Jeremiah 19:3 - Syin Chin Bible

³ Topa in hi bangin son tu in kei hong sawl a, “Judah kumpite le Jerusalem khua mite awng, keima, Vaanglianbelpa Topa Israel mite ii Pathian, ii kong son tu thu na ngai vun. Hi munah tuabang tuasiatna khat ka thengsak tu a tua thu a za theampo ingh keikoi tu uh hi.

Jeremiah 19:3 Iomraidhean Croise

Psalm Late 102:15

Minam tuatuamte in Topa kiita tu hi; leitung ah kumpite theampo in ama ii vaangletna kiita tu hi.

Psalm Late 110:5

Topa sia na ziatsang ah om hi; ama a thin a uuk ciangin kumpite zothal siat tu hi.

Psalm Late 2:10

Tu in no kumpi te awng, hi kidop natu thu hong ngai tavun. No leitung ukte awng, hi thu tel tavun.

Isaiah 28:19

Tuasia in note sia zing khat zawk zing khat hong suu kikik tu hi. Sun zong zan zong na thuak uh kul tu hi. Topa kung pan hong pai thuthak khat sim in, patauna thak veu hong puak tu hi!

Jeremiah 13:18

Topa in kei tungah, “Kumpipa le a nu sia a kumpi tokhumte tung panin a tuaksuk natu in son in, banghang ziam cile amate ii a hoi mama a kumpi lukhute a lu tung uh panin taaksuk zo hi.

Jeremiah 17:20

Kumpite le Judah mite theampo, tuaciang Jerusalem khua sungah a teangte theampo le hi kongpite pan a tumte theampo in ka thuson a ngai natu in son in.

Jeremiah 18:11

Tua ahikom tu in, Judah mite le Jerusalem mite kungah amate siatsak tu tupna nei a daan pia tu in a kinging sa in ka om sia son in. Mawna khialna vawtin a nuntaknate a kheal natu — a omziate le a nasepte a lai natu in amate tungah son in.

Jeremiah 19:15

Vaanglianbelpa Topa, Israel ii Pathian in, “Ka tungsak tu hi ka ci sa daan theampo sia hi khuapi le a naina khua theampo tungah ka tungsak tu hi, banghang ziam cile no na thinpui in kong son thu na ngai buatu uh hi,” a ci sia ka son hi.

Jeremiah 25:29

Keima khuapi sungah suksiat nasep ka kipan tu hi. Daan thuak ngawl tu in kingaisun uh ziam? Hi ngawl hi, amate sia daan kipia tu hi, banghang ziam cile leitung mite theampo tungah ngal ka thengsak tu hi. Keima, Vaanglianbelpa Topa in ka ci zo hi.

Jeremiah 35:17

Tua ahikom tu in, Keima, Vaanglianbelpa Topa, Israel ii Pathian in no, Judah mite le Jerusalem mite tungah ka kamciamsa suksiatna theampo kong tungsak tu hi. Hi bangin note kong vawt tu hi, banghang ziam cile thu kong son ciang nong ngai bua uh a, kong sam ciang nong zo bua uh hi,” a ci teng a son tu in kei hong sawl hi.

Jeremiah 44:3

banghang ziam cile tua khua mite in a sia vawtin ka thin hong uksak uh hi. Amate ahizong noma na hi uh zong, na taanghpupite ahizong ii biak ngeingawl pathian dangte tungah amate in biakpiakna pia in a na seam uh hi.

Jeremiah 6:19

Leitung awng, ngai in! Amate in ka thuhil na nial a, ka kammalte mang ngawl ahikom, hi mite ii sawm nate theampo taw kiphu in daan piakna ahi siatna ka tungsak hi.

Ezekiel 7:5

Hisia in Vaanglianpipa Topa ii ci ahi hi: “Na tungah tuasiatna khat zawkciang khat hong tung tu hi.

Matthew 10:18

Kei hu in note sia ngamukte le kumpite mai ah hong kipuak tu a thu hong sit tu hi. Amate tung le Gentile te tungah Lungdamna Thupha huvau na son thei natu hi tu hi.

Thupualaakna 2:29

““Bil na nei uh le pawlpite tungah Thaa thusonnate ngai vun!

1 Samuel 3:11

Topa in ama munah, “Ni khat ni ciang Israel mite tungah a lauhuai mama khat ka vawt tu a, a za peuma lau ngawp tu hi.