Jeremiah 12:6 - Syin Chin Bible

⁶ Na suapuite le na innkuan puite ngawngawn in nang hong leeheak zo hi; amate sia nang hong dote taw kikop hi. Amate in kamthum taw hong paupui uh zong um heak in,” ci hi.

Jeremiah 12:6 Iomraidhean Croise

Job 6:15

Ahihang no ka lawmte awng, nguazuk ngawl ciang a kang luite bangin hong theam nu hi.

Psalm Late 12:2

Amate in khat le khat kitheam uh hi; Amate in khat le khat kisial pokna taw kitheam uh hi.

Psalm Late 12:3

Topa awng, sialpok thei te ii a leeite na thimsak in! Hi bang a, kihisakna taw a paute ii kam na huksak in.

Psalm Late 69:8

Kei sia ka suapuite atu in khualmi bang ka hi a, ka innkuanpuite atu in ngamdangmi bang ka hi hi.

Paunakte 23:8

Na neak sa teng na lua kik tu a, na sialpokna theampo a vaal thong hi tu hi.

Paunakte 26:25

A kampaunate ahile zaaknophuai tha tu hi, ahihang um heak vun, banghang ziam cile a thinsung ah ki etsatna a dim in om hi.

Isaiah 31:4

Topa in kei tungah, “Tuucingte bang zata in a au hial zongin, amate in tawpi khat sia ama ii a thalupsa nganluang kung pan bengkeak zo ngawl hi; tuasia bangma in, keima, Vaanglianbelpa Topa ii Zion Mual ka kepna pan hong khaktan thei kuama om ngawl hi.

Jeremiah 11:19

Thalup tu a, a kipaipui a tote a muang tuuno khat bang ka hi a, amate ii a sia hong sawmnate ahi hunlam ka he bua hi. “Thingkung a nga thiam laitakin phuktan tawng; ama sia kuama ii a phaw nawn ngawl natu in thatlum tawng,” amate in ci uh hi.

Jeremiah 11:21

Anathoth mite in kei sia hong kithatlum le hong oai hi, tuaciang Topa ii thu na thangsak lai le kong thatlum tu hi hong ci uh hi.

Jeremiah 20:10

Mihing theampo kihuau a, “Mun theampo ah launa om hi! Tua ahikom thu neite tungah ama khia tawng!” a ci ka za hi. Ka itbel ka lawmte ngawngawn zongh in ka puk tu bek ngak uh hi. “Kitheam zo tha tu hi; tuasia ciang ih man thei tu a, phu ih lam tu hi,” amate in ci uh hi.

Jeremiah 9:2

Ka mite taisan thei in sennealngam sungah om natu mun khat nei leng ka uuk hi. Amate sia a thu maan ngawl vive, ngual a leeheak honkhat hi uh hi.

Jeremiah 9:3

Amate sia leilot thu son tu in kinging tawntung uh hi; thumaanna taw sangin thumaan ngawlna taw ngam uk zaw uh hi. Topa in, “Ka mite in thusia khat zawkciang khat vawtin kei sia a Pathian bang zongh in hong sim bua uh hi,” ci hi.

Jeremiah 9:4

A kuama po in a lawmpa tungtaang a kikep kul tu hi, kuama in a suapuipa muang thei ngawl hi; banghang ziam cile suapui theampo sia Jacob bangin ngualtheam thei a, a kuama po in a lawmte sonsia hi.

Jeremiah 9:5

Amate theampo in a lawmte lampui khial uh a, kuama in thumaan son ngawl hi; amate in a leeite uh leilot thuson hil uh a mawna khialna a vawt uh sia thasua peuma ngawl tu hi. Amate in ngoltol ngamtatna khat zawkciang khat vawt uh a; theamna taw a ngamtatnate khat zawk khat kizom hi. A mite in ama nial hi Topa in ci hi.

Matthew 10:21

“Mihingte in a suapuite thalup tu in aap tu a, pate zongh in tate tungah tuabang ma in ngamta tu hi; tate zongh in nute pate langpan tu a, thatlumsak tu uh hi.

Mark 12:12

Jew lampuite in Jesus mat sawm uh hi, banghang ziam cile amate in hi thusonteena sia amate huvau a sonna hi ci in tel uh hi. Ahihang mipite kiita ahikom amate in paisan uh hi.

John 7:5

(A suapuipate ngawngawn in ama a um bua uh hi.)

Sawltakte 16:22

Mihon zongh in, Paul le Silas a ngal vawtte sangah pang uh hi. Tua zawkciang uliante in, Paul le Silas te ii puan laaithapsak a, saat tu in thupia uh hi.

Sawltakte 18:12

Gallio sia Rome kumpite in Achaia ngamuk mangpa tu in a koi uh ciangin, Jew te hong kikhawmtua a, Paul manin, thukhenzum ah paipui uh hi.