Jeremiah 19:4 - Syin Chin Bible

⁴ Hi bangin ka vawt tu hi, banghang ziam cile mihingte in kei hong nusia zo uh a, hi mun sia pathian dangte biakpiakna taw in ninsak zo uh hi — tua pathiante sia amate, a taanghpupite, Judah kumpite ii a thu a heak ngeingawl pathiante ahi uh hi. Amate in hi mun sia a mawbaang ngawl mihingte ii chi taw kidimsak uh hi,

Jeremiah 19:4 Iomraidhean Croise

2 Kumpite 21:16

Manasseh in mawna nei ngawl mihing tam mama thatlum a, Jerusalem lampite chisan luang hi; hi teng banah ama in a mite milim biakna ah lampui a, Topa tungah mawsak hi.

2 Kumpite 23:10

Kuama in a tapa ahibuale a tanu, Molech pathian tungah meihal biakpiakna in a nei thei ngawl natu in, Josiah kumpipa in Hinnom Kuam a om Topheth a kici doaibiakna mun sia zongh lalthamsak hi.

2 Kumpite 24:4

tuaciang, a tuan in mawnei ngawlte theampo zongh a thalup hu ahi hi. Topa in Manasseh ii tuabang ahikom in maisak zo ngawl hi.

Psalm Late 106:38

Amate in tua mawnei ngawl patangno numeinote thatlum uh a, tua kithalupnate in ngam ninsak hi.

Isaiah 59:7

A sia vawt tu na tum tawntung uh a, tuasia vawt tu kaal na ngakla thei uh hi. Khialna mawna nei ngawl mite thalup tu na haisaang ngei bua uh hi. Na paina pawpo uh a sia a lalin na nusia uh a,

Isaiah 65:11

“Ahihang kei hong nusiate, ka mual thiangtho Zion a awlmawk ngawlte, kaam thu le kaam etna in a dok Gad le Meni pathiante a bia note atu in thutuam hi tu hi.

Jeremiah 1:16

Keima in ka mite daan ka pia tu hi, banghang ziam cile amate in mawna khialna vawt zo uh hi; amate in kei hong nusia zo uh a, pathian dangte tungah biakpiakna pia in, milim vawtin bia uh hi.

Jeremiah 11:13

Judah mite in a khuapi a nei zaza ma milim pathian tam mama nei uh a, Jerusalem khua ah a teang mite in khuapi sungah om lampite za ma in a kiihuai Baal pathian biaknatau tam mama vawt uh hi.

Jeremiah 15:6

No, mihingte in kei nong nial zo uh a; nong nungngat zo uh hi, ka thin uukna ka iip na in toi zo ka hikom ka khut zalh in kong susia hi.

Jeremiah 16:11

Tuasia ciang Topa ii hi bangin a ci sia amate tungah va son ta'n hong ci hi, ‘Na taanghpupite in kei kung pan puapial a ngamdang pathiante bia in a na seam uh hi. Amate in kei hong nusia a ka hil thute ni ngawl uh hi.

Jeremiah 17:13

Topa awng, nangma in Israel mite ii lam et pa na hi a; nang hong nusia mihingte theampo a mai uh kizumsak tu hi. Amate sia leivui sungah min ki at te bangin bomang tu uh hi, banghang ziam cile amate in ciktui thiangtho ahi Topa nangma, hong nusiat hang ahi hi.

Jeremiah 17:20

Kumpite le Judah mite theampo, tuaciang Jerusalem khua sungah a teangte theampo le hi kongpite pan a tumte theampo in ka thuson a ngai natu in son in.

Jeremiah 18:15

Ahihang ka mite in kei hong mangil zo uh a; milimte kungah ngimnamtui hal uh hi. A tot natu lampi ah lutu zo a, lamluite zui nawn ngawl hi; a kisial ngawl lamzinte tawn uh hi.

Jeremiah 2:13

banghang ziam cile ka mite in mawna khialna nam nii vawt zo uh hi; amate in a thiangtho ciktui, keima kung pan puapial zo uh hi, tuaciang amate in tui a cing thei vet ngawl a kektham tuikhukte to uh hi.

Jeremiah 2:17

Israel awng, hi teng na tungah na thengsak hi! Nang lam kong pui laitakin nangma in Topa na Pathian, keima nong nusia hi.

Jeremiah 2:19

Nangma siatna in nangma daan hong pia tu a, kei nong nungngatna in nang hong puavawk tu hi. Topa na Pathian, keima hong nusia a, kei tungah thumaanin na om nawn ngawl tu sia bangzata in sia in khaa a, khial ci sia na tel tu hi. Keima, Vaanglianpipa Topa, Vaanglianbelpa in ka ci zo hi,” ci hi.

Jeremiah 2:30

Keima in no, daan kong pia hi, ahihang bangma phatuam ngawl hi; keima ii no kong puua tu nuam ngawl nu hi. Tawpi kitom khat bangin, na kamsaangte uh na thatlum zo uh hi.

Jeremiah 2:34

Na puante uh sia inn phuulte ii chisan baang ngawlin, mizawngte le mawna nei ngawlte ii chisan baang hi. “Ahihang, hi bang teng hi napi,

Jeremiah 22:17

Ahihang nang sia nangma kaangsung tu bek na mu thei hi; a mawbaang ngawlte na thatlum a na mite nasia takin na zawthawk vawt hi. Topa in ci zo hi.

