Jeremiah 15:4 - Syin Chin Bible

⁴ Hezekiah ii tapa Manasseh in Judah ngam ah kumpi a sep laitakin Jerusalem khua ah a vawt thute huu in tuate taw leitung mite theampo ka liinglawngsak tu hi,” hong ci hi.

Jeremiah 15:4 Iomraidhean Croise

2 Kumpite 21:1

Manasseh sia Judah kumpipa a sua hunin ama kum sawm le kum nii pha hi, tuaciang ama in Jerusalem panin kum 55 sung uk hi. A nu sia Hephzibah hi.

2 Kumpite 21:15

Hi bangin ka vawt tu sia banghang ziam cile ka mite in kei tungah hong maw a, Egypt ngam pan a taanghpupite ii a pusua pan kipan tuni dong ma ka thin hong uuksak tawntung hi,” ci hi.

2 Kumpite 21:2

Topa ii mite mai sang hong nawk ciang a kinotkeak minamte ii a thasiathuai ngamtatna te zui in Manasseh in Topa tungah maw hi.

2 Khangtaanghthu 33:1

Manasseh sia kum sawm le kum nii a phak ciangin Judah kumpi suak a, ama in Jerusalem pan kum 55 sung uk hi.

2 Khangtaanghthu 33:2

Israel mite maisang a manaw lai in tua ngamsung pan Topa ii a nawkeak minamte ii a kiihuai ngamtatna te zui in Manasseh sia Topa tungah maw hi.

Jeremiah 24:9

Amate tungah tuabang tuasiatna ka thengsak tu a, leitung minamte theampo patau tu uh hi. Mite in amate sia ciammuina lelin nei a, nunau selno in, amate ka thethaangna mun theampo ah a min uh sia kihaamsiatna in zangh tu uh hi.

Jeremiah 29:18

Ngal, kialpi le natna taw amate ka zuizen tu a, leitung minam theampo in tuasia a mu uh ciang lau tu uh hi. Mun theampo ah amate ka thethaang tu a, amate tung thupiangte hangin mihingte ingh in lau tu uh hi. Mihingte in amate nunau in, a min uh sia kihaamsiatna in zangh tu uh hi.

Jeremiah 34:17

Tua ahikom keima, Topa in ka thu nong ni bua uh hi kong ci hi: na Israel mipuite suatakna na pia bua uh hi. Tua ahile pha mama hi, suatakna kong pia tu hi: tua suatakna sia ngal, natna le kialpi taw thina ahi hi. No tungah kong vawtna taw leitung mite theampo ka lausak tu hi.

Jeremiah 9:16

Amate ahizong a taanghpupite ahizong ii a zaak ngeingawl minamte sungah amate ka thethaang tu a, amate ka siatcipsak siat matengin a do tu in ngalkap honte ka puak tu hi,” ci in zo hi.

Kaa late 1:8

A minphatna teng bo a; a pumnguak in om a ngual zawnsak thuak hi. Ama tau a maizum in a mai seal hi. Jerusalem in lipkhaphuai mawna taw ama le ama kininsak hi.

Ezekiel 18:19

“Ahihang, ‘Banghangin a tapa in a pa mawnate hu in thuak ngawl tu ziam?’ ci in dongh tu nu hi. A zona sia tapa in a maan le a phate seam hi. Ama in ka thukhamte keamcing a, belcing takin zui ahikom ama sia nungta tatak tu hi.

Ezekiel 23:46

Hisia in Vaanglianpipa Topa ii ci ahi hi: “A lausak tu le a suttol tu in a ngilo nuam honkhat hong paipui tavun.

Thiampite 26:33

Ngal kong thengsak tu a, ngamdang ah kong thethaang tu hi. Na leitang kitaisan tu a, na khuapite lalcip in kinusia tu hi.

Thuhil kikna 28:25

“Topa in na ngalte in hong zosak tu hi. Note in mun khat pan na sim tu uh a, ahizong mun theampo ah na tai tu uh hi, note tungah thupiangte a mu uh ciang leitung mihingte theampo lau mama tu hi.

Thuhil kikna 28:64

“Topa in note sia leimong khat pan mong khat dong, minamte theampo sungah hong thethaang tu a, tualai ah noma le na taanghpupite ii biak ngeingawl pathiante, thing le suang taw a kivawt pathiante na, na seam tu uh hi.