong pai tu a, tuaciang amate na tuanhcil tu uh hi.

1 Peter 1:18

Banghang ziam cile na taanghpupite pan na luasuk uh, a mannung ngawl nuntakzia pan na suatak natu in, note bang taw hong tan ci thu na he uh hi. Ngunn le khamh bangin a kisia thei thilte taw hong kilei hi ngawl hi;

1 Samuel 4:21

Ama in a tapa min sia Ichabod phuak hi, a khiakna sia, “Pathian ii vaangletna in Israel nusia zo,” a cina hi, Thuciamna Thingkuang kimatna le a topasal le a pasal thina teng kilhtua in a phua khop ahi hi.