Jeremiah 12:16 - Syin Chin Bible

¹⁶ Amate in khatvei lai in ka mite Baal min taw kiciam tu in a hil bangma — amate in a thin theampo uh taw ka mite ii biakna saang thei tu a, ‘Topa a nuntak bangma in’ ci in a kiciam uh le — amate zongh keima mi ma hi tu a, a ma vangin nuamsa tu uh hi.

Jeremiah 12:16 Iomraidhean Croise

Solomon ii La 1:8

Numei sung pan a ithuaibel awng, a mun he ngawl ni ziam? Pai in tuuhonte zui ta'n; na kealte atu in tuucingte ii buk hui ah lo hingna mun zong ta'n.

Isaiah 2:3

tuaciang a mihingte in, “Topa ii mual, Israel te ii Pathian Biakinnpi ah kaato tawng. Ama in ih sep tu a dei sia ih sep thei natu in hong hil tu hi; ama tealsa lampite ih tawn tu hi. Banghang ziam cile Jerusalem pan Topa ii hilcianna hong pai tu a; Zion panin ama in a mihingte tungah thu son tu hi,” a ci tu hi.

Isaiah 42:6

“Topa, keima in, leitung ah thukhaikimin a kiseam ziam ci thu en tu in, nangma kong sam a, vaangletna kong pia zo hi. Nangma tungtawnin mite theampo taw thuciamna khat ka vawt tu hi; nangma tungtawnin minamte tungah khuavak ka pia tu hi.

Isaiah 45:23

Ka kamciam sia thumaanin, kikheal ngawl tu hi. Keima in keima ka hina theampo taw ciliaphuai takin ka kiciam hi: Mihing theampo hong pai in ka mai ah hong khupdin tu uh a, kei tungah thumaan tu in hong kiciam tu uh hi.

Isaiah 49:6

Topa in kei tungah, “Ka naseampa awng, nangma sep tu in nasep lian zaw khat ka nei hi, a suakta lai Israel mite a lian in lapto kik tu bek hi ngawlin, minamte tungah khuavak ahi tu zonghin nang kong vawt tu hi — tuabangin leitung theampo in ngupna a nga thei natu ahi hi,” hong ci hi.

Isaiah 65:16

Tua ngam sungah a om thupha a ngen pawpo in Thumaan Pathian ii thupha a piak tu in ngen tu uh hi. Kiciamna a la pawpo in Thumaan Pathian min taw kiciam tu uh hi. A bosa hunsung a ngimnate bomang tu a kimangil tu hi,” ci hi.

Jeremiah 16:19

Topa awng, nangma in kei hong dal a thahatna hong pia pa na hi hi; ka ngim nga laitakin nong hu hi. Leimong panin minamte nang kungah hong pai tu uh a, “Ka taanghpupite in pathian maan ngawlte le kimanna a nei ngawl milimte simngawl bangma dang nei ngawl hi.

Jeremiah 18:8

tua minam in ngitlona panin a kikheal kik a ahile vawt tu ka ci sa sia ka vawt buatu hi.

Jeremiah 3:17

Tua hun hong thet ciang, Jerusalem sia ‘Topa ii Kumpi Tokhum,’ kici tu a, minam theampo tua munah keima bia tu in kikhawm tu uh hi. Amate in a thin puina le a thin siatnate ii sawlna bangin seam nawn ngawl tu uh hi.

Jeremiah 4:2

ka min suang a na kiciam tu uh sia no atu in a maan hi tu hi. Tuasia ciang minam theampo in amate thupha ka piak natu hong ngen tu uh a, kei hong pok tu uh hi,” ci hi.

Jeremiah 5:2

Topa ka bia tu uh hi na ci uh hangin, na thin tatak uh taw na ci uh hi ngawl hi.

Jeremiah 5:7

Topa in, “Ka mite ii mawnate banghangin maisak tu khi ziam? Amate in kei hong nusia in pathian tatak ahi ngawlte bia zo uh hi. ka mite sia a ngilva dong ka vaak a, ahihang amate in palngul khialna vawtin pumpi kizuakte taw a hun zangh uh hi.

Jeremiah 6:16

Topa in a mite tungah, “Lamkaa bom ah dingin khuadak vun. Taangh lampite le a phabel lam sia koisung ziam ci in dongh vun. Tuasia tawn vun, tua hile thinnuamin na om tu uh hi,” ci hi. Ahihang amate in, “Hi ngawl hi, ko tawn ngawl tu khu hi!” ci hi.

Zephaniah 1:5

Innkhum tungah kaato in, ni, tha, aksite a bia pawpo ka susia tu hi. Kei hong bia hong paai in, a thumaan tu in kiciam pia zo napi, a zawk ciang Molech pathian min suangin a kiciam theampo ka susia tu hi.

Zechariah 1:6

Na taanghpupite tungah ka naseam kamsaangte tungtawnin thupiaknate le kidop natu thute ka pia hi, ahihang amate in tuate thusim ngawl a, a ngamtatna taw a kizui in ngimna thuak uh hi. Tuasia ciang amate kisiik kikin, keima, a Vaanglianbelpa Topa in amate taw a kiphu bang le ka sep tu tatak a ka khensat bangin daan ka piak hunlam hong tel uh hi,’ ” cisak hi.

Zechariah 2:11

Tua hun ciang minam tam mama Topa kungah pai tu a, ama mite suak tu uh hi. Ama in note sungah hong teang tu a, no kungah kei hong puak hunlam na he tu uh hi.

Romete 11:17

Inn olive baak pawlkhat kithiaktan a, ngam olive baak sia inn olive kung tungah kipee hi. No Gentile te sia tua ngam olive baakte taw na kibang uh hi, tu in Jew te ii a kho thaa nuntakna na nga uh hi.

Romete 14:11

Banghang ziam cile laithiangtho in, “A nungta Pathian ka hi bangma in, mihing theampo ka mai ah khupdin tu a, tuaciangin mihing theampo in kei sia Pathian ka hina pualaak tu uh hi, Topa in ci hi,” ci hi.

1 Corinth te 3:9

Banghang ziam cile kote sia Pathian taw kipawlin naseam khawmte ka hi uh a, note in Pathian ii lo na hi uh hi. Note in Pathian inn na hi si uh hi.

Joshua 23:7

tuasia ciang note kawm ah a taanglai mite taw na kipawl buatu uh hi, amate ii pathian minte thuson in na nei buatu uh hi, ahibuale tuate ii min lo in thuciamte na vawt buatu uh a, tua pathiante bia in na kun suk buatu uh hi.

Ruth 3:13

Hi sungah zankhuateakin om vet in a, zingsang ciangin tua pa in nang vaipuak hong la tu ziam, hong la ngawl tu ziam ih en tu hi. Vaipuak hong la tu ahile a dik a pha hi, hong la bua ahile a nungta Topa tungah kiciamna vawt hi tong, keima in vaipuak la tu khi hi. Tu in hi sungah zingsang ciang dong lum po in,” ci hi.