Jeremiah 12:4 - Syin Chin Bible

⁴ Ih ngam sia bang tanvei kongaw tu a, lo theampo sungah lopate bang tanvei kongaw tu ziam? Nganhingte le vacimte thi dektak uh hi, banghang ziam cile ih mite ii seksolna hang hi a, ih mite in ‘Pathian in ih sep ih vawtte hong mu ngawl hi’ a ci uh hang ahi hi.”

Jeremiah 12:4 Iomraidhean Croise

Psalm Late 107:34

Tua munah a teangte ii seksolna hangin, ama in leiphate ci al lei ngamtul suaksak hi.

Psalm Late 50:21

Hite theampo na sep uh hangin, bangma kong ci bua hi, tuasia ciang kei sia noma taw a kibangin nong tuat uh hi. Ahihang tu in kong mawsak a, a thu kong telthiangsak hi.

Isaiah 24:4

Leitang ko ngaw in tul hi; leitung buppi zawngkhal hi; lei le van a nii in lal hi.

Isaiah 24:6

Tua ahikom Pathian in leitang haamsiat zo hi. A mite in amate ii vawt bangin thuak uh hi. A nungta mihing tawm vaial hi.

Jeremiah 12:11

Amate in ka ngam sia ngam tawngtol suaksak uh a; ka mu tangin ngamkhing mun suak hi. Ngam buppi sia sennealngam suaksak a, kuama in awlmawk ngawl hi.

Jeremiah 14:2

“Judah kap in om a; a khuapite bo dedek hi, a mite khuangai in lei ah bok uh a, Jerusalem in huna ngenin au hi.

Jeremiah 23:10

Tua ngam sia Topa tungah a thumaan ngawl mihingte taw kidim hi; amate sia a seksol nuntakna taw nungta in a vaang neina uh zangh khial uh hi. Topa ii haamsiatna hangin hi ngam sia khuangai in om a, ngamsung lonote kongaw hi.

Jeremiah 4:25

Khua ka et le mihing kuama om ngawl a; vacimte ngawngawn leang siat zo uh hi.

Jeremiah 4:28

Leitung sia naangin kap tu a; van sia zing vanuai tu hi. Topa ii sonsa hi a, a thin kheal kik ngawl tu hi. Ama in a khensat sa hi a, kheal kik ngawl tu hi.

Jeremiah 5:13

Kamsaangte sia vuibung bang hi lel uh a, Topa kung pan thupuak tu bangma nei ngawl uh hi amate in ci uh hi. Vaanglianbelpa Topa Pathian in kei tungah, “Jeremiah awng, hi mihingte in tuabang thute son ahikom ka kammalte sia na kam sungah mei bang ka hisak tu hi. Mihingte in thing bang hi tu a, tua mei in amate kaanghtum tu hi,” hong ci hi.

Jeremiah 5:31

kamsaangte in leilot thu bek son uh hi; thiampite in kamsaangte thupiakna bangin uk uh a, ka mite in nalh ngawl uh hi. Ahihang a tawpna hun a thet ciang amate in bang law tu uh ziam,” ci hi.

Jeremiah 7:20

Tua ahikom Vaanglianpipa Topa keima in, hi Biakinnpi tungah ka thin uuk mama na sia ka buak tu hi. Mihingte le nganhingte, tuaciang thingkungte le ankungte tung ngawngawn zongh ah a kibangin ka thin uuk tu hi. Ka thin uukna sia kuama sukmit thei ngawl meikuang bang hi tu hi.

Jeremiah 9:10

Keima in, “Mualte atu in khuangai a mau in, ngamsung lohingna munte atu in ka kap tu hi. Banghang ziam cile tua munte kongaw a, kuama khualhawin kaantan ngawl hi, ngannote haamna aw kiza nawn ngawl hi; vacimte le ngamsate tai siat zo hi,” ka ci hi.

Jeremiah 9:9

Hi thute hu in amate daan pia ngawl tu khi ziam? Hi bang minam khat tungah phula ngawl tu khi ziam? Keima Topa in ka son hi,” a ci hi.

Hosea 4:3

Tua ahiciang a ngam kaanghko tu a, ngam sungah nuntakna nei theampo thi tu hi. Nganhingte, vacimte theampo le ngasate ngawngawn thi tu hi,” ci hi.

Joel 1:18

Khuite ngilkialin haam uh hi, banghang ziam cile a tat natu lohing mun om ngawl hi; tuuhonte zongh in thuak uh hi.

Amos 1:2

Amos in, “Topa sia Zion mual pan hawk a; Jerusalem pan a aw sia hong nging keak hi. Ngan thana munte ko a, Carmel mual a lopate vul hi,” ci hi.

Habakkuk 3:17

Theikungte nga ngawl a, sapitkungte a nga bua zong, olive kungte nga ngawl a, lote sungah an a piang bua zong, tuute thi siat a, khuibukte a hawm zong,

Zechariah 1:12

Tua zawkciang vantunglalang in, “Vaanglianbelpa Topa awng, Jerusalem tung le Judah ngam khuapite tungah kum sawmsali sung thin uuk zo ni hi. Amate na hesuak tu bang tanvei hai lai tu ziam?” ci hi.

Romete 8:22

Banghang ziam cile nausuak tun a nat bangin tu hun dong ma bitphuasa theampo in na a sakna taw tau in om hi ci ih he hi.