Jeremiah 12:2 - Syin Chin Bible

² Nangma in amate na suan a, amate in zung tha uh hi; amate khangto in a nga nga uh hi. Amate in a kam in nang hong phat son tawntung uh hi, ahihang a thinsung tatak uh taw nang hong thusim ngawl uh hi.

Jeremiah 12:2 Iomraidhean Croise

Job 24:12

Khuapite sungah a liamte le a thi dekte in au in a ko uh hang Pathian in amate thungetnate awlmawk ngawl hi.

Job 5:3

Ngammuang a kisa, mihing mawmawte ka mu ngei hi, ahihang a bangkuate thakhat thu in ka haamsiat hi.

Psalm Late 37:35

Khatvei lai in mihing seksol ahi ngual a zothaw ngawp thei khat ka he ngei hi; ama in Lebanon mualtung ah cedar thingkung khat bangin ngual tungtuangin om hi;

Isaiah 29:13

Topa in, “Hi mihingte in kong bia tu uh hi hong ci a, ahihang amate kammalte sia khiakna nei ngawlin, a thinsung in thudang ngaisun hi. Amate biakna sia bangma hi ngawlin, a teptee pak uh mihingte zui tu ngeinate bekma hi lel hi.

Jeremiah 11:17

“Keima, Vaanglianbelpa Topa in Israel le Judah ka phut hi; ahihang tu in kong tuasiasak tu hi ci in ka tawng hi. Hi siatna sia amate tungah amate ma in a tungsak ahi hi, banghang ziam cile amate in khialna vawt uh hi; Baal tungah biakpiakna a piak hu in amate in kei hong thin uuksak hi,” ci hi.

Jeremiah 3:10

Hi bang teng zawkciang Israel ii a thumaan ngawl, a suapuinu Judah in ka kungah heak kik tu in hong kinei theam bek a; a thin tatak taw hi ngawl hi. Topa, keima in ka son zo hi,” hong ci hi.

Jeremiah 45:4

“Ahihang, Keima, Topa in ka sak sate ka baltham tu a ka phu sate ka botkeak tu hi. Leitung buppi sia hi bangin ka vawt tu hi.

Ezekiel 33:31

Tua ahikom, ka mite na son tu thu a ngai tu in a hon in hong pai uh hi, ahihang seam tu na sawlte a seam bua uh hi. Ki itna kamthumte pau ahihang a duhop ngei ma in duhop veve lai uh hi.

Hosea 7:14

Amate in thin tak taw thu ngen ngawl uh hi, tua sangin amate lei ah kisepin lawkite ngamtat bangin kapin mau uh hi. Sapittui le antang atu thu a nget ciang doaibiate bangin amate le amate kikuikeak uh hi. Bangza in hong langpan ziam!

Habakkuk 1:13

Ahizong banghangin hi a thumaan ngawl misiate koithong thei ni ziam? Na mittangte siatna et natu in thiangtho leih a, khialna a vawt mite na mu thei bua hi. Tua ahikom amate sangin a thutangzawte a suksiat ciangin banghangin thim om thei ni ziam?

Matthew 15:8

‘Hi mite in a kammal uh taw kei zatakna hong pia hi; ahihang a thinsung sia kei taw kikhuala hi,’ Pathian in ci hi.

Mark 7:6

Jesus in a zo kikna ah, “Isaiah in note thu a sonkholna bangza in maan ziam! A kihitheamsak minamte awng, ama in hi bangin at hi: ‘Pathian in, hi mite in a kammal bek uh taw, kei zatakna hong pia uh hi, ahihang a thinsung uh kei taw kikhuala uh hi.

Titus 1:16

Amate in Pathian ka he uh ci ahihang, amate ngamtatnate taw kileebul hi. Amate sia ki etsatna taw kidim a, thu ni ngawl ahiciang a pha khat zongh seam tu in kiphu ngawl hi.