Jeremiah 17:9 - Syin Chin Bible

⁹ “Akua in mihingte thinsung tel thei ziam? tuabangza a ngualtheam thei dang bangma om ngawl hi; a natna sia nasia leih ahikom dam thiang zo ngawl tu hi.

Jeremiah 17:9 Iomraidhean Croise

Pianciilna 6:5

Leitung ah mihing theampo bangzata seksol a, khua ngaisut a sia bebek a nei tawntungna thu Topa in a mu ciang,

Pianciilna 8:21

Topa sia biakpiakna ngimnamtui in lungdamsak hi, tuaciang a thinsung ah, “Mihing ngamtatna hangin leitung ka haamsiat kik ngei buatu hi; a no lai pan a khuangaisutnate a siat hunlam ka he hi. Tu a ka vawt bangin nuntakna nei theampo ka mon kik ngei buatu hi.

2 Samuel 11:15

Ama in a lai sungah: “Uriah sia ngal kisim a nasia belna, ngal mai ah koi in, tuaciang nungkin vun a, ama thalup thuaksak vun,” ci in at hi.

Psalm Late 51:5

Ka pian ni pan ma in a sia ka hi hi; ka nu ngil sungah ka om lai pan ma in mimaw ka hi zo hi.

Psalm Late 64:7

Ahihang Pathian in a thaltangte taw amate kap a, thakhat thu in liam uh hi.

Paunakte 28:26

Nangma bek ii ngaisutna teng zuina in mawmawtna hi. Ngammuangin om vun a, tuaciang a ciimzawte ii hong hilnate zui vun.

Thuhilsya 9:3

Thina sia mihing theampo tungah a kibangin tung a, hi thu mama zongh, leitung ah a piang na dangte bangma in maan ngawl hi. Mihingte a nuntak laiteng a thinsung uh sia siatna le mawmawtna taw kidim a, amate thakhat thu in thi uh hi.

Isaiah 1:5

Banghangin hong langpan lalai nu ziam? Daan thuak thua nuam lai nu ziam? Israel te awng, na lu tung theampo liamma dim zo a, na thin uh ngim mama hi.

Isaiah 1:6

Na lutang pan na peang dong, na pumpi tung a dam mun om ngawl hi. Liamna chinumte, meimate le liamma balhte taw kidim nu hi. Na liammate kisil ngawlin, kituam ngawl hi. Zatui zaha kinoai ngawl hi.

Isaiah 6:10

Tuaciang ama in keima tungah, “Hi mihingte lungmusakin, a na ngongsak in a, a mittawsak in, tua hile amate khuamu thei ngawl, khua za thei ngawl, tel thei ngawl tu hi. Tuabang hile ka kung hong zuan thei in, a ci ka damsak tu hi,” hong ci hi.

Jeremiah 16:12

Ahihang no sia na taanghpupite uh sangin a sia zaw vawt nu hi. Na vekpi in a thinpui le a ngilote na hi uh hi, ka thu nong ni bua uh hi.

Jeremiah 7:24

Ahihang amate in ka thu ni ngawl, nadon ngawl uh hi. A thinpuina le a thin ngitlo nate ii sawl bangin seam zaw ahikom, amate phazaw ngawlin sia vaial zaw uh hi.

Matthew 13:15

Banghang ziam cile amate thin bulthu zo a, a bil uh kihu cip zo in, a mit uh si cip zo uh hi. Tua ahibuale a mittang uh taw mu tu a, a bil uh taw za tu a, a thinsung taw tel tu uh hi. Tuaciang kei kungah hong zuan tu uh hi. Tuasia ciangin amate ka damsak tu hi, Pathian in ci hi.’

Matthew 15:19

Banghang ziam cile a thinsung panin, ngitlo ngaisutnate hong pai a, ama sia mihing thalup natu, palngul natu, numei le pa khial natu; sutol natu, leilot natu le ngual min siatsak natu, in lamlak ahi hi.

Mark 2:17

Jesus in amate thu kidok za a, “Mihing ciidamte in syavuan tulmaw ngawl a, ciinate bek in syavuan tulmaw uh hi. Mihing zatakhuaite sam tu in kong pai bua a, a kinialnamhte sam tu in kong pai hi,” ci hi.

Romete 1:21

Amate in Pathian he ahihang a upat tu bangin upat ngawl uh a, ama tungah lungdam a ko tu bangin ko ngawl uh hi. Amate khua ngaisutna mannung mama ngawl a, amate thinsung hawmin, khuazing taw kidim hi.

Romete 7:11

Mawna in hunpha nga in thupiakna tungtawnin na hong seam a, kei hong theam in hong thatlum hi.

Ephesus te 4:22

Nidang a na nuntakziate uh taw hong nungtasak na milui uh — a maan ngawl duna le deinate ii a lalcipsak na milui uh sia vawkkeak vun.

Hebrew te 3:12

Ka thu uppuite awng, a nungta Pathian kung pan na lampial ngawl natu in, no sungah kuama peuma in ngitlona thinsung le up ngawlna thin na nei ngawl natu in kidawm tavun.