Jeremiah 12:7 - Syin Chin Bible

⁷ Topa in, “Israel ka nusia zo hi; ka tealsa minam ka nial zo hi. Ka it mihingte a ngalte khut sungah ka pia zo hi.

Jeremiah 12:7 Iomraidhean Croise

2 Kumpite 21:14

A nungta lai teng ka nusia tu a, a ngalte khut sungah ka aap tu hi, tuate in amate zothal tu a, a leitang nopzak tu hi.

Psalm Late 106:40

Tua ahikom Topa sia ama mite tungah thin uuk hi; ama in thasiathuai sa hi.

Psalm Late 78:62

Ama ii mite tungah ama thin uuk ahikom a ngalte in ama ii mite thatsak hi.

Isaiah 2:6

Pathian awng, Jacob suan le paal, na mite na nusia zo hi! Ngam le lei sia nisuana sang pan le Philistia pan mitbum nasepnate taw kidim zo hi. Mihingte in ngamdang ngeinate zui hi.

Jeremiah 11:15

Topa in, “Ka it mihingte in a sia vawt uh hi. Ka Biakinnpi sungah a om natu bang thu nei thei nawn tu ziam? Amate in kamciam piakna le sangaw biakpiakna taw in tuasiatna khaam thei tu in ki um uh ziam? Tuasia in amate lungdamsak tu ziam?

Jeremiah 14:19

Topa awng, Judah te nialcip zo ni ziam? Zion mite ngaimaw ni ziam? Banghangin a dam zo nawn ngawl tuza dongin ko hong liamsak ni ziam? Thinnopna ka zong uh hi, ahihang phatna bangma hong piang bua hi, ciidam tu ka lamen uh hi, ahihang launa bek hong tung zaw hi.

Jeremiah 17:4

Kong piaksa ngam na taan tu uh a, na heak ngeingawl uh ngam khat ah na ngalte ii na kong seamsak tu hi, banghang ziam cile ka thin uukna sia mei bang hi a, a tawntungin kuang tu hi,” ci hi.

Jeremiah 22:5

Ahihang kong thu piakte nong ni bua uh le, hi kumpi inn sia siacip tu hi ci in ka kiciam hi. Keima, Topa in ka ci zo hi.

Jeremiah 23:33

Topa in keima tungah, “Jeremiah awng, ka mite khat ahibuale, kamsaang khat ahibuale thiampi khat in ‘Topa ii thupuak sia bang ziam’ ci in nang hong dok ciang, nangma in ama tungah ‘Nangma in Topa atu in vanhngit khat na hi a, ama in nang hong heam tu hi,’ na ci tu hi.

Jeremiah 23:39

keima in amate ahizong, amate le a taanghpupite tungah ka piaksa khuapi sia ahizong ka la takpi tu a, ka omna panin a khuala na ah ka vawkkhop tu sia amate tungah son in.

Jeremiah 51:5

Amate in Israel ii a Thiangtho Pa, Keima tungah hong maw zo ahitazong Keima, Topa Pathian Vaanglianbelpa in Israel le Judah ka taisan bua hi.

Jeremiah 7:14

Tua ahikom, Shiloh tungah ka vawt bangin note ii muan, hi keima ii Biakinnpi tungah ka vawt tu hi. Na taanghpupite uh le noma kong piaksa hi mun tungah Shiloh tungah ka vawt bang keak ma in ka vawt tu hi.

Jeremiah 7:29

“Jerusalem mite awng, kap vun; Na sam uh at tan vun a, vawk vun. Mual dawnah mithi vuina lasa vun, banghang ziam cile keima Topa ka thin uuk a, ka mite ka nial zo hi.

Ezekiel 24:21

no Israel te tungah hi kam vaithak son tu in hong sawl hi: Note in Biakinnpi ii a kip a khona sia kiphatsak pui nu hi. Mu nuamin a en tu na pai uh hi, ahizong, Topa in Biakinnpi sia minpaansak tu hi. Tuaciang Jerusalem ah na nusiat na innkuanpui khangmoite ngal sungah kithat tu hi.

Hosea 11:1

Topa in, “Israel sia patangno khat ahi lai in ama ka it a, ka tapa bangin Egypt ngam pan ka samkhia hi.

Hosea 9:15

Topa in, “Amate ngamtat siatnate theampo Gilgal pan kipan hi. Tua mun in amate ka etsat kipatna mun ahi hi. Amate ngamtat siatna hu in ka ngam panin amate ka notkeak tu hi. Amate ka it nawn buatu hi; a lampuite theampo in kei hong langpan zo uh hi.

Joel 2:15

Zion Mual ah lemle tum vun; antan natu thupia vun a, mipi kikhop sam vun!

Joel 3:2

Minam theampo ka khawmtua tu a, Thukhenna Kuam ah ka paipui tu hi. Ka mite tung a, a vawt na sa theampo huvau in tua munah amate thu ka khen tu hi. Amate in Israel te ngamdang ah thethaang in, ka Israel ngam khentham uh hi.

Luke 21:24

Pawlkhat namsau taw kithat tu a, a dangte ngam theampo ah thongtaak tu in kipaipui tu hi; tuaciangin amate ii hun a cin mateng in Gentile te in Jerusalem sia a peang taw tuanhcil tu hi.

Thuhil kikna 33:12

Ama in Benjamin nam huvau hi bangin ci hi: “Hite Topa ii it le a kepcing nam ahi hi. Ama in sunkhuateakin amate cing a, tuaciang amate sungah ama teang hi,” ci hi.