Jeremiah 16:6 - Syin Chin Bible

⁶ Hi ngam ah a hau le a zawngte thi tu uh a, kuama in amate phum ngawlin, kaa ngawl tu hi. A khuangaina a lak natu in kuama in ama le ama nam taw ki at ngawl tu a, a sam uh meet ngawl tu hi.

Jeremiah 16:6 Iomraidhean Croise

2 Khangtaanghthu 36:17

Tua ahiciang Topa in amate sim tu in Babylon kumpipa paisak hi. Kumpipa in Judah tangvalte Biakinnpi sung ngawngawn ah thatlum hi. Kumpipa in a moi a haam, numei pasal, a ciina a ciidam ci doi ngawlin kuama hesuak ngawl hi. Pathian in amate a vekpi ma ama tungah aap hi.

Isaiah 22:12

Tuaciang Vaanglianpipa Topa, Vaanglianbelpa in a kap tu a mau tu le sam meettol in, khau-ip puan silh tu in note hong sam hi.

Isaiah 24:2

Mihing theampo — thiampite le mihingte silate le tote, vanh leite le vanh zuakte, sum pukthaakte le sumpute, a hau a zawng, a thuakna uh kibang kim tu hi.

Jeremiah 13:13

Tuaciang keima Topa in hi ngam sungah a om mihingte theampo: David ii suan le paal kumpite, thiampite, kamsaangte le Jerusalem khua mite theampo sapittui a kham dong ka piak tu sia amate son in.

Jeremiah 16:4

Amate a lauhuai natnate taw in thi tu uh hi, kuama in amate kaa ngawl tu, phum ngawl tu hi. Amate ii luangte lei ah eaklei bangin kithu tu hi. Amate sia ngal sungah kithat tu a, ahibuale ngilkial pukthi in thi tu hi, a luangte sia vacimte le ngamsate ii an hi tu hi.

Jeremiah 41:5

Shechem, Shiloh le Samaria panin mihing sawmliat hong theng uh hi. Amate sia a khamul uh meetin a puan uh eaukeak in, amate le amate tetek kiliamsua ngawp uh hi. Amate in Biakinnpi ah piak tu in antang le paaknamtui keng uh hi.

Jeremiah 47:5

Gaza mite tungah heena lian theng zo a, Ashkelon ii mite dai dide in om uh hi. Philistia mi a om laiteng bang tanvei kap tu uh ziam?

Jeremiah 48:37

Amate a vekpi a sam le a khamulte meet uh hi. Amate a vekpi in a khut ki at uh a, mi simin khau-ip puan silh hi.

Jeremiah 7:29

“Jerusalem mite awng, kap vun; Na sam uh at tan vun a, vawk vun. Mual dawnah mithi vuina lasa vun, banghang ziam cile keima Topa ka thin uuk a, ka mite ka nial zo hi.

Jeremiah 8:2

A ngute khawmtua a, kiphumsak tu ci thada, lei ah eak vawk bangin pheang om tu hi. Tuate sia a it le a na a sepsak, thu a dok le a biak uh ahi ni, tha le aksite mai ah kipheangpha tu hi.

Thiampite 19:27

Mithite atu khuangai in na pangh samte meet heak vun, ahibuale na khamul meet heak vun,

Thiampite 19:28

ahibuale noma le noma thulkawng sun ahibuale na taksa kiliamsua heak vun. Keima in Topa ka hi hi.

Amos 6:11

Topa in thu a piak tak ciang, innte a lian a no a bebekin kisaattham tu hi.

Matthew 9:23

Tua zawkciang Jesus ulianpa inn sungah tum hi. Mithi vui tu music thiamte le a ngamlum lialua mihonte a mu ciang,

Thuhil kikna 14:1

“Note sia Topa na Pathian ii mite na hi uh hi. Tua hi a, mithi na kaa uh ciang midangte ii vawt bangin, na pumpi noma le noma ki at heak vun a, na mai samte meet heak vun.

Thupualaakna 20:12

Tuaciangin a thite a lian le a no a kibangin kumpi tokhum mai ah a ding ka mu hi. Laibute kihong a, tua zawkciang a nungtate tepteena laibu dang khat zongh kihong hi. A thite sia tua laibu sungah amate ngamtatna a kitepteena bangin thu kikhen hi.

Thupualaakna 6:15

Tuasia ciang leitung kumpite le ngamukte, ngalkap maangte, sumhaute, a thahatte, a dang mihing theampo, silate, sila ngawlte, leihawng sung le mualtung suangpite nuai ah buu uh hi.