Jeremiah 13:16 - Syin Chin Bible

¹⁶ Topa in khua a zinsak ma mualte tungah na lutu uh ma in; na lam et uh khuavak sia khuazing bikbek a suasak ma in, Topa na Pathian uh patoai vun.

Jeremiah 13:16 Iomraidhean Croise

Job 3:5

Tua ni sia a thim le a zingcip ni hisak in; meeikaai taw tuamcip in a, ni phiatkeak in.

Psalm Late 107:10

Pawlkhatte khuangaina le khuazing sungah teang a, luangta in thikkol kibul uh hi,

Psalm Late 107:14

Topa in amate sia khuangaina le khuazing sung pan pusua a, a thikkolte sukthapsak hi.

Psalm Late 29:2

A minthang Topa ii min pok vun a, Thiangtho Pa hong kilangh ciangin a mai ah kunsuk vun.

Psalm Late 44:19

Tua hi napi ngamsate kawm ah a cimaw in nong nusia hi; a thukbel khuazing sungah nong nusia hi.

Pusuana 10:21

Tuasia ciang Topa in Moses tungah, “Van ah na khut laamto in, tuaciang a saa mama hunlam a kiphawk tham liang khuazing taw Egypt ngam hong kituam siat tu hi,” ci hi.

Paunakte 4:19

Mi seksolte lampi ahile zan bangin zing hi. Amate in liik ahihang bang tungah, lutu ziam ci in a mu thei bua uh hi.

Thuhilsya 11:8

Na nuntak kumte hu in lungdam in. Bang tanvei na nungta zong na thi tu khuangei zaw ahi sia phawk in. Mai sangah lamet tu bangma om ngawl hi.

Isaiah 5:30

Tua ni a thet ciang, amate in tuipi nging bangin nging takin Israel mite hawksan tu uh hi. Ngam hisia en vun! Khuazinna le ngim thuakna! Khuavak sia khuazing in valhtum hi.

Isaiah 59:10

mittawte bangin ih zawt kawkoai hi. Eima in suntang takpi in zan bang keak le, mithi khua, khuazing sung om bang keakin ih lutu hi.

Isaiah 59:9

Mihingte in, “Ei hong zawthawk vawtte khut sung panin Pathian in banghangin hong ngum ngawl ziam ci thu tu in ih he hi. Eite, lam ih pai natu in khuavak ih lam en hi, ahihang khuazing bekma om a,

Isaiah 60:2

Minam dangte sia khuazing in tuamcip tu a, Ahihang Topa khuavak sia na tungah taang tu hi; Ama ompuina ii taanna sia nang taw omkhawm tu hi.

Isaiah 8:22

lei a salhsuk zong ngimna khamna le khuazing ngawl buang bangma mu ngawl tu hi, amate sia a lauhuai khuazing sungah kihawlkeak tu hi.

Jeremiah 14:19

Topa awng, Judah te nialcip zo ni ziam? Zion mite ngaimaw ni ziam? Banghangin a dam zo nawn ngawl tuza dongin ko hong liamsak ni ziam? Thinnopna ka zong uh hi, ahihang phatna bangma hong piang bua hi, ciidam tu ka lamen uh hi, ahihang launa bek hong tung zaw hi.

Jeremiah 2:6

Keima in amate Egypt ngam pan suatakin duisung ngampa: sennealngam le dumkhuk sung, lei kongaw a, kuama teen ngawl, a lau huaina mun le kuama khual zongh a haw ngawl natu mun kaantanin amate keima in lampui hi napi amate in kei, hong awlmawk ngawl hi.

Jeremiah 23:12

Amate ii tot lampite sia naalin khuazing tu hi; amate ka lutusak tu a, ka puksak tu hi. Amate ii tungah tuasiatna ka thengsak tu a; amate ii daan thuak tu hun hong theng tu hi. Keima, Topa in ka ci zo hi.

Jeremiah 4:23

Leitung ka en a — tulin kolh thong hi; van ka en a — khuavak om ngawl hi.

