Jeremiah 16:4 - Syin Chin Bible

⁴ Amate a lauhuai natnate taw in thi tu uh hi, kuama in amate kaa ngawl tu, phum ngawl tu hi. Amate ii luangte lei ah eaklei bangin kithu tu hi. Amate sia ngal sungah kithat tu a, ahibuale ngilkial pukthi in thi tu hi, a luangte sia vacimte le ngamsate ii an hi tu hi.

Jeremiah 16:4 Iomraidhean Croise

2 Kumpite 9:10

Jezebel sia kiphum ngawl tu hi; a luang sia Jezreel ngamkhen sungah ui in ne tu hi,’ ” ci hi. Hi teng a ci zawkciang kamsaang moi pa pusuakin tai hi.

Psalm Late 78:64

Thiampite ngual ii khutsa taw in thi a, amate ii zi meingongte sia a kaa tu zongh ki oai ngawl hi.

Psalm Late 83:10

Endor ah nangma in amate na zothal a, amate luang lei ah a muat uh hi.

Isaiah 18:6

A ngalkap te ii mithi luangte sia vacimte le ngamsate atu in kinusia thal tu hi. Khaal sungin vacimte le, phalbi sungin ngamsate in tuate taw kivaak tu uh hi,” hong ci hi.

Isaiah 5:25

Topa sia a mite tungah thin uukin amate daan pia tu in a khut vaan zo hi. Mualte liing tu a, mithi luangte ninteak bangin lampi tungah kinusia tu hi. Tuasia ngawngawn zong Topa thin uukna thai zo ngawl lai tu a, daan pia tu in a khut vaan lai tu hi.

Jeremiah 19:7

Hi munah Judah le Jerusalem mite ii ngealnate theampo ka khak tu hi. A ngalte in ka zosak tu a ngal kidona ah ka thatlumsak tu hi. A luangte sia vacimte le ngamsate ii an tu in ka pia tu hi.

Jeremiah 21:6

Hi khuapi sungah a teang mihingte theampo ka thatlum tu hi; mihing le nganhing a kibangin natna ngilo taw thi tu uh hi.

Jeremiah 25:33

Tua ni in Topa ii thalup sa mithi luangte sia leimong khat panin leimong khat ah kithethaang in om tu hi. Kuama in amate kaa ngawl tu a, a luangte phaam in phum ngawl tu hi. Amate sia ninthuk kiseng bangin lei tungah kiseng tu hi.

Jeremiah 34:17

Tua ahikom keima, Topa in ka thu nong ni bua uh hi kong ci hi: na Israel mipuite suatakna na pia bua uh hi. Tua ahile pha mama hi, suatakna kong pia tu hi: tua suatakna sia ngal, natna le kialpi taw thina ahi hi. No tungah kong vawtna taw leitung mite theampo ka lausak tu hi.

Jeremiah 34:20

Amate sia amate a thatlum nuam a ngalte ii khut sungah ka aap tu a, a luangte sia vacimte le ngamsate in ne tu uh hi.

Jeremiah 36:30

Tua ahikom Topa Keima in tu in nang Jehoiakim kumpipa tungah David ii kumpi ngam sia na suan na paalte kuama in uk ngeingawl tu hi kong ci hi. Na luang sia sunin nisa, zanin daaitui thuak tu in kivawk tu hi.

Jeremiah 44:12

A taanglai Judah mite, Egypt ngam ah pai in teen tatak tu a thin khensat teng sia ka lalcipsak siat tu hi. A lian a no amate a vekpi in Egypt ngam ah ngalsung ahibuale kialpi taw in thi tu uh hi. Amate sia mihingte muna ah a lauhuai suak tu uh hi, amate kinunau tu a, a min uh kihaamsiatna in zangh tu uh hi.

Jeremiah 44:27

Note a nuamsa ngawlin kong vawt tu hi, bek dom ngawlin kong susia tu hi. Note khat zongh kikhe ngawlin, ngal taw ahizong, natna taw ahizong na lalcip tu uh hi.

Jeremiah 7:33

Mithi luangte sia vacimte le ngamsate ii an suak tu a, tuate a beng tu kuama om ngawl tu hi.

Jeremiah 9:22

Mithi luangte sia, lo sungah eak vuum bang, anlate in taang at a, a nusiat bangin, kuama ii laak ngawl ankung bangin, mun theampo ah kithethaang kawkoai hi. Hi thu son tu a Topa ii kei hong sawl ahi hi,” ka ci hi.

Kaa late 4:9

Ngal sungah a thite sia nuntak zawk natu an om ngawl a, dadam in a thi, a thi khakte sangin phazaw lai hi.

Ezekiel 24:21

no Israel te tungah hi kam vaithak son tu in hong sawl hi: Note in Biakinnpi ii a kip a khona sia kiphatsak pui nu hi. Mu nuamin a en tu na pai uh hi, ahizong, Topa in Biakinnpi sia minpaansak tu hi. Tuaciang Jerusalem ah na nusiat na innkuanpui khangmoite ngal sungah kithat tu hi.

Ezekiel 5:12

Na mite sung pan khen thum sua khen khat sia khuapi sungah natna taw le ngilkialna taw in thi tu hi; a dang khen thum sua khen khat sia khuapi pua sangah namsau taw kisaatvawk tu hi; tuaciang a khakbel khen thum sua khen khat sia hui sungah ka thethaang tu a, namsau taw ka zuizen tu hi.

Zephaniah 1:17

Topa in, “Mihingte tungah tuabang tuasiatna ka tungsak tu a, a vekpi in mittawte bangin lei a zawt tu uh hi. Amate in kei tungah hong maw zo ahikom tu in a chisan uh tui bang in luang tu a, a mithi luangte lei ah kisial in a muat tu hi,” ci hi.

Thuhil kikna 28:22

Topa in a kilaw thei natnate, citum le cisa natnate no tungah hong tungsak tu hi; ama in na lo ante a lalsak tu in nguatui kangsak a, vuisa vasak tu hi. Hi bang tuasiatnate na thi dong thuak tu nu hi.

Thuhil kikna 28:26

Na thi uh ciang vacimte le ngamsate hong pai in hong ne tu uh a, tuate a beng tu kuama om ngawl tu hi.