Jeremiah 15:3 - Syin Chin Bible

³ Keima, Topa in, a lauhuai thu nam li amate tungah tung tu in ka khensat zo hi: Ngal sungah amate kithatlum tu hi; a luangte ui in kaikeak a; vacimte in ne tu hi, tuaciang a om laiteng ngamsate in ne tu hi.

Jeremiah 15:3 Iomraidhean Croise

Psalm Late 68:23

tua hile amate chisan sung siikin na tan thei tu uh a, na uite in a du zaza liak thei tu uh hi,” ci hi.

Isaiah 18:6

A ngalkap te ii mithi luangte sia vacimte le ngamsate atu in kinusia thal tu hi. Khaal sungin vacimte le, phalbi sungin ngamsate in tuate taw kivaak tu uh hi,” hong ci hi.

Jeremiah 12:9

Ka tealsa mite sia muthite ii a kiimkot pan a tuk siasua vacim khat taw kibang hi. Poai siim tu in ngamsate sam vun!

Jeremiah 14:12

Amate an a tang hial zonghin hu ngenin a auna aw ka ngai buatu hi; meihal biakpiakna le antang taw biakpiakna te hong piak uh hang zong, amate ii tungah ka lungkim ngawl tu hi. Amate sia ngal sungah ahizong kialpi tunna le natna taw ahizong ka thatlum zawsap tu hi,” hong ci hi.

Jeremiah 14:16

Amate ii hi thute a sonna mihingte, hi bangma in kithatlum tu hi. A luangte sia Jerusalem khua lampi tungah kilawn thal tu a, a phum tu kuama om ngawl tu hi. Hi thu sia amate a vekpi — a zite, a tapate le a tanute theampo tung zongh ah tung tu hi. Amate ii seksolna thaman amate in ka thuaksak tu hi.”

Jeremiah 16:4

Amate a lauhuai natnate taw in thi tu uh hi, kuama in amate kaa ngawl tu, phum ngawl tu hi. Amate ii luangte lei ah eaklei bangin kithu tu hi. Amate sia ngal sungah kithat tu a, ahibuale ngilkial pukthi in thi tu hi, a luangte sia vacimte le ngamsate ii an hi tu hi.

Jeremiah 7:33

Mithi luangte sia vacimte le ngamsate ii an suak tu a, tuate a beng tu kuama om ngawl tu hi.

Kaa late 3:11

Ama in lam puasia ah kei hong del a, hong balneen in hong nusia hi.

Ezekiel 14:21

Hi sia Vaanglianpipa Topa ii pauna ahi hi: ‘Jerusalem tungah a siabel daan nam li tungsak tu khi hi — ngal, kialpi, ngamsa ngilote le natna te — in mihingte le ngannote a kibangin susia tu uh hi.

Ezekiel 33:27

“Keima, Vaanglianpipa Topa in a nungta takpi Pathian ka hi bangma in, tua khuapi siacip sate sungah a teang mihingte kithat tu hi ci in a kidop natu thu ka piak sia son in. Ngam sungah a teang teng sia ngamsate in ne tu hi. Mualtung le suanghawng sungah a buu te natna taw thi tu hi.

Thiampite 26:16

note daan kong pia tu hi. Na mit hong tawsak tu le na nuntakna a bo tu in note tungah tuasiatna — a dam thei ngawl natnate le cisa natnate kong tungsak tu hi. Lo na thaw ancii na poai hangin na phattuamna om ngawl tu hi, banghang ziam cile na ngalte in hong zo in na ciin po hong neaksak tu hi.

Thiampite 26:22

Note sungah a kiitakhuai ngamsate kong puak tu a, na tate, na ngannote hong thalupsakin, note tawm bek taanglai in na lampite uh kinusia tu hi.

Thiampite 26:25

Ih thuciamna na palsat manin daan hong pia tu in no tungah ngalpi kong thengsak tu hi. Na ngammuan natu in khuapi sung na zuan zonghin a dam maw natnate kong tungsak tu a, na ngalte na lel hamtang uh kul tu hi.

Amos 5:19

Tua sia tawpi kung pan tai a, vompui taw a kisi pasal sia bang hi tu nu hi! Tua ahibuale pasal khat inn hong cia a, pang tung zawt napo kinei sia, ngul ii tuk taw kibang tu nu hi!

Thuhil kikna 28:26

Na thi uh ciang vacimte le ngamsate hong pai in hong ne tu uh a, tuate a beng tu kuama om ngawl tu hi.

Thuhil kikna 32:24

Amate ngilkial le cisa natna taw thi tu a; a lauhuai natnate taw thi tu uh hi. Ngamsa ngilote in amate ka simsak tu a, ngul ngu neite in ka tusak tu hi.

Thupualaakna 6:8

Ka et ciang, siphu a daang khat ka mu hi. A tungah a to pa ii min sia Thina hi a, a nung panin mithi khua in zui hi. Leitung ah a teangte see li sua see khat sia amate in ngal, kialpi, natna le ngamsate taw thalup thei natu in thu kipia hi.