Jeremiah 15:6 - Syin Chin Bible

⁶ No, mihingte in kei nong nial zo uh a; nong nungngat zo uh hi, ka thin uukna ka iip na in toi zo ka hikom ka khut zalh in kong susia hi.

Jeremiah 15:6 Iomraidhean Croise

Isaiah 1:4

No a khial a maw minam, siatna vawtin a seksol mihingte a lal tu hi zo nu hi! Na mawnate in note hong kaisuk hi! Israel te ii a thiangtho Pathian, Topa nialin na nungngat zo uh hi.

Isaiah 28:13

Tua hu in laimal khat zawk mal khat, lailam khat zawk lam khat, thu khat zawk thu khat, Topa in no hong hil tu ahi hi. Tua zawkciang kal khat na suan simin na lutu tu uh hi. Note hong kiliamsak tu a, thaang sungah hong ki awksakin, thong hong kitaaksak tu hi.

Isaiah 31:3

Egypt te sia pathiante hi ngawlin — leitung mihing bekma hi. Amate ii siphute in a pianzia tumdang hi ngawl hi. Topa in a dian tak ciang, a thahat ngam topsuk tu a, tuasia ii a hu a thazawm ngam sia zong puk tu hi. Tua te ngeal kilalcipsak khawm tu hi.

Jeremiah 1:16

Keima in ka mite daan ka pia tu hi, banghang ziam cile amate in mawna khialna vawt zo uh hi; amate in kei hong nusia zo uh a, pathian dangte tungah biakpiakna pia in, milim vawtin bia uh hi.

Jeremiah 13:14

Tuaciang a huai a khang a kibangin thambealte khat le khat kitaih in a kisukthap bangin amate ka susia tu hi. Khuangaihuai sakna, ciliapna ahibuale hesuakna te in amate ka thalup tu hong khaam zo ngawl tu hi,” hong ci hi.

Jeremiah 2:13

banghang ziam cile ka mite in mawna khialna nam nii vawt zo uh hi; amate in a thiangtho ciktui, keima kung pan puapial zo uh hi, tuaciang amate in tui a cing thei vet ngawl a kektham tuikhukte to uh hi.

Jeremiah 2:17

Israel awng, hi teng na tungah na thengsak hi! Nang lam kong pui laitakin nangma in Topa na Pathian, keima nong nusia hi.

Jeremiah 2:19

Nangma siatna in nangma daan hong pia tu a, kei nong nungngatna in nang hong puavawk tu hi. Topa na Pathian, keima hong nusia a, kei tungah thumaanin na om nawn ngawl tu sia bangzata in sia in khaa a, khial ci sia na tel tu hi. Keima, Vaanglianpipa Topa, Vaanglianbelpa in ka ci zo hi,” ci hi.

Jeremiah 20:9

Ahihang, “Topa ka mangil tu a ama min suangin thu ka son nawn buatu hi,” ka ci ciangin, na thupuak sia mei bangin ka sung tawngh ah kuang hi. Ka hi thei za iip tu ka hanciam hangin, ka iip zo nawn bua hi.

Jeremiah 44:22

Tuni mama in na ngam uh sia a lalcip sa in om a, a sungah kuama teang ngawl hi. Na seksolna uh le a sia na vawtna uhte Topa in thuak zo nawn ngawl ahikom na ngam uh sia a lipkhaphuai mun suak a mihingte in a min sia kihaamsiatna in nei uh hi.

Jeremiah 6:11

Amate ii tungah na thin uukna sia keima sung zongh ah meisa bang hi a, Topa awng, ka thuak zo nawn bua hi,” ci in ka zo hi. Tuaciang Topa in, keima tungah, “Ka thin uuk nate lampi ah om patangte tung le tangvalte kikhopna munah buak in. A pasalte le a zite kila tu a, a huai mama te ngawngawn zongh kikhe ngawl tu hi.

Jeremiah 6:12

A innte sia midangte kipia tu a, a lote le a zite uh sia tuabang ma in midangte kipia tu hi. Hi ngammite daan ka pia tu hi.

Jeremiah 6:19

Leitung awng, ngai in! Amate in ka thuhil na nial a, ka kammalte mang ngawl ahikom, hi mite ii sawm nate theampo taw kiphu in daan piakna ahi siatna ka tungsak hi.

Jeremiah 7:16

Topa in, “Jeremiah awng, hi mihingte atu in thungetsak heak in. Amate taangin kap heak in a, thungen heak in; kei tungah hesuakna hong ngen heak in, banghang ziam cile nong thuumna hong ngai ngawl tu khi hi.

Jeremiah 7:24

Ahihang amate in ka thu ni ngawl, nadon ngawl uh hi. A thinpuina le a thin ngitlo nate ii sawl bangin seam zaw ahikom, amate phazaw ngawlin sia vaial zaw uh hi.

Jeremiah 8:5

Tua ahile, ka mite awng, banghang kei kung pan puapial in hong heak kik nawn ngawl nu ziam? Na milimte uh ma len lingleng in hong heak kik nuam ngawl nu hi.

Jeremiah 8:9

Na mipilte uh mai zumin om hi; amate lungmangin a ci a law he ngawl uh hi. Amate in ka kammalte nial zo hi; tu in amate in bang pilna nei uh ziam?

Ezekiel 14:9

“Kamsaang khat in theam thuakin, a maan ngawl zona a pia le Kei, Topa in ama ka theam hu a hi hi. Israel mite huamsung panin ama ka heam tu hi.

Ezekiel 25:7

Tuabang na hi hu in minam dangte tungah kong aap tu a, amate in hong suttol in, hong phuulsak tu uh hi. Kong sucip tu a, ngam khat in na ding kik zo nawn buatu a, noma ngam na ci tu uh a om nawn buatu hi. Tuasia ciang Keima, Topa ka hi sia nong he tu uh hi.”

Ezekiel 35:3

Keima, Vaanglianpipa Topa ii son teng mipi te tungah son in: Edom mualte awng, Keima sia na ngal ka hi hi. Nangma sia a kinusia ngamtongta kong suaksak tu hi.

Hosea 11:7

Amate in kei kung pan puapial tu bebek ma sawm vatan uh hi. Amate tungah hakkol kisuanh ahi hu in kap tu ahihang kuama in a vanh dawn ngawl tu hi.

Hosea 13:14

Hi mite sia mithi khua pan ka ngum buatu a, ahibuale thina vaang pan ka suatak buatu hi. Thina awng, na pul natnate hong paipui ta'n! Mithi khua awng, na suksiat theina hong paipui ta'n! Hi mite ka hesuak nawn buatu hi.

Hosea 4:16

Israel mite sia laate bangin thinpui hi. Bangbangin amate lopa hingna sungah tuuno bangin taasak thei tu khi ziam?

Zephaniah 1:4

“Jerusalem mite le Judah mite theampo daan ka pia tu hi. Baal biakna a khakbel te dongin ka bosak siat tu a, tua nasep a seam lawki thiampite zongh kuama in phawk ngawl tu hi.

Zechariah 7:11

“Ahihang ka minamte thinpui in hong nangai ngawl uh hi. Amate in a thinsung kongkhate khakin,