Jeremiah 15:1 - Syin Chin Bible

¹ Tuaciang Topa in kei tungah, “Moses le Samuel ngawngawn hi munah dingin ka tungah hesuak hong ngen hial zongh in, hi mihingte tungah hesuakna ka nei tuan buatu hi. Amate paisak vun; ka muna ah omsak heak vun.

Jeremiah 15:1 Iomraidhean Croise

Pianciilna 19:27

A zing ciang zingtuung in Abraham sia Topa taw a kisik ngeina a dinna munah manlang takin pai hi.

2 Kumpite 17:20

Topa in Israel te nial in, daan pia a, a ngilo ngalte khut sungah aap hi, a khakbel ciang ama ii muna pan bengkeak hi.

Psalm Late 106:23

Pathian in a mite ka lalsak tu a ci ciangin ama ii teal a naseampa, Moses in Pathian mai ah dingin a thin uukna taw amate a lalsak ngawl natu in khaam hi.

Psalm Late 99:6

Moses le Aaron in ama ii thiampite hi a, Samuel sia ama tungah thu ngen pa ahi hi; amate in Topa biakpui a, ama in zo kik hi.

Paunakte 14:35

Kumpipate in nasep thiam uliante diksa uh a, ahihang nasep thiam ngawlte daan pia uh hi.

Jeremiah 10:18

Topa in hi ngamsung pan note hong lawnthal tu hi; khat zongh kikhe ngawl dongin hong sucip tu hi. Topa in ci zo hi.

Jeremiah 11:14

Jeremiah awng, hi mihingte taangin kei tungah thu hong ngen heak in a, hong pakaai heak in. Amate sia ngim nga in a hu tu in kei hong sap ciang amate ka ngai buatu hi,” hong ci hi.

Jeremiah 14:11

Topa in kei tungah, “Hi mihingte hu tu in kei tungah huna hong ngen heak in.

Jeremiah 14:12

Amate an a tang hial zonghin hu ngenin a auna aw ka ngai buatu hi; meihal biakpiakna le antang taw biakpiakna te hong piak uh hang zong, amate ii tungah ka lungkim ngawl tu hi. Amate sia ngal sungah ahizong kialpi tunna le natna taw ahizong ka thatlum zawsap tu hi,” hong ci hi.

Jeremiah 15:19

Hi thu taw kisai in Topa in, “Nong heak kik ahile kong la kik tu a, ka naseampa na suak kik tu hi. Thu mannung ngawl po na son sangin thu manpha thu taknei na son le, ka kamsaang na suak kik tu hi. Mipite sia nang kung hong zuan kik tu a, amate kungah nang na pai kul ngawlzaw tu hi.

Jeremiah 16:13

Tua ahikom hi ngam panin noma le na taanghpupite ii heak ngeingawlna ngam ah kong notkeak tu hi. Tuasia ciang tua munah a sun a zanin pathian dangte ii na na seam tu uh a, keima in no kong hesuak buatu hi.’ ”

Jeremiah 16:5

“Mithi kikaana inn sungah tum heak in. Kuama khuangai pui heak in. Ka mite sia thinnopna thupha ka pia nawn buatu a, itna le hesuakna ka lak nawn buatu hi.

Jeremiah 18:20

A pha sia, a sia taw lo kik tu ahi ziam? Tua hi napi amate in ka taaksuk natu in leidum khat to zo uh hi. Na kungah kong pai a, na thin uukna taw amate na vawtsiat ngawl natu in amate luangin kong son sia phawk in.

Jeremiah 22:28

Keima in, “Jehoiachin kumpipa sia kuama ii a dei ngawl, a kivawksa thambeal tamh khat bang suak zo ziam? Tua hu in ama le a tate sia amate heak ngeingawlna ngam ah saltaang tu in kipaipui ahi ziam?” ka ci hi.

Jeremiah 23:39

keima in amate ahizong, amate le a taanghpupite tungah ka piaksa khuapi sia ahizong ka la takpi tu a, ka omna panin a khuala na ah ka vawkkhop tu sia amate tungah son in.

Jeremiah 35:19

Tua ahikom, Keima, Vaanglianbelpa Topa, Israel ii Pathian in a na a seam tu sia Rechab ii tapa Jonadab suan le paal pa khat nei tawntung tu in kong kamciam hi,” ci in son hi.

Jeremiah 52:3

Topa sia Jerusalem le Judah mite tungah thin uuk mama ahikom a mit muna pan hawlkhia hi. Zedekiah in Babylon kumpipa Nebuchadnezzar leedo hi,

Jeremiah 9:19

Zion khua sung a kaana aw ngai vun; “Ih lalcip hi! Hong kimaimawl cipsak hi! Ih ngam ih nusiat kul tu hi ih innte hong suksiatsak hi,” ci uh hi.

Ezekiel 14:14

Noah, Daniel, Job, mihing thumte tua munah a teang hial zong, a phatna in amate nuntakna bekma ngum tu hi,” ci hi. Vaanglianpipa Topa in son zo hi.

Ezekiel 22:30

Keima in ka thin uukna taw ka suksiat ciang kulh a vawt zo tu, kulh a cipna munah ding a, amate ngam a hu zo tu khat ka zong hi, ahizong kuama ka mu zo bua hi.

Hosea 9:15

Topa in, “Amate ngamtat siatnate theampo Gilgal pan kipan hi. Tua mun in amate ka etsat kipatna mun ahi hi. Amate ngamtat siatna hu in ka ngam panin amate ka notkeak tu hi. Amate ka it nawn buatu hi; a lampuite theampo in kei hong langpan zo uh hi.

Zechariah 3:3

Joshua in puansiate silhin tualai ah ding hi.

Thuhil kikna 9:26

Tuaciang keima in, ‘Vaanglianpipa Topa awng, na thahatna le na vaangletna taw Egypt pan pusua in, na suatak sa na mite mon heak in.

Hebrew te 9:24

Banghang ziam cile, Christ in a tatak sia ii lim ahi mihingte vawt Thiangtho Mun sungah a tum bua hi. Ama in vantung tatak ma ah tumin Pathian mai ah eite luangin, tu in a na kilak tawntung hi.

Thukhente 5:9

Ka thin sia Israel a ukte taw omkhawm hi, lungdam takin a kipia mite taw om hi. Topa pok vun!

1 Samuel 12:19

tuaciang Samuel munah, “Topa awng, nong hesuakna in, ka thi ngawl natu Topa na Pathian tungah thu hong ngetsak ta'n. Tu in koma mawna dangte tungsia ah kumpipa khat ka ngetna ah maw zo ka hi uh hunlam ka phawk uh hi,” ci uh hi.

1 Samuel 12:23

Kei ka hile note atu thunget nawn ngawlna taw ama tungah mawna ka vawt ngawl natu Topa in thu hong pia hi. No vawt tu a pha le a maan thute kong hil zaw tu hi.

1 Samuel 7:9

Samuel in tuuno khat ngoin, a bupin hal a, Topa tungah sangaw biakpiakna nei hi. Tua zawkciang ama in Topa ii Israel te a hu natu thungen a, tuaciang Topa in a thungetna zo hi.