Jeremiah 12:5 - Syin Chin Bible

⁵ Topa in, “Jeremiah awng, mihingte taw tai kidem a, toi na hi thong le, bangbangin siphu taw tai kidem thei thong tu ni ziam? leikolna ngam ah na dingto thei bua zen le, Jordan ngun hui duithuk sungah bangbangin vaihawm zo thong tu ni ziam?

Jeremiah 12:5 Iomraidhean Croise

1 Khangtaanghthu 12:15

Kum khat ii tha masabel hun Jordan nguntui pawmin a vaalbo ah tui a let lai in amate in ngun kaantan a ngun ii nisuana sang le nitumna sang kuamte ah a teang mite kithethaangsak uh hi.

Paunakte 24:10

Phatmawk hun sungah, na thaneam le a thaneam takpi ma na hi hi.

Paunakte 3:11

Ka tapa awng, Topa in tekna, hilna hong nei ciangin pha takpi in nadon in a, kidop natu hong piak thu hi ci in saang in.

Jeremiah 11:21

Anathoth mite in kei sia hong kithatlum le hong oai hi, tuaciang Topa ii thu na thangsak lai le kong thatlum tu hi hong ci uh hi.

Jeremiah 26:8

Topa ii hong thupiak theampo ka son tu ka man zawkciang amate in kei hong man in, “Hi bang na son hu in thalup tu in kilawm ni hi!

Jeremiah 36:26

Tua zawkciang kumpipa in keima le ka thuzeakpa Baruch man tu in kumpipa tapa Jerahmeel sia Azriel ii tapa Seraiah le Abdeel ii tapa Shelemiah taw zongh thupia khawm hi. Ahihang Topa in ko hong phual hi.

Jeremiah 49:19

Tawpi in ngam tawnghtol sung pan hong pusuak a, lopa hingna Jordan ngundung zui in a pai bangin, keima kong pai tu a, Edom mite a ngam uh panin thakhat thu in ka taikeaksak tu hi. Tuasia ciang keima ii teal lampuipa in ngam uk tu hi. Kei taw kitee ngat thei tu akua om ziam? Akua in kei hong thato ngam tu ziam? Kei hong nalh zo tu ukpa akua om ziam?

Jeremiah 50:44

“Jordan ngundung taam thuk sung pan pusuak in, lopa hingna munah a pai to tawpi khat bangin Keima, Topa kong pai tu a, Babylon te a khuapi uh pan thakhatthu in ka taikeaksak tu hi. Tuasia zawkciang lampui ka tealpa in ngam uk tu hi. Kei taw kitee ngat thei tu akua om ziam? Akua in kei hong thato ngam tu ziam? Hong langpan ngam tu kumpi akua bang om ziam?

1 Peter 4:12

Ka it lawmte awng, a haksa ze etna na thuak uh hu in, lamdang sa heak vun, a piang ngeingawl thute no tungah hong piang bangin ngaisun heak vun.