Jeremiah 22:3

Topa in, “Keima, Topa in thumaan le thutang na vawt vun ci in no thu kong pia hi. Theamna a thuak pa sia a theam pa ii khut sung panin dal vun. Ngamdangmite, tangate ahibuale meingongte vawtsia heak vun; hi a thiangtho munah a mawbaang ngawl mihingte that heak vun.

Jeremiah 26:15

Ahihang hi thu telcian vun: kei nong that uh le noma le hi khuapi sung mihingte sia a mawbaang ngawl mihing khat that a mawnei na tang tu uh hi, banghang ziam cile hi kidop natu thu, no tungah son tu in hong sawl pa sia Topa ahi hi,” ka ci hi.

Jeremiah 26:23

Amate in Uriah sia Jehoiakim kumpipa kungah puak kik uh hi. Kumpipa in Uriah thatlumsak in a luang sia nautaang kiphumna thaan sungah vawk hi.)

Jeremiah 44:3

banghang ziam cile tua khua mite in a sia vawtin ka thin hong uksak uh hi. Amate ahizong noma na hi uh zong, na taanghpupite ahizong ii biak ngeingawl pathian dangte tungah amate in biakpiakna pia in a na seam uh hi.

Jeremiah 5:6

Tua hu in ngam tawnghtol sung pan tawpite in amate petlum tu uh hi; sennealngam pan ngia te in amate laitham tu a, pawlbeamte in a khua sungah vak kawkoai tu uh hi. Tua mihingte a pusuak uh le kibaltham tu hi, banghang ziam cile a mawna uh tam mama a, Pathian kung pan pial nithi hi.

Jeremiah 7:6

Noma phattuam natu in ngamdangmite, tangate le meingongte zothaw nawn heak vun. Hi ngam sungah a mawbaang ngawl mite that nawn heak vun. Pathian dangte bia nawn heak vun, banghang ziam cile tua in noma hong lalsak tu hi.

Jeremiah 7:9

Note in nguta, ngual that, palngul mawna vawtin, leilot thu taw kiciam nu hi, Baal tungah biak piaknate pia a, nidang a na heak ngeingawl uh pathiante na bia uh hi.

Kaa late 4:13

Ahihang hisia thu piang hi, banghang ziam cile a kamsaangte maw a, a thiampite in mawnei ngawl mihingte a a thisak uh hang ahi hi.

Ezekiel 20:26

A biakpiakna te taw amate ka ninsak a, a tapa upa belte zongh sangaw biakpiakna in ka piasak hi. Hi sia amate daan ka piakna hi a, Keima Topa ka hi hunlam ka lakna ahi hi.

Ezekiel 7:22

Manpha ka sak Biakinnpi a mindaisak a, phalakte in sulet in a nitsak ciangin ka kamkumh buatu hi.

Ezekiel 8:11

Israel mite lampui sawmsalite tua munah om a, tuate ii sungah Shaphan ii tapa Jaazaniah zongh kihel hi. Amate khat simin ngimnamtui halna khat tek toai a, ngimnamtui a hal sia panin meikhu suak hi.

Daniel 11:31

A ngalkap pawlkhatte in Biakinnpi melsia tu uh hi. Amate in ni sim biakpiaknate tawpsak tu uh a, Kiihuai Lauhuai Tophala khat koi tu uh hi.

Luke 11:50

Tua ahikom simlei kibitphua pan kipan a kisuamlum kamsaang theampo hangin, tu hun a mihingte daan kipia tu hi,

Thuhil kikna 13:13

a masa na biak ngeingawl uh pathiante a bia tu in na minam sung pan mihing ngina ngawl pawlkhat in amate khua puite a lampui khialna thu na za thei tu uh hi.

Thuhil kikna 13:6

“Na suapui, na tapa, na tanu, na it na zi, na lawm phabel te ngawngawn in noma le na taanghpupite ii na biak ngeingawl uh pathian dangte bia tu in hong hanthawn ku thei tu hi.

Thuhil kikna 28:20

“A sia vawtin Topa na nial uh le, manlang takin na lalcip uh dong ama in tuasiatna, buaina le na sepna theampo ah ngimnate tungsak tu hi.

Thuhil kikna 28:36

“Topa in nangma le na kumpipa sia nangma le na taanghpupite ii a teen ngeingawlna ngamdang ah hong paipui tu hi; tua munah thing le suang taw a kivawt pathiante ii na, na seam tu uh hi.

Thuhil kikna 28:64

“Topa in note sia leimong khat pan mong khat dong, minamte theampo sungah hong thethaang tu a, tualai ah noma le na taanghpupite ii biak ngeingawl pathiante, thing le suang taw a kivawt pathiante na, na seam tu uh hi.

Thupualaakna 16:6

Amate in Pathian ii mihingte le, kamsaangte chisan keesak ahikom amate dawn tu in chisan a pia zo hi. Amate in a kiphu a kilawm in thuak hi,” a ci ka za hi.

Thukhente 5:8

Tuaciang ngam sungah ngal hong om hi Israel te in pathian thakte hong teal uh ciang ahi hi. Israel ngam a om pasal tul sawmli sungah, lum ahibuale tei toai akua om ziam?