Jeremiah 19:8 - Syin Chin Bible

⁸ Hi khuapi tungah tuabang a lauhuai mama siatna ka tungsak tu a, tua khua a kaantan pawpo ingh liangin lamdang sa mama tu hi.

Jeremiah 19:8 Iomraidhean Croise

1 Kumpite 9:8

Hi Biakinnpi sia zaanciim in kisengneng tu a, a kaantan in a pai theampo liinglawng tu uh a lamdang sa in, ‘Banghangin Topa in hi ngam le hi Biakinnpi tungah hi bangin ngamta ziam?’ ci in kidongh tu uh hi.

Jeremiah 18:16

Amate in hi ngam sia a tawntung a kinomu tu in a lipkhaphuai ngam suaksak uh hi. Tua mun a kaantan mihingte theampo in tua ngam a mu uh ciang a thin patau tu uh a, lamdang sa in a lu pei tu uh hi.

Jeremiah 25:18

Amate sennealngam khat, a lauhuai, diipkuathuai mun a sua natu le, mihingte ii ama te min sia haamsiatna in a zak natu in — tu hun dong a kizak lai bangma Jerusalem le Judah ngam khuapite theampo, a kumpite uh le a lampuite uh taw tua hai sung panin kidawnsak hi.

Jeremiah 49:13

Bozrah khuapi sia a lipkhaphuai mun le senneal ngam suak tu hi ci in keima mama in ka kiciam zo hi; mihingte in tua khua sia ciammuina in nei in, a min sia kihaamsiatna in zangh tu uh hi. A nai a om khuanote theampo a tawntungin kisiacip tu hi. Keima, Topa in ka ci zo hi.”

Jeremiah 50:13

Ka thin uukna hu in Babylon ah kuama teang ngawl tu hi; a siacip in kinusia tu a, tua mun kaantan in a paite theampo in ingh in lamdang sa tu uh hi.

Ezekiel 27:36

Nang sia a tawntungin, a mangthang na hi hi. Tuaciang leitung theampo ah sumvawtte patau siat a, nang thuakna bang a thuak thaak tu lau uh hi.

Thiampite 26:32

Na leitang ka lalcipsak tu a, tuasia a lua na ngalte inghsak tu hi.

Micah 6:16

Hi bang hong piang tu hi, note in Omri kumpipa le a tapa Ahab kumpipa ii ngamtat siate na zui uh hang ahi hi. Amate ngamtat ziate zomto na hi uh ciang kong siacipsak tu a, a kuama po in note hong zawngsak tu hi. Mite in mun theampo ah note hong zawnsak vawt tu uh hi,” ci hi.

Zephaniah 2:15

Khuapi kiphasak mama, a thahatna suangin, ngam muang a kisa khat tungah tuabangin piang tu hi. A mite in amate khuapi sia simleitung ah khuapi lianbelin ngaisun uh hi. Bangza a ngamtongta mun, ngamsate tawl omna mun suak tu ziam! A kaantan in a pai pawpo in a mu ciang patau in ton tu hi.

Thuhil kikna 28:37

Topa ii hong thethaang natu ngam tuatuam ah note tungah thupiangte hangin mihingte in lamdang sa tu uh hi; amate in note hong nunau in hong ciammui vawt tu uh hi.

Thuhil kikna 29:22

“Mailam khang kikte sungah na suan na paalte le ngam khuala pan ngamdangmite in na ngam sungah Topa ii hong puak tuasiatnate le ngim thuaknate mu tu uh hi.