Jeremiah 19:7 - Syin Chin Bible

⁷ Hi munah Judah le Jerusalem mite ii ngealnate theampo ka khak tu hi. A ngalte in ka zosak tu a ngal kidona ah ka thatlumsak tu hi. A luangte sia vacimte le ngamsate ii an tu in ka pia tu hi.

Jeremiah 19:7 Iomraidhean Croise

2 Kumpite 21:14

A nungta lai teng ka nusia tu a, a ngalte khut sungah ka aap tu hi, tuate in amate zothal tu a, a leitang nopzak tu hi.

Paunakte 21:30

Mihingte ciimna pilna, kivakna le thuthuk muna cite sia — Topa in nang hong langpan le, kimanna nei ngawl hi.

Isaiah 29:14

Tua ahiciang keima in amate muanmawk khol ngawlin a kiitakhuai tuasiatna, khat zawkciang khat ka tungsak tu a, lamdang ka sasak tu hi. Mihing ciimte a mawmaw suakin, a pilna theampo sia kimanna nei ngawl tu hi,” ci hi.

Isaiah 8:10

Ngealnate na nei vun! Ahihang tuate taangtung ngeingawl tu hi. Na uuk zaza son vun! Ahihang a luithawthong vive hi, banghang ziam cile Pathian sia eite taw om hi.

Jeremiah 15:2

Koi sungah pai tu khu ziam ci in amate in nang hong dongh uh le, hi bang ka ci teng son in: Pawlkhat sia natna taw thi tu in kisee a — tua mun sia amate pai natu mun ahi hi! A dangte sia ngal sungah thi tu in kisee a — tua mun sia amate pai natu mun ahi hi! Pawlkhat sia pukthi in thi tu in kisee a — tua mun sia amate pai natu mun ahi hi! A dangte sia thongtaakte bangin a kipaipui tu in kisee a — tua mun sia amate pai natu mun ahi hi!

Jeremiah 15:9

A tate sali ii a thi sanh a nu sia butthi in a husamh hi, ama ii sun khuavak sia khuazing suak a, ama sia maimawl in a thinna sa hi. No sung pan a nungta laiteng na ngalte in kong thatlumsak tu hi. Keima, Topa in ka son zo hi,” ci hi.

Jeremiah 16:4

Amate a lauhuai natnate taw in thi tu uh hi, kuama in amate kaa ngawl tu, phum ngawl tu hi. Amate ii luangte lei ah eaklei bangin kithu tu hi. Amate sia ngal sungah kithat tu a, ahibuale ngilkial pukthi in thi tu hi, a luangte sia vacimte le ngamsate ii an hi tu hi.

Jeremiah 18:21

Ahihang tu in Topa awng, a tate ngilkial in pukthisak in; amate ngal sungah thalup thuaksak in. Nupite a pasalte le a tate in thi sansak in; pasalte sia natna taw thisak in, tangvalte ngal kisimna ah thalup thuaksak in.

Jeremiah 21:7

Ahihang, nangma, na khutnuai a uliante le ngalsung, kialpi le natna ngilo pan a, a suakta mite sia — no hong that nuam Nebuchadnezzar kumpipa le na ngalte in na vekpi in kong mansak tu hi. Nebuchadnezzar in no hong thatlum tu hi. Ama in note hesuakna le deisakna hong nei ngawl tu a khat zongh hong khoaikhe buatu hi. Keima Topa in ka ci zo hi.”

Jeremiah 22:19

Laa khat a thi ciang a kiphum bangin ama luang kikaikeak in Jerusalem ii kongpite pua sangah kivawk tu hi.”

Jeremiah 22:25

na kiitak mihingte le nang hong thatlum nuam mihingte tungah kong aap tu hi. Babylon kumpipa Nebuchadnezzar le a ngalkapte tungah kong aap tu hi.

Jeremiah 32:28

Hi khuapi sia Babylon kumpipa Nebuchadnezzar le a ngalkaphonpi khut sungah ka pia tu a; amate in la in,

Jeremiah 34:20

Amate sia amate a thatlum nuam a ngalte ii khut sungah ka aap tu a, a luangte sia vacimte le ngamsate in ne tu uh hi.

Jeremiah 46:26

amate a that nuam Babylon kumpipa Nebuchadnezzar le a ngalkaphonpi khut sungah ka aap tu hi. Ahihang hun khat ciang, nidang hun a ten ngei bangma in Egypt ngam ah mihingte teang kik tu uh hi. Keima, Topa in ka son zo hi,” ci hi.

Jeremiah 7:33

Mithi luangte sia vacimte le ngamsate ii an suak tu a, tuate a beng tu kuama om ngawl tu hi.

Jeremiah 8:2

A ngute khawmtua a, kiphumsak tu ci thada, lei ah eak vawk bangin pheang om tu hi. Tuate sia a it le a na a sepsak, thu a dok le a biak uh ahi ni, tha le aksite mai ah kipheangpha tu hi.

Jeremiah 8:8

Note in ko ka ciim uh a, na thukhamte ka he uh hi, bangbangin ci thei tu nu ziam? En vun, thumaan ngawl thukham hilte in thukhamte kheal uh hi.

Jeremiah 8:9

Na mipilte uh mai zumin om hi; amate lungmangin a ci a law he ngawl uh hi. Amate in ka kammalte nial zo hi; tu in amate in bang pilna nei uh ziam?

Kaa late 3:37

Topa deina sia bekma kiseam suak tawntung hi.

Thiampite 26:17

Ngal na lel natu in kong nungngat tu a, hong ngaimaw te in hong uk tu hi; na patau mama tu uh a, hong del om ngawl napi na tatai tu uh hi.

Thiampite 26:25

Ih thuciamna na palsat manin daan hong pia tu in no tungah ngalpi kong thengsak tu hi. Na ngammuan natu in khuapi sung na zuan zonghin a dam maw natnate kong tungsak tu a, na ngalte na lel hamtang uh kul tu hi.

Romete 3:31

Upna in Thukham phiat hi cinopna ahi ziam? Hi ngawl het hi; eite in Thukham ih kipsak zaw hi.

Romete 4:14

Banghang ziam cile Pathian ii kamciam sia Thukham a tangte atu hi thong le mihingte upna sia a lui thawthong suak tu a, Pathian kamciam zongh man nei ngawl hi tu hi.

1 Samuel 17:46

Tuni mama in Topa in nang sia keima khut sungah hong pia tu hi; kong zo tu a, na lu ka tan tu hi. Tuaciang Philistine ngalkapte luang sia vacimte le ngamsate neak tu in ka pia tu hi. Tuasia tak ciang leitung buppi in Israel ii Pathian khat a nei hunlam he tu hi,