Jeremiah 12:9 - Syin Chin Bible

⁹ Ka tealsa mite sia muthite ii a kiimkot pan a tuk siasua vacim khat taw kibang hi. Poai siim tu in ngamsate sam vun!

Jeremiah 12:9 Iomraidhean Croise

2 Kumpite 24:2

Topa in Babylon te, Syria te, Moab te le Ammon te ii ngalkapte ngalsim tu in Judah ah paisak a, Jehoiakim langpanin Topa in a naseam a kamsaangte tungtawnin ka vawt tu hi a ci bangin Judah lalsak tu in kuan uh hi.

Isaiah 2:11

Mihingte kiphatsakna le, mihingte kisaktheina a kilalsak tu ni khat hong theng tu hi. Tuasia ciang Topa bekma kipok tu hi.

Isaiah 2:12

Tua ni ciang Vaanglianbelpa Topa in a vaanglian theampo le, a kiphasakte, a kiliansakte theampo niamsuksak tu hi.

Isaiah 56:9

Topa in ngamdang minamte tungah ngamsa bangin hong pai in ama mite a neaktum natu in son zo hi.

Jeremiah 15:3

Keima, Topa in, a lauhuai thu nam li amate tungah tung tu in ka khensat zo hi: Ngal sungah amate kithatlum tu hi; a luangte ui in kaikeak a; vacimte in ne tu hi, tuaciang a om laiteng ngamsate in ne tu hi.

Jeremiah 2:15

Amate in tawpi bangin ama hawk san uh hi; amate in ama ngam sennealngam suaksak zo hi, a khuate siasak zo a, kinusia cip zo hi.

Jeremiah 34:20

Amate sia amate a thatlum nuam a ngalte ii khut sungah ka aap tu a, a luangte sia vacimte le ngamsate in ne tu uh hi.

Jeremiah 7:33

Mithi luangte sia vacimte le ngamsate ii an suak tu a, tuate a beng tu kuama om ngawl tu hi.

Kaa late 1:17

“Ka khutte zan kaleng kuama in hong hu ngawl hi. Mun theampo pan kei hong langpan tu ngalte Topa in sam zo hi. Amate in a kiihuai nate bangin kei hong vawt hi.

Ezekiel 34:5

Tuute sia a cing nei ngawl ahikom, peakkeak a, ngamsate in manin a sa ne uh hi.

Thupualaakna 17:16

Kii sawm na mute le nganhing in pumpi zuaknu sia ensan tu hi; ama ii neisa theampo sia amate in laaksak tu a, a pumnguak in nusia tu hi; ama sa ne tu a, mei taw ama sia haltum tu hi.