Jeremiah 16:7 - Syin Chin Bible

⁷ A it khat a thi ciang heenepna in, kuama in ama tui le an neak pui ngawl tu hi. A pa ahibuale a nu a thite ngawngawn kuama in khuangai pui ngawl tu hi.

Jeremiah 16:7 Iomraidhean Croise

Job 42:11

Job ii a suapui pate, a suapuinumeite le, a ngualtamh luite theampo ama inn ah hawin ama taw anneakpoai vawt uh hi. Amate in Topa ii ama tung a tunsak ngimnate theampo hu in khuangai pui in heeneam uh hi. Amate khat simin sum pawlkhat le khamh khutzungbu khat tek ama pia uh hi

Thuhilsya 4:1

Tuaciang hi leitung ah a piang thumaan ngawlna theampo ka en kik hi. A kivawtsiate kakap a, kuama in hu ngawl hi. Kuama in amate hu ngawl tu hi, banghang ziam cile amate a vawtsiate in thahatna nei hi.

Jeremiah 22:10

Judah mite awng, Josiah kumpipa kaa heak vun; ama ii a thi hangin khuangai in kap heak vun. Ahihang a tapa Joahaz atu in nasia takin kap vun; ama sia hong heak kik nawn ngawl tu le a pianna ngam mu kik ngei nawn ngawl tu in amate in paipui uh hi.

Kaa late 1:9

A thiantho ngawlna ol tak kimu a, ahizong a thuak tu sia awlmawk ngawl hi. Ama lelna sia nasia leilam a kuama in heeneam zo ngawl hi. A ngalte in zothal ahiciang, Topa tungah hesuak ngen in kap hi.

Ezekiel 24:17

Naang in na om hunlam kuama in zasak heak in. Khuangaina lim na lakna in lukhu khu ngawl, peangnguakin vak heak in. Na maitang seal heak in a, a khuangaite neak ante ne heak in,” hong ci hi.

Hosea 9:4

Amate in tua ngamdangte ah Topa tungah sapittui biakpiakna ahibuale sangaw biakpiakna vawt thei ngawl tu uh hi. Amate ii an in a ne pawpo ninsak tu a, mithi ngalna ah anneak bang hi tu hi. Amate ii kiallap bekma hi tu a; Topa Biakinn ah biakpiakna in khat zongh kipaipui ngawl tu hi.

Thuhil kikna 26:14

Hee in kaikut a ka om ciang zong, sumpi peuma ka ne bua hi; biakna taw kisai in a thiang ngawl ka hi hun ciang zong, bangma ka inn pan ka pusua bua hi; mithi an siana in ka zangh bua hi. Topa awng na thu hong ni khi hi; sawm a khat sumpi taw kisai nong thupiak theampo ka vawt siat zo hi.