Jeremiah 12:3 - Syin Chin Bible

³ Ahihang, Topa awng, kei nong he a; ka nasepna le bang zata nang kong it zia na mu hi. Tuute ngaw tu a, a kikaikeak bangin hi mi ngilote kaikeak in; amate a kithalup tu hun dong keamcing in.

Jeremiah 12:3 Iomraidhean Croise

2 Kumpite 20:3

“Topa awng, nang tungah thumaanna le citakna taw in nong oai theampo hanciam in ka sep tawntung sia hong phawk ta'n,” ci in thungen hi. Tuaciang ama nasia takin kap hi.

1 Khangtaanghthu 29:17

Mi theampo ii thinsung na ze et a, a citak mite tungah na lungkim hunlam ka he hi. Thumaanna le thinsung takpi taw keima uuk thu in hi teng theampo kong pia zo hi, tuaciang hi munah hong kikhawm na mite in nang kungah biakpiakna hong paipui tu sia bangza in lungdam ziam ci sia ka mu zo hi.

Job 23:10

Tua hi napi Pathian in ka kalsuanna theampo he hi; Ama in kei hong sit le a thiangin hong mu tu hi.

Psalm Late 11:5

Topa in a miphate le a seksolte a kibangin encian khawm hi, tuaciangin a maitatte a thinsung theampo taw ensan hi.

Psalm Late 139:23

Kei hong sit ta'n, Pathian awng, ka thinsung hong he ta'n; hong sittel ta'n a, ka ngaisutnate a thakin na mu in.

Psalm Late 17:3

Ka thinsung hong he ni hi. Zanin kei kungah nong pai hi; nong veal ngiingeei zo a, ka sungah ngitlo nopna nong mu bua hi.

Psalm Late 26:1

Topa awng, maw ngawl hi hong ci ta'n, banghang ziam cile a maan in ka seam a, nang muan citakin hong muang khi hi.

Psalm Late 7:9

Nangma in a thutang Pathian na hi a, kote ngaisutna le ka deinate thu nong khen hi. A ngilote ii seksolnate tawpsakin, miphate thaman pia in.

Jeremiah 15:15

Tuasia ciang keima in, “Topa awng, tel ni hi. Hong phawkin hong hu ta'n. Kei hong vawtsiate tungah phu hong lasak ta'n. Amate ii kei hong thalup nop sia a taangtut natu in, amate tungah na thin sausak lei heak in. Nangma hangin kei hong kiselno ahi sia phawk in.

Jeremiah 17:16

Ahihang, Topa awng, amate tungah tuasiatna na thetsak tu kong sawl ngei bua a; amate ii ngim a thuak tu ka deisak bua hi. Topa awng, nangma in hi thu na he hi; ka sonsa sia na he hi.

Jeremiah 17:18

Kei hong vawtsiate a maimawlsak in a, ahizong Topa awng, kei hong pengsak ta'n. Amate launa taw kidimsak in, ahihang kei hong lausak heak in. Amate tungah tuasiatna tungsak in a amate a bebekin susia in.

Jeremiah 20:12

Ahihang, Vaanglianbelpa, Topa awng, mihingte sia a maan takin na sittel a; amate ii thinsung le a ngaisutna na he hi. Tua ahikom ka ngalte tungah phu na laakna hong musak ta'n, banghang ziam cile na khut sungah ka vai teng kong aap zo hi.

Jeremiah 48:15

Moab le a khuapite kisiasak zo a; a tangval a taktaibel teng kithatlum zo hi. Keima sia kumpipa, Vaanglianbelpa Topa ka hi hi, tuaciang keima in ka ci zo hi.

Jeremiah 50:27

A ngalkapte theampo that vun! Amate mon vun! Babylon mite a lal a hi uh hi! Amate daan piak tu hun hong theng zo hi!” ci hi.

Jeremiah 51:4

Amate sia a khuapi sung lampi tungah kiliamsak tu a, thi tu uh hi.

John 21:17

A thum veina Jesus in, “John ii tapa Simon awng, kei nong it ziam?” ci hi. Peter sia Jesus ii, “Kei nong it ziam,” ci in thumvei dong a dok hu in, hee hi, tua ahikom ama munah, “Topa awng na theampo na he hi; nang kong it hunlam na he hi,” ci hi. Jesus in, ama munah “Ka tuute na keam in.

James 5:5

Hi leitung ah na nuntakna uh sia a liap a vaal nate le nopsakna taw kidim hi. Hong kingaw lup ni ciang na thau natu in noma le noma na kivaak zo uh hi.

2 Peter 2:12

Ahihang hi mihingte in, amate thinsung pan, a piangtawm thinpuakte taw ngamta uh a, mat tu le thalup tu a, a piang ngamsate taw kibang uh hi; amate heak zawk ngawl na theampo selno nate taw do uh hi. Amate sia ngamsate bangin kithat tu hi,