Jeremiah 16:16 - Syin Chin Bible

¹⁶ Topa in, “Ngasa mante tam mama hong pai natu in ka vaitha tu a, hi mite ka mansak tu hi. Tua zawkciang savaite tam mama ka vaitha tu a, muallian mualno tung theampo le suangkawm suanghawngte sungah amate ka vaisak tu hi.

Jeremiah 16:16 Iomraidhean Croise

Pianciilna 10:9

Topa huna taw savai minthang khat hi a, tua ahi hu in mihingte in “Topa in nang sia Nimrod bangin savai minthang khat hong suaksak tahen!” ci uh hi.

Isaiah 2:21

Topa in leitung lok tu in hong pai ciang, mihingte in Topa thin uukna, vaangletna le a minthannate pan, a suatak natu hanciamin leihawngte sung le mualkawm suanghawngte sungah buu tu uh hi.

Isaiah 7:19

Amate mualkawm, luamkawm, suanghawngte sungah hong pai tu a, lingkung sawlpaang kawm theampo le ngantatna mun theampo ah hong kiliim nitnut tu uh hi.

Jeremiah 25:9

‘Keima in saksang ngam ah a om mihingte theampo le ka naseam Babylon kumpipa Nebuchadnezzar ka sam tu hi. Keima in Judah le a ngam sungah a teang mihingte theampo le a kiim a paam a om minamte theampo sim tu in amate ka paisak tu hi. Keima in hi ngam le a kiim a paam minamte ka susia tu hi, tuaciang a tawntungin a siacipin ka nusia tu a, a lauhuai le diipkuathuai mun suak tu hi. Keima, Topa in ka ci zo hi.

Jeremiah 4:29

Siphu ngalkapte le thal toai ngalkapte ii ngin a zaak uh ciang mihing theampo tai keak tu uh hi. Pawlkhat sia ngam tawnghtol sungah tai tu a, a dangte suang kawm ah kaato tu uh hi. Khua theampo a hawm nguakin kinusia tu a, tua khuate sungah kuama teang kik ngawl tu hi.

Jeremiah 49:5

Na kiim na paam panin launa kong thengsak tu hi. Na taikeak siat tu uh hi. Na suatak natu in na tai tek tu uh a, na ngalkapte a kaikhawm kik tu kuama om ngawl tu hi.

Jeremiah 6:9

Vaanglianbelpa Topa in keima tungah, “Israel sia sapitnga a kilo siat sa sapithuan khat bangin kithiangsak tu hi. Tua ahikom hun om lai in mihing na suatak thei theampo suatak hamtang in,” hong ci hi.

Kaa late 4:18

Ngalte in eite hong encik a; lampite ah vak zongh ih vak thei bua hi. Ih nite bo zo a; a tawpna hong theng zo hi.

Kaa late 4:19

Muvanlaite van pan suktun a hong len sang a manlang zaw in amate in ei hong zuizen suk hi. Amate in mual tungah ei hong sul zui a; sennealngam ah muanmawk ngawlin ei hong phaa hi.

Hosea 10:10

Hi mimawte ka sim tu a, daan ka pia tu hi. Minam tuatuamte kikaizawnin amate langpan tu a, amate mawna a tam hu in daan kipia tu hi.

Amos 4:2

Vaanglianpipa Topa thiangtho ahi bangma ama in, “Amate in note thikkoai taw hong kai tu hun hong theng tu hi; note khat simin ngasa tangthaakna thikkoai khat tung a awk ngasa khat bang hi tu nu hi.

Amos 5:19

Tua sia tawpi kung pan tai a, vompui taw a kisi pasal sia bang hi tu nu hi! Tua ahibuale pasal khat inn hong cia a, pang tung zawt napo kinei sia, ngul ii tuk taw kibang tu nu hi!

Micah 7:2

Ngam sungah thumaan mihing khat zongh taang ngawl a, Pathian tungah kuama thumaan ngawl hi. A kuama po in ngual a thalup thei natu hunpha ngak hi. A kuama po in a mipuite savai bangin vai hi.

Zephaniah 1:12

“Tua hun ciang in meiinn khat la in, Jerusalem ka zong tu hi. Amate le amate tumtakin lungkim a, a kimuang mite in, ‘Topa in a pha, a sia bangma vawt nei ngei bo’ a cite daan ka pia tu hi.

1 Samuel 24:11

Ka pa awng hong en ta'n, na puantual mong bek ka khut sungah ka toai sia en in! Hong thatlum thei khi hi, tuabang hi ngawlin hisia bek at keak zaw khi hi. Hisia in nang langpanin kong leedo nop ngawlna le nang bangma kong law nop ngawlna thu hong telsak tu hi. Nang tungah bangma hong khial ngawl napi kei hong that nuam in hong vaizui ni hi.

1 Samuel 26:20

Topa taw a kikhuala ngamdang leitang tungah thalup hong thuaksak heak in. Banghangin Israel ii kumpipa in kei uili khat bang ahi sia that tu in hong pai ziam? Ngam sungah vacimte khat vai bangin ama in banghang hong vai zui hi tu ziam?” ci lai hi.