Jeremiah 16:12 - Syin Chin Bible

¹² Ahihang no sia na taanghpupite uh sangin a sia zaw vawt nu hi. Na vekpi in a thinpui le a ngilote na hi uh hi, ka thu nong ni bua uh hi.

Jeremiah 16:12 Iomraidhean Croise

Pianciilna 6:5

Leitung ah mihing theampo bangzata seksol a, khua ngaisut a sia bebek a nei tawntungna thu Topa in a mu ciang,

Pianciilna 8:21

Topa sia biakpiakna ngimnamtui in lungdamsak hi, tuaciang a thinsung ah, “Mihing ngamtatna hangin leitung ka haamsiat kik ngei buatu hi; a no lai pan a khuangaisutnate a siat hunlam ka he hi. Tu a ka vawt bangin nuntakna nei theampo ka mon kik ngei buatu hi.

Thuhilsya 8:12

Mihing khial khat in khut khialna zakhatvei vawt a, ahizong nungta veve hi. Oh, hi hi, amate kampau nate ka he a, “Pathian thu na ni uh le na theampo a pha in piang tu hi,

Thuhilsya 9:3

Thina sia mihing theampo tungah a kibangin tung a, hi thu mama zongh, leitung ah a piang na dangte bangma in maan ngawl hi. Mihingte a nuntak laiteng a thinsung uh sia siatna le mawmawtna taw kidim a, amate thakhat thu in thi uh hi.

Jeremiah 13:10

Hi mi ngilote in ka thu hong ni nuam bua uh hi. Amate sia a ngei bangma in a thin uh pui in seksol uh a, pathian dangte bia in a na seam uh hi. Tua ahikom, amate sia a kizangh thei nawn ngawl, hi ngoaipuan tomte bang suak tu uh hi.

Jeremiah 17:9

“Akua in mihingte thinsung tel thei ziam? tuabangza a ngualtheam thei dang bangma om ngawl hi; a natna sia nasia leih ahikom dam thiang zo ngawl tu hi.

Jeremiah 18:12

Amate in, ‘Hi ngawl hi, banghang khealin laih tu khu ziam? Koma uuk bangin mihing a thinpui le a ngilo ma hi tu khu hi,’ ci in zo tu uh hi,” hong ci hi.

Jeremiah 22:28

Keima in, “Jehoiachin kumpipa sia kuama ii a dei ngawl, a kivawksa thambeal tamh khat bang suak zo ziam? Tua hu in ama le a tate sia amate heak ngeingawlna ngam ah saltaang tu in kipaipui ahi ziam?” ka ci hi.

Jeremiah 7:24

Ahihang amate in ka thu ni ngawl, nadon ngawl uh hi. A thinpuina le a thin ngitlo nate ii sawl bangin seam zaw ahikom, amate phazaw ngawlin sia vaial zaw uh hi.

Jeremiah 7:26

Ahihang kuama in thu ngai ngawl, nadon ngawl uh hi. Na taanghpupite uh sangin na thin uh pui zaw in langpan kan zaw nu hi.

Jeremiah 9:14

Tua kawmkaal ah, a thin uh pui in a taanghpupite ii hil bangin Baal milimte bia uh hi.

Kaa late 5:7

Koma taanghpupite mawna hi a; ahihang tu in amate om nawn ngawl hi, amate mawna hu in kote in ngimna ka thuak uh hi.

Ezekiel 20:30

Tu in Israel mite munah Vaanglianpipa Topa keima ci teng son in: banghangin na taanghpupite mawna vawt teng ma vawt hamtang in a milimte ma dedel tu nu ziam?

Amos 2:4

Topa in, “Judah mite maw kikik khial kikik ahiciang amate daan ka pia tatak tu hi. Amate in ka hilnate thusim ngawl a ka thupiakte zui ngawl uh hi. A taanghpupi ii biak a maan ngawl pathiante ma in amate lam pialsak hi.

Malachi 3:7

Note, na taanghpupi masate bangin ka thukhamte pan na puapial uh a, na zui bua uh hi. Kei kungah hong heak kik tavun, tua hile kei zongh no sang kong nga tu hi. Ahizong ‘Nang kung kong zot kik natu in bang ka sep uh kul tu ziam?’ ci in nong dongh uh hi.

Mark 7:21

Banghang ziam cile mihing khat ii a sung, a thinsung panin ngaisutna pha ngawl piang a, tuate in paktatna, kisutolna, kithalupna,

Thuhil kikna 29:19

Tuni in hi lai ah a ciliaphuai hong nget tangkalnate za napi a thinpui in keima uuk bang pai leng ka ma vang tu zam a ci omsak peuma heak vun. Tuasia in note theampo a pha, a sia a kibangin hong lalsak siat tu hi.

Thuhil kikna 9:27

Na naseam Abraham, Isaac le Jacob te phawk in a, hi mihingte ii thin puina, a seksolna le a mawnate awlmawk heak in.

2 Timothy 3:13

Tuaciang mihing ngilote le a kimealsealte in, phat ngawlna pan, phat ngawl seseam na ah zuan tu uh a, ngual theamin amate le amate dongin theam thuak tu uh hi.

Hebrew te 3:12

Ka thu uppuite awng, a nungta Pathian kung pan na lampial ngawl natu in, no sungah kuama peuma in ngitlona thinsung le up ngawlna thin na nei ngawl natu in kidawm tavun.

Thukhente 2:19

Ahihang lampui sia a thi ciangin amate ngamtat ngeite ngamta kik in, a khang masa te sangin a ngamtatna uh sia zaw hi. Amate in pathian dang bia in a na sepsak uh a, amate ii khansiatna te a thasua nuam peuma bua uh hi.

1 Samuel 15:23

Ama leedona in bum le aitoaina bangma in sia a, kiphatsakna sia milim biakna za in mawna hi. Nangma in Topa thupiakna nial na hi man, ama in nang ii kumpi na hina hong nial zo hi,” ci hi.