Jeremiah 13:11 - Syin Chin Bible

¹¹ Ngoaipuan tomte in kawng ah a belh cinten bangma in Israel le Judah mite theampo in keima hong bel cinten tu ka dei hi. Hi bang a ka vawtna in amate sia ka mi a sua thei natu, hong pok thei in ka min a pataak thei natu ka deina ahi hi; ahihang amate in ka thu hong ni ngawl uh hi,” ci hi.

Jeremiah 13:11 Iomraidhean Croise

Psalm Late 135:4

Ama in ama atu in Jacob teal a, ama aituam tu in Israel mite teal hi.

Psalm Late 147:20

Ama in minam dangte tungah hi bangin a seam bua hi; amate in ama thukhamte a he bua uh hi. Topa pok vun!

Psalm Late 81:11

“Ahihang ka mite in ka thu hong ngai nuam ngawl a, Israel te in ka thu hong ni ngawl tu hi.

Isaiah 43:21

Amate sia keima atu in ka vawt mite hi a, amate in keima hong pokna lasa tu uh hi!” ci hi.

Isaiah 62:12

No sia, “Pathian ii A thiangtho Mite” “Topa Ngup sa Mite” hong kici tu hi. Jerusalem sia, “Pathian ii It Khuapi,” “Pathian ii Nusiat Ngawl Khuapi” kici tu hi.

Jeremiah 13:1

Topa in va pai ta'n a, puanneal ngoaipuan tom pawlkhat lei in, teang paih ta'n; ahizong tuidia heak in hong ci hi.

Jeremiah 13:10

Hi mi ngilote in ka thu hong ni nuam bua uh hi. Amate sia a ngei bangma in a thin uh pui in seksol uh a, pathian dangte bia in a na seam uh hi. Tua ahikom, amate sia a kizangh thei nawn ngawl, hi ngoaipuan tomte bang suak tu uh hi.

Jeremiah 13:12

Topa Pathian in keima tungah, “Jeremiah awng, sapit thambeal theampo sapittui kidimh tu hi, ci in Israel mite son in. Sapit thambeal theampo sapittui a kidip tu sia he khu hi ci in amate in hong zo tu uh hi.

Jeremiah 19:15

Vaanglianbelpa Topa, Israel ii Pathian in, “Ka tungsak tu hi ka ci sa daan theampo sia hi khuapi le a naina khua theampo tungah ka tungsak tu hi, banghang ziam cile no na thinpui in kong son thu na ngai buatu uh hi,” a ci sia ka son hi.

Jeremiah 32:20

Nidang lai in Egypt ngam ah nalamdang laknate le a tumdang nate na vawt a, tu ciang dongin Israel mite sung hikale minam dangte theampo sungah hikale na vawt lai hi, tuasia hu in, tu in mun theampo ah hong kihe hi.

Jeremiah 33:9

Jerusalem sia kei atu in lungdamna, patoaina le kiphatsakna ii kipatna hi tu hi; leitung ah minam om theampo in Jerusalem atu na pha ka vawtnate le hi khuapi atu nopsakna ka piakna thute a zaak uh ciang, lau in liing tu uh hi,” ci hi.

Jeremiah 6:17

Tuaciang kidop natu lemle aw ngai tu in Topa in ngalvilte koi hi. Ahihang amate in, “Ngai ngawl tu khu hi!” ci uh hi.

Jeremiah 7:13

Hi mawna khialnate theampo na vawt siat zo uh a, kong papau kong hihil hangin nong ngai bua uh hi. Kong sam ciang nong zo nuam bua uh hi.

Jeremiah 7:23

Ahihang keima in amate ii Pathian ka hi natu le amate sia keima ii mite ahi natu in ka thu a nit natu thu ka piak ma ahi hi. Tuaciang ka thupiak bangin a nuntak thei natu in amate tungah ka son hi, tua hile amate a maivang tu uh hi.

Jeremiah 7:24

Ahihang amate in ka thu ni ngawl, nadon ngawl uh hi. A thinpuina le a thin ngitlo nate ii sawl bangin seam zaw ahikom, amate phazaw ngawlin sia vaial zaw uh hi.

Jeremiah 7:26

Ahihang kuama in thu ngai ngawl, nadon ngawl uh hi. Na taanghpupite uh sangin na thin uh pui zaw in langpan kan zaw nu hi.

Amos 3:1

Egypt ngam pan minam bup in ama ii hong pusuasak Israel mite awng, note huvau Topa pauna hi thu ngai vun:

Luke 10:11

‘Na khua leivui ka peang tungah hong baangte kong thin kik uh hi, ahizong Pathian Ngam, no taw kinai zo hi, ci phawk vun!’ ci tavun.

Thuhil kikna 26:18

Ama hong kamciam bangin tuni in Topa in note sia ama mihing in hong saang zo a; ama thukham theampo zui tu in thu hong pia hi.

Thuhil kikna 26:19

Ama ii piansak minam dang theampo sangin a lianzaw in note hong vawt tu a, ama min pokin na patoai tu uh hi. Ama kamciam bangin note ama mihing na hi tu uh hi,” ci hi.

Thuhil kikna 4:7

“Bang zata minam lian hikale Topa ih Pathian ii ih kitaangsap sim hong nai bangin minam dangte in tuabangin a hu tu pathian khat nei tuan ngawl hi. Ama in hong hu tu in ih ko simin hong zo hi.

1 Peter 2:9

Ahihang note sia a kiteal sa minam, Kumpi thiampite, a thiangtho minam, Pathian ii aituam mite, khuazing sung pan a lamdang ama ii khuavak sungah nang hong sam pa Pathian ii a lamdang ngamtatnate a thangsak tu a hong tealsate na hi uh hi.