Jeremiah 50:6

“Ka mite sia tuucingte ii mualtung tengah a bosua tuute taw kibang hi. Amate sia tuute bangin mual khat pan mual khat ah vakthap kawkoai uh a, a inn omna mun mangil zo uh hi.

Jeremiah 6:21

Tua ahikom hi mite lutu in ka puksak tu hi. Nu le pate le a tate a thi uh bangma in innpaamte le lawm le ngualte thi tu uh hi,” ci hi.

Jeremiah 8:15

Kilemna le ciidamna hun khat ih lamen hi, ahihang bangma kimanna om ngawl a; launa hong theng zaw pumsai hi.

Kaa late 4:17

Eite in hong pai ngeingawl tu bul huna lamen in khuadak zawk nawn ngawl tu dong khua ih dadak hi. Eite in piak tu a nei ngawl ngam khat tung pan huna ih ngangak hi.

Ezekiel 21:15

Tuasia in ka mite lauthauhsak a lutusak hi. Amate khuapi sia khualeng bangin a tee vazal, a that tu in a kinging namsau khat taw in ka tawng hi.

Ezekiel 34:12

tuucing khat in a kithethaang tuute kaikhawm in a kep bangma in ka tuute ka keam tu hi. Tua khuazing le a lauhuai tuasiatna ni in, a kithethaang na mun theampo panin amate ka khawm kik tu hi.

Ezekiel 36:15

Hong selno ngamte ii thu na nadon kul nawn ngawl tu a, a mite ii hong nunauna zongh na mu nawn buatu uh hi. Tua ngam in hi minam ii tate suttol nawn ngawl tu hi. Keima, Vaanglianpipa in ka pau zo hi.”

Joel 2:2

Tua ni sia khuatuapin, a zing le meeivom kaai ni khat hi tu hi. Mualte tungah khuazing kizel bangin khaumaw ngalkaphonpi in maisang nawk hi. Hi bang peuma om ngeingawl a, om kik ngei nawn ngawl tu hi.

Amos 4:13

Pathian in mualte a vawt pa le vuite a bitphuapa ahi hi. Ama in a ngaisutnate mihing in hesak hi; ama in sun sia zan suaksak hi. Ama in leitung saangnate tungah vak hi. Hisia ama min hi: Vaanglianbelpa Topa Pathian ahi hi!

Amos 5:18

Topa ni ngaingam in a ngakla note atu in bangza in lauhuai tu ziam! Tua ni in note bang phattuamna hong pia tu ziam? Note atu in tua sia khuavak ni hi ngawlin khuazin ni hi tu hi.

Malachi 2:2

Na sep, na vawtna taw keima nong patoai uh kul tu hi. Kong ci bangin nong ngai bua uh le no tungah haamsiatna kong tungsak tu hi. Na kivaak natu a, na saan uh vanhte tungah haamsiatna ka tungsak tu hi. A tatakin ci leang, tuate tungah, haamsiatna tungsak zo khi hi, banghang ziam cile kong thupiakte no in na thupi sim bua uh hi.

John 12:35

Jesus in zo kik a, “Khuavak sia no sungah tawmvei hong om lai tu hi. Khuazing sia no tungah hong thet man ngawl natu in, khuavak na nei uh laitakin, na paina lampi ah paisuak tavun; banghang ziam cile khuazing sungah a pai khat in a zot natu mun a he bua hi.

Joshua 7:19

Joshua in ama mun ah, “Ka tapa awng Topa Israel te ii Pathian mai, hi sungah thumaan son in a pualaak in. Tu in na vawt teng hong son ta'n. Kei kung panin phualseal tu hanciam heak in,” ci hi.

1 Peter 2:8

Laithiangtho mundang khat ma ah, “Hi suang in mihingte lutusak tu a, amate a liiksak suangpi suak tu hi,” ci hi. Kammal a up ngawl manin amate lutu uh hi; tuasia in amate atu in Pathian ii deina ahi hi.

1 Samuel 6:5

Na ngam buppi ah ngim hong pia meimapui le sanchiim lim te vawt hamtang in Israel te ii Pathian sia upat vawt nanak tu nu hi. Tua hile ama in noma, na pathian te le na ngam daan hong piakna tawp tha tu hi.