Jeremiah 16:5 - Syin Chin Bible

⁵ “Mithi kikaana inn sungah tum heak in. Kuama khuangai pui heak in. Ka mite sia thinnopna thupha ka pia nawn buatu a, itna le hesuakna ka lak nawn buatu hi.

Jeremiah 16:5 Iomraidhean Croise

Psalm Late 25:6

Topa awng, taanghlai panin nong lak, na cikna le na itna kip sia na phawk ta'n.

Isaiah 27:11

Thingbaakte kongaw in taltan a, numeite in thingkang tu in tom uh hi. Banghang ziam cile mihingte in bangma tel ngawl ahikom amate a Bitphuapa Pathian in amate khuangai huai sa ngawl tu a, hesuakna lak ngawl tu hi.

Jeremiah 12:12

Sennealngam mun saang na theampo kaantan in hong sut tu in mihingte hong pai zo hi. Ngam buppi susia tu in ngal ka piangsak zo hi; kuama thinnuam thin muangin om thei ngawl hi.

Jeremiah 13:14

Tuaciang a huai a khang a kibangin thambealte khat le khat kitaih in a kisukthap bangin amate ka susia tu hi. Khuangaihuai sakna, ciliapna ahibuale hesuakna te in amate ka thalup tu hong khaam zo ngawl tu hi,” hong ci hi.

Jeremiah 16:13

Tua ahikom hi ngam panin noma le na taanghpupite ii heak ngeingawlna ngam ah kong notkeak tu hi. Tuasia ciang tua munah a sun a zanin pathian dangte ii na na seam tu uh a, keima in no kong hesuak buatu hi.’ ”

Kaa late 3:17

Cidamna, thinnopna le lungdamna cite bang ziam ci sia ka mangil zo hi.

Zechariah 8:10

Tua hun masia in kuama in mihing ahizong nganhing ahizong tha cial zo ngawl a, a ngalte kung pan kuama ngammuang ngawl hi. Mihingte khat le khat ka kilangpansak hi.

Thuhil kikna 31:17

Tuabang teng a pian ciang amate tungah ka thin uuk tu hi; amate ka taisan tu a, amate kimon tu hi. A lauhuai natna tuatuamte amate tungah theng tu hi, tuasia ciang keima a Pathian sia amate taw omkhawm nawn ngawl ka hikom hi thu teng piang hi cisia amate in tel tu uh hi.

Thupualaakna 6:4

Siphu dang khat hong pusuak a, a san ahi hi. Mihingte khat le khat a kithalup natu in, a tungah a to pa sia leitung ah ngal kidona piansak natu vaang kipia hi. Ama sia namsau lian khat kipia hi.