Jeremiah 17:4 - Syin Chin Bible

⁴ Kong piaksa ngam na taan tu uh a, na heak ngeingawl uh ngam khat ah na ngalte ii na kong seamsak tu hi, banghang ziam cile ka thin uukna sia mei bang hi a, a tawntungin kuang tu hi,” ci hi.

Jeremiah 17:4 Iomraidhean Croise

1 Kumpite 9:7

tuasia ciang ka Israel mite sia ka piaksa ngam panin ka heam tu hi. Kei hong kibiak natu in ka koituam sa, hi Biakinnpi zongh ka nusia tu hi. Mun theampo pan mihingte in Israel sia nunau tu a, simmaw tu hi.

2 Kumpite 25:21

Tua munah kumpipa in amate velsak a, thatlumsak hi. Tua ahikom Judah mite sia amate ngam panin salin kipaipui hi.

Nehemiah 9:28

Kilemna a om kik ciang amate hong khial kik a, a ngalte in amate na zothalsak kik hi. Ahitazong amate kisiik kikin, hut tu hong nget ciang vantung pan na za a, hun khat zawk hun khat na hesuakna lian taw amate na suatak hi.

Isaiah 14:3

Topa in Israel mite natna ngimna a thuakna pan le nasep ham a kisepsakna panin damna le tawlngak toithaina pia tu hi.

Isaiah 30:33

Nidang pek panin Assyria kumpilianpa kihal natu mei phualpi mun khat kivawt zo hi. Tua mun sia thukin zai a, thing a vum in kiseng hi. Topa ii husan ahi a kipee tan meikuang in tua mei taw tu hi.

Isaiah 5:25

Topa sia a mite tungah thin uukin amate daan pia tu in a khut vaan zo hi. Mualte liing tu a, mithi luangte ninteak bangin lampi tungah kinusia tu hi. Tuasia ngawngawn zong Topa thin uukna thai zo ngawl lai tu a, daan pia tu in a khut vaan lai tu hi.

Isaiah 50:11

Ngualdangte lalcipsak tu a sawm note theampo sia noma ii sawmnate in noma hong lalcipsak tu uh hi. Topa ama mama in hi thu piangsak tu hi; thinngim lungmanna na thuak tu uh hi.

Isaiah 66:24

“Amate a cia uh ciang kei hong langpan te ii luanghawmte mu tu uh hi. Amate a ne lungte thi ngeingawl tu a, amate kihalna meite kimit ngeingawl tu hi. Amate sia mihing nam theampo in a kiihuai in mu tu uh hi,” ci hi.

Jeremiah 12:7

Topa in, “Israel ka nusia zo hi; ka tealsa minam ka nial zo hi. Ka it mihingte a ngalte khut sungah ka pia zo hi.

Jeremiah 15:14

A thu a la a heak ngeingawlna ngam ah a ngalte ii na ka seamsak tu hi, banghang ziam cile ka thin uukna sia mei taw kibangin a tawntungin kuang tu hi,” hong ci hi.

Jeremiah 16:13

Tua ahikom hi ngam panin noma le na taanghpupite ii heak ngeingawlna ngam ah kong notkeak tu hi. Tuasia ciang tua munah a sun a zanin pathian dangte ii na na seam tu uh a, keima in no kong hesuak buatu hi.’ ”

Jeremiah 18:23

Ahihang Topa awng, amate ii kei hong thasawmnate theampo na he hi. Amate ii ngitlona ahibuale a mawna maisak heak in. Na thin uuk laitak ma in amate nguallelcipsak in” ka ci hi.

Jeremiah 2:14

“Israel sia sal hi ngawl hi; sal nam in piang ngawl hi. Tua ahile banghangin a ngalte in zuizen uh ziam?

Jeremiah 22:28

Keima in, “Jehoiachin kumpipa sia kuama ii a dei ngawl, a kivawksa thambeal tamh khat bang suak zo ziam? Tua hu in ama le a tate sia amate heak ngeingawlna ngam ah saltaang tu in kipaipui ahi ziam?” ka ci hi.

Jeremiah 5:19

Hite theampo banghang vawt khi ziam ci in amate in hong dok ciang Jeremiah awng, amate in kei kung pan puapial a, a ngam sungah ngamdang pathiante atu a sep bangma in, amate ii ngam ahi ngawl ngamsung khat ah ngamdangmite atu na seam tu uh hi, ci in amate son ta'n,” ci hi.

Jeremiah 5:29

“Tua ahikom, keima Topa in, hi thute hangin amate daan ka pia tu hi; hi minam tungah phu ka la tu hi.

Jeremiah 7:20

Tua ahikom Vaanglianpipa Topa keima in, hi Biakinnpi tungah ka thin uuk mama na sia ka buak tu hi. Mihingte le nganhingte, tuaciang thingkungte le ankungte tung ngawngawn zongh ah a kibangin ka thin uuk tu hi. Ka thin uukna sia kuama sukmit thei ngawl meikuang bang hi tu hi.

Kaa late 1:12

“Kei hong en ka ven!” ci in ama kaantan in a pai theampo tungah ko hi. “Kei nat bangin kuama in a na thuak ngeingawl hi. Topa in a thin uuk laitak hong thuaksak natna a hi hi.

Kaa late 5:2

Kote neisa sia khualmite khut sungah om a; ngamdangmite sia koma inn sungah teang uh hi.

Ezekiel 21:31

Ka thin uukna meikuang leang bangin kong tha ciang note in na phawk tu uh hi. Suksiat zia a thiam mihing cizat nei ngawl te tungah nang kong aap tu hi.

Ezekiel 7:24

A ngilobel minamte hi munah kong paipui tu a, na innte uh amate in ka tangsak tu hi. Na biakpiakna munte tua minamte in a nitsak ciang, na mi a thahat belte in a kimuanna uh bosua tu uh hi.

Thuhil kikna 28:25

“Topa in na ngalte in hong zosak tu hi. Note in mun khat pan na sim tu uh a, ahizong mun theampo ah na tai tu uh hi, note tungah thupiangte a mu uh ciang leitung mihingte theampo lau mama tu hi.