Jeremiah 13:10 - Syin Chin Bible

¹⁰ Hi mi ngilote in ka thu hong ni nuam bua uh hi. Amate sia a ngei bangma in a thin uh pui in seksol uh a, pathian dangte bia in a na seam uh hi. Tua ahikom, amate sia a kizangh thei nawn ngawl, hi ngoaipuan tomte bang suak tu uh hi.

Jeremiah 13:10 Iomraidhean Croise

Psalm Late 78:8

Amate in a langpante le thu ni ngawl, Pathian a upna uh a kho ngawl, ama tungah a thumaan top ngawl a taanghpupite bang ahi buatu uh hi.

Thuhilsya 11:9

Khangnote awng, na khangmoi hun nuamsa vun. Na khanmoi lai in lungdam vun. Na vawt nop po vawt vun a, na lungngulna bangin ngamta vun. Ahihang Pathian in na vawtna tungah thu hong khen tu cisia ciamtee tavun.

Isaiah 3:24

Paaknamtuite a zak luangin amate namsia valut tu hi; kawngkhau phate luangin khauhual teang tu hi; a sam hoite taangin a lu uh tol tu hi; puansilh phate luangin, puansia ngapkaai kisilhsak tu hi; a mealhoina in maizumna suak tu hi!

Jeremiah 11:10

Amate in ka thu hong nial, a taanghpupite ii mawna khialna teng ma vawt kik uh hi; Amate in pathian dangte bia uh hi. Israel le Judah mite in a taanghpupite taw ka vawt khop thuciamna paltan zo uh hi.

Jeremiah 11:18

Ka ngalte ii kei hong thasawmna thu Topa in kei hong son hi.

Jeremiah 13:7

Hong sawl bangin ka pai kik a, ka phualna mun ka thet ciang puante sia zo a, pha nawn ngawlin ka mu hi.

Jeremiah 16:12

Ahihang no sia na taanghpupite uh sangin a sia zaw vawt nu hi. Na vekpi in a thinpui le a ngilote na hi uh hi, ka thu nong ni bua uh hi.

Jeremiah 16:4

Amate a lauhuai natnate taw in thi tu uh hi, kuama in amate kaa ngawl tu, phum ngawl tu hi. Amate ii luangte lei ah eaklei bangin kithu tu hi. Amate sia ngal sungah kithat tu a, ahibuale ngilkial pukthi in thi tu hi, a luangte sia vacimte le ngamsate ii an hi tu hi.

Jeremiah 20:4

Topa mama in ‘Nang sia nangma le nangma a kilausak tu le na lawmte a lausak tu in kong vawt tu a, a ngalte ii namsau taw na lawmte a thalup siat na mu tu hi. Keima in Judah mihingte theampo Babylon kumpipa khutnuai ka then siat tu hi; pawlkhat a ngam ah thongtaak tu in ciapui tu a, a dangte thatlum tu hi.

Jeremiah 22:21

Na nopsak uh laitakin Topa in no hong paupui hi, ahihang na ngai bua uh hi. Na nuntak uh sung theampo tuabang vive hi nu hi; Topa thu na ni ngei bua uh hi.

Jeremiah 23:17

Ka ci bang hong ngai nuam ngawl mihingte tungah na theampo amate atu in pha tu zam ci tan lai uh hi. Amate in mihing thinpui khat sim tungah tua siatna in ama thutha ngeingawl tu hi ci in son uh hi,” a ci hi.

Jeremiah 3:17

Tua hun hong thet ciang, Jerusalem sia ‘Topa ii Kumpi Tokhum,’ kici tu a, minam theampo tua munah keima bia tu in kikhawm tu uh hi. Amate in a thin puina le a thin siatnate ii sawlna bangin seam nawn ngawl tu uh hi.

Jeremiah 35:15

Ka naseam kamsaangte theampo kong puak tawntung zo a, na ngamtatna a siate kheal in a maan sia nasep natu hong son zo uh hi. Noma le na taanghpupite tungah kong piaksa ngam sungah na ten top thei natu uh in, pathian dangte bia ngawl, a na seam ngawlin na kidop natu uh thu hong hil khol hi. Ahihang note in ka thu nong ngai nuam bua uh a nong awlmawk bua uh hi.

Jeremiah 44:16

“Topa min suangin thu nong sonte hong ngai nuam ngawl khu hi.

Jeremiah 44:5

Ahihang note in ngai ngawlin nadon ngawl nu hi. Pathian dangte tungah a sia biakpiakna na vawt uh sia na kheal nuam bua uh hi.

Jeremiah 5:23

Ahihang no mihingte! Na thin uh pui in nong langpan uh hi; Kei nong pial uh a nong nusia uh hi.

Jeremiah 7:13

Hi mawna khialnate theampo na vawt siat zo uh a, kong papau kong hihil hangin nong ngai bua uh hi. Kong sam ciang nong zo nuam bua uh hi.

Jeremiah 7:6

Noma phattuam natu in ngamdangmite, tangate le meingongte zothaw nawn heak vun. Hi ngam sungah a mawbaang ngawl mite that nawn heak vun. Pathian dangte bia nawn heak vun, banghang ziam cile tua in noma hong lalsak tu hi.

Jeremiah 8:5

Tua ahile, ka mite awng, banghang kei kung pan puapial in hong heak kik nawn ngawl nu ziam? Na milimte uh ma len lingleng in hong heak kik nuam ngawl nu hi.

Jeremiah 9:13

Topa in, “Ka mite in ka piak hilcianna taisan ahikom hi thu piang hi. Amate in ka thu hong mang ngawl, ka ci bangin ngamta ngawl uh hi.

Jeremiah 9:14

Tua kawmkaal ah, a thin uh pui in a taanghpupite ii hil bangin Baal milimte bia uh hi.

Mi Simna 14:11

Topa in Moses tungah, “Hi mipite in bang tanvei kei hong nial lai tu ziam? Amate sungah nalamdang lakna tam mama vawt zo napi, hong muang ngawlin bang tanvei hong nial tu ziam?

Sawltakte 7:51

Stephen in, “Note bangza in thinpui nu ziam! Bangza in note thin in Pathian he ngawl ziam? Pathian kammal na zaak ngawl natu in, bangza in nangong nu ziam! Na taanghpupite bang lian hi nu hi: note zongh in Thaa Thiangtho nalh tawntung nu hi!

Hebrew te 12:25

Tua ahikomin kidawm vun a, a sonpa sia ngai nuam ngawlin, nial heak vun. Pathian thu leitung ah a son pa nadon ngawl a, a nialte a suakta bua hi. Vantung pan hong sonpa na thusim buale bangbang suakta thei seseam tu hi ziam!