Jeremiah 18:8 - Syin Chin Bible

⁸ tua minam in ngitlona panin a kikheal kik a ahile vawt tu ka ci sa sia ka vawt buatu hi.

Jeremiah 18:8 Iomraidhean Croise

2 Khangtaanghthu 12:6

Kumpipa le tua lampuite in maw zo khu hi ci a, amate in “Topa ii sepna maan hi,” ci hi.

Psalm Late 106:45

Amate atu in a thuciamna phawk a, ama ii itna lianpi hu in amate maisak hi.

Psalm Late 135:14

Topa in ama ii mihingte hung tu hi; ama in a naseamte hesuak tu hi.

Psalm Late 90:13

Na thin uukna bang tan khuangei lai tu ziam? Topa awng, na naseamte tungah mulkimna hong nei ta'n!

Pusuana 32:12

A mite mual tungah that in a mot nop manin, nangma in Egypt pan pusua pui hi banghang Egypt te in ci theisak tu ni ziam? Na thin uuk thaisak in; na ngaisutna kheal in a, na mite tungah tuasiatna tungsak heak in.

Pusuana 32:14

Tua ahiciang Topa in a ngaisutna khealin, a mite tungah a tawn bangin tuasiatna tungsak ngawl hi.

Jeremiah 12:16

Amate in khatvei lai in ka mite Baal min taw kiciam tu in a hil bangma — amate in a thin theampo uh taw ka mite ii biakna saang thei tu a, ‘Topa a nuntak bangma in’ ci in a kiciam uh le — amate zongh keima mi ma hi tu a, a ma vangin nuamsa tu uh hi.

Jeremiah 15:6

No, mihingte in kei nong nial zo uh a; nong nungngat zo uh hi, ka thin uukna ka iip na in toi zo ka hikom ka khut zalh in kong susia hi.

Jeremiah 26:13

Na nuntakzia le na sep uhte kheal nanak vun a, Topa na Pathian thu ni vun. Tuabangin na hi uh le, no tungah siatna thengsak tu in a sonsa sia pan Topa in a thin kheal tu hi.

Jeremiah 26:19

Hezekiah kumpipa le Judah mite in Micah thatlum ngawl uh hi. Hezekiah in Topa zatak vawtin Topa ii mai pha a nga natu in hanciam zaw lai hi. Amate tungah tuasiatna ka thengsak tu hi a ci sia Topa in a thin kheal kik hi. Tu in eima in a lauhuai tuasiatna khat eima tung ma ah ih thengsak dektak hi!” ci uh hi.

Jeremiah 26:3

Tua mihingte in na thu hong ngai tu a, a ngamtat siatnate kheal thei tha tu hi. A kikheal uh le, amate ii seksol ngamtatna hang a, amate suksiat tu in ka tup ka ngaisut sia ka kheal kik tu hi,” hong ci hi.

Jeremiah 36:3

Judah mite in amate susia tu a ka sawmna thute theampo a zaak uh ciang, a tatsiatnate panin kikheal tha tu uh hi. Tuasia ciang a seksolna le a maw a khialnate ka maisak tu hi,” hong ci hi.

Jeremiah 42:10

‘Hi ngam ah na teang suak nuam uh le, kong laamto tu a, kong lalsak buatu hi; kong phut tu a, kong phaikeak buatu hi. Siatna kong thetsak sia in hong heesak mama hi.

Ezekiel 18:21

“Mihing ngilo khat in mawna vawt nawn ngawlin, ka thukhamte tangin, a pha le a maan a seam le ama thi ngawl tu hi; ama nungta tatak tu hi.

Ezekiel 33:11

Amate tungah son in a, Keima, Vaanglianpipa Topa in a nungta takpi Pathian ka hi bangma in, mawnei te a thi ka mu sia lungdamin ka nei bua hi. A mawna kikheal in a nuntak tu ka dei zaw hi. Israel awng, na tatsiatna pan kheal in. Banghang thi nuam ni ziam?

Ezekiel 33:12

“A thithei mihing awng, tu in Israel te tungah mihing pha khat in mawna khialna a vawt le a pha a sepnate in ama ngum zo ngawl tu hi. Mi ngilo khat in siatna a vawt nawn buale ama daan kipia ngawl tu a, mipha khat in mawna vawt tu a kipan le a nuntakna kikhoaikhe ngawl tu hi.

Ezekiel 33:13

Mipha khat po tungah nuntakna kamciam pia thei khi hi, ahihang ama in a pha a vawt sate kicing zo sa in, mawna a vawt le phatna a vawt sate peuma ka tepteesak nawn buatu hi. A mawnate hu in ama thi tu hi.

Ezekiel 33:14

Mi ngilo khat po thi tu hi ci in a kidop natu sonkhol zo ka hihang, ama in mawna vawt nawn ngawlin a maan le a pha nate a vawt le —

Hosea 11:8

“Israel awng, bangbangin hong thasua thei tu khi ziam? Bangbangin hong nusia thei tu khi ziam? Admah ka suksiat bangin hong susia ngei tu khi ziam? tua ahibuale Zeboiim tungah ka vawt ngei bangin nang hong vawt tu khi ziam? Ka lungtang in tuabang hong vawtsak ngawl tu hi! Nang kong itna sia nasia lei hi.

Amos 5:15

Thusia ngaimaw in thu man dei vun a, thukhenzumte ah thukhaikim omsak vun. Hi ngamte sungah a nungta lai mite Topa in hesuak thei tha tu hi.

Jonah 4:2

Tua ahiciang ama in thungen a, “Topa awng, ka inn pan ka din ma in tubang ngengei in ngamta tu ni hi hong ci hi ngawl khi ziam? Tuasia hu in Spain ngam ah ka hi thei za in tai tu hanciam khi hi! Nang in a it thei le a hesuak thei Pathian hi a, thinsau tawntung, cingh tawntung a, thin kheal tu le daan a pia ngawl tu in kinging tawntung ni hi, ci in kong he hi.

Thuhil kikna 32:36

A thahatna teng a bo a mu ciang Topa in a mite suatak tu hi. Ama in a naseamte a panpui tu a om ngawl hunlam a mu ciang, ama na a seamte hesuak tu hi.

Thukhente 2:18

Israel te tungah Topa in lampui khat a piak simin, tua lampui pa ii nuntak lai teng Topa in ama hu a, mite sia ngalte khut sung pan hung hi. Nenniamna le ngim thuakna taw a tau hu in Topa in amate hesuak hi.