Jeremiah 19:5 - Syin Chin Bible

⁵ tuaciang amate in biakpiakna in a tate sia mei sungah halin Baal a biak natu in biaknatau vawt zo uh hi; hisia a vawt natu thu ka pia ngei bua hi; ka thinsung zongh ah ka ngaisun tha ngei bua hi.

Jeremiah 19:5 Iomraidhean Croise

2 Kumpite 17:17

Amate in a tapa a tanute doai biate ii pathiante tungah meihal biakpiakna in pia uh hi; amate in thaa sam theite le aisaan theite thu dongh uh hi, tuaciang amate in Topa ii muna ah a maan ngawlte vawt tu in kipum aap uh a, Topa thin uukna piangsak hi.

2 Kumpite 21:6

A tapa sia meihal biakpiakna in pia hi. Ama in aisaan le mitbumna zangh in, tuaciang aisaan theite le thaa sam theite kungah thu veu dongh hi. Ama in Topa tungah nasia takin maw a, a thin uukna piangsak hi.

2 Khangtaanghthu 28:3

Hinnom Kuam ah ngimnamtui halin, Israel mite maisang a manaw hun lai a, Topa ii a ngamsung pan a nawkeak mite ii a zak a kiihuai nasepte zui in a tapate ngawngawn meihal biakpiakna in milimte pia hi.

Jeremiah 32:35

Amate in a tapate le a tanute taw Molech pathian a biakpiak thei natu in Hinnom Kuam sungah Baal a tu biaknataute vawt uh hi. Hi bang a vawt tu sia amate tungah thu ka pia bua hi. Tuabang khat a vawt tu le tuaciang Judah mite mawna vawt a suasak tu sia ka ngaisun tha ngei bua hi,” hong ci hi.

Ezekiel 16:36

Hi sia Vaanglianpipa Topa ii ci hi: “Pumpi zuak numei khat bangin, na puan na sut khe a, na lawmpate le a kiihuai milimte tungah nang le nang kipia a, tua ciang, na tate thatlum in milimte tungah sangaw biakpiakna in na nei hi.

Ezekiel 20:26

A biakpiakna te taw amate ka ninsak a, a tapa upa belte zongh sangaw biakpiakna in ka piasak hi. Hi sia amate daan ka piakna hi a, Keima Topa ka hi hunlam ka lakna ahi hi.

Ezekiel 38:10

Hi sia in Vaanglianpipa Topa ii Gog tungah a son ahi hi: “Tua hun hong thet ciangin nang in thusia tupna khat na ngaisun tu hi.

Daniel 2:29

“Kumpipa awng, na mut laitakin, maisang hong piang tute mang in na man hi; thutumdangte a pualaak Pathian in a piang tu thu hong lak hi.

Thiampite 18:21

Molech pathian biakna ah zak tu in na tate khat zongh pia heak in, banghang ziam cile tua in Topa ahi Pathian ii min daisak tu hi.

Mi Simna 22:41

A zingsang ciang Balak in Balaam sia Bamoth Baal ah paipui to hi, tua mun panin Balaam in Israel mite khen khat mu thei hi.

Thuhil kikna 12:31

Amate ii a pathiante a biakzia bangin Topa na Pathian bia heak vun, banghang ziam cile a pathiante a biak uh ciangin Topa ii ngaimawk, a kiihuai nate theampo vawt uh hi. Amate in a tate ngawngawn pia in a biaknataute tungah mei taw hallum uh hi.