Jeremiah 19:2 - Syin Chin Bible

² tuaciang Bealtamh Kongpi kaantan in Hinnom Kuam ah va pai ta'n, hong ci si hi. Tua munah hong son tu thupuak a thangsak tu ka hi hi.

Jeremiah 19:2 Iomraidhean Croise

2 Kumpite 23:10

Kuama in a tapa ahibuale a tanu, Molech pathian tungah meihal biakpiakna in a nei thei ngawl natu in, Josiah kumpipa in Hinnom Kuam a om Topheth a kici doaibiakna mun sia zongh lalthamsak hi.

2 Khangtaanghthu 28:3

Hinnom Kuam ah ngimnamtui halin, Israel mite maisang a manaw hun lai a, Topa ii a ngamsung pan a nawkeak mite ii a zak a kiihuai nasepte zui in a tapate ngawngawn meihal biakpiakna in milimte pia hi.

2 Khangtaanghthu 33:6

Ama in a tapate Hinnom Kuam ah meihal biakpiakna in nei hi. Ama in mitbum le aisaanna zangh a, maisang thu a sontheite le thaa sam theite thu dongh hi. Ama in Topa tungah maw mama in a thin uuksak hi.

Nehemiah 3:29

Immer ii tapa Zadok in ama inn mai ah a khen zom sia, ciang hi. Shecaniah ii tapa Shemaiah, Nisuana Kongpi keampa in khen zom sia, ciang hi.

Jeremiah 1:7

Ahihang Topa in kei tungah, “Kei ka moi leih hi ci heak in, kong paisakna mun, mite kungah pai in, son tu a kong thupiak theampo amate tungah son siat in.

Jeremiah 11:6

Tuaciang Topa in keima tungah, “Judah ngam khuapite le Jerusalem khua sung lampite ah va pai ta'n. Tua munah ka thu thangsak ta'n a, thuciamna thute ngai in, a zui natu mihonpite tungah son ta'n.

Jeremiah 18:2

“Beal seakpa ii inn ah haw in a, tua munah thu kong son tu hi,” hong ci hi.

Jeremiah 26:2

Topa in keima tungah, “Biakinnpi huang sungah ding in a, Judah ngam khuapite pan tua munah Pathian bia tu in hong pai mihingte tungah son tu a kong sawlte theampo thangsak in. Kheet nei heak in.

Jeremiah 3:12

Ama in kei tungah Israel te kung pai in hong sawl a, “Thumaan ngawl Israel awng, ka kungah hong pai kik ta'n. Keima in ka hesuak thei a, ka thin uuk ngawl tu hi; nang tungah a tawntungin ka thin a uuk buatu hi.

Jeremiah 32:35

Amate in a tapate le a tanute taw Molech pathian a biakpiak thei natu in Hinnom Kuam sungah Baal a tu biaknataute vawt uh hi. Hi bang a vawt tu sia amate tungah thu ka pia bua hi. Tuabang khat a vawt tu le tuaciang Judah mite mawna vawt a suasak tu sia ka ngaisun tha ngei bua hi,” hong ci hi.

Jonah 3:2

Ama in, “Tua khuapi lian Nineveh ah va pai ta'n a, a mite tungah kong thupiak sa teng thangsak ta'n,” ci hi.

Matthew 10:27

Khuazing sungah kong son theampo khuavak sungah na son kik tu uh hi. Tuaciang a thimtham a na zaak theampo, innkhum tung panin, na thangsak tu uh hi.

Sawltakte 20:27

Banghang ziam cile Pathian tupna a buppi in kong sonna ah bangma kheet nei ngawl khi hi.

Sawltakte 5:20

“Pai tavun a, Biakinn sungah dingin, hi nuntakna thak thu, mihingte tungah son tavun,” ci hi.

Joshua 15:8

tuaciang Jebus te khuapi Jerusalem omna mual ii thang Hinnom Kuam kaantan to hi. Tua zawkciang ngamngi sia Rephaim Kuam saksang mong, Hinnom Kuam ii nitumna a om mual dawn dong paito suak hi.