Jeremiah 15:9 - Syin Chin Bible

⁹ A tate sali ii a thi sanh a nu sia butthi in a husamh hi, ama ii sun khuavak sia khuazing suak a, ama sia maimawl in a thinna sa hi. No sung pan a nungta laiteng na ngalte in kong thatlumsak tu hi. Keima, Topa in ka son zo hi,” ci hi.

Jeremiah 15:9 Iomraidhean Croise

Isaiah 47:9

Ahihang tawmvei no sung, ni khat thu in, thu hite ngeal piang tu hi. Mitbum pilna theampo na zak hang na pasal le na tate thi in na khuai sua veve tu hi.

Jeremiah 19:7

Hi munah Judah le Jerusalem mite ii ngealnate theampo ka khak tu hi. A ngalte in ka zosak tu a ngal kidona ah ka thatlumsak tu hi. A luangte sia vacimte le ngamsate ii an tu in ka pia tu hi.

Jeremiah 21:7

Ahihang, nangma, na khutnuai a uliante le ngalsung, kialpi le natna ngilo pan a, a suakta mite sia — no hong that nuam Nebuchadnezzar kumpipa le na ngalte in na vekpi in kong mansak tu hi. Nebuchadnezzar in no hong thatlum tu hi. Ama in note hesuakna le deisakna hong nei ngawl tu a khat zongh hong khoaikhe buatu hi. Keima Topa in ka ci zo hi.”

Jeremiah 44:27

Note a nuamsa ngawlin kong vawt tu hi, bek dom ngawlin kong susia tu hi. Note khat zongh kikhe ngawlin, ngal taw ahizong, natna taw ahizong na lalcip tu uh hi.

Jeremiah 50:12

ahihang na khuapi lian uh sia a vaang kibosak tu a, kimaizumsak tu hi. Babylon sia ngam theampo sung panin a thupi ngawlbel ngam suak tu a, a kongaw le tui om ngawl sennealngam suak tu hi.

Jeremiah 6:4

Amate in, “Jerusalem sim tu in kithoai vun! Kinging vun! Sunkim laitakin ih sim tu hi!” ci tu uh hi. Ahihang amate ma in, “Hai lei zo hing, ni tum dektak zo a, nitak limhte sau zo hi.

Jeremiah 7:19

Ahihang amate ii thin a natsak sia, keima tatak ka hi ziam? Hi ngawl hi, amate le amate kivawtin a na hi a, maizum kipia ahi uh hi.

Kaa late 1:1

Khatvei lai in mihing taw a kidim Jerusalem khuapi bangza in ngamkhing ziam! Leitung ii khatvei a zatak ngei sia tu in meingongnu khat taw kibang hi; khuapi teng po pan a tuanngenbel sia sila dinmun ah taak zo hi.

Kaa late 4:10

Ka mite tungah a tung tuasiatna sia cizat huai mama hi, a nute in a neak tu in a tanote huan uh hi.

Ezekiel 5:12

Na mite sung pan khen thum sua khen khat sia khuapi sungah natna taw le ngilkialna taw in thi tu hi; a dang khen thum sua khen khat sia khuapi pua sangah namsau taw kisaatvawk tu hi; tuaciang a khakbel khen thum sua khen khat sia hui sungah ka thethaang tu a, namsau taw ka zuizen tu hi.

Ezekiel 5:13

“Ka lung a kim dong ka thin uukna le ka thangsiatna te na tel tu hi. Hite theampo a pian ciang, na thumaan ngawlna hu in ka thinso a, Topa keima in na tungah thu hong son zo ka hi hunlam na tel tu hi.

1 Samuel 2:5

Khatvei lai in pha takin a kivaakte, tu in an thalaw bek a, ngual cial sa in om hi, ahihang a ngilkialte sia kial nawn ngawl hi. Tasel zi sia ta sali hong nei hi, ahihang ta tam mama te ii nu kungah kuama a taang nawn bua hi.