Jeremiah 12:12 - Syin Chin Bible

¹² Sennealngam mun saang na theampo kaantan in hong sut tu in mihingte hong pai zo hi. Ngam buppi susia tu in ngal ka piangsak zo hi; kuama thinnuam thin muangin om thei ngawl hi.

Jeremiah 12:12 Iomraidhean Croise

Isaiah 34:6

Topa namsau sia amate ii a chi le a thau taw kituam tu a, biakpiakna in a kinei tuu le kealte ii chi le thaute taw kibang tu hi. Topa in hi biakpiakna sia Bozrah khuapi ah pia tu hi; ama in hisia Edom ngam sungah kithalupna lian mama khat suaksak tu hi.

Isaiah 57:21

Mawneite atu in ngammuanna om ngawl hi,” Topa in ci hi.

Jeremiah 15:2

Koi sungah pai tu khu ziam ci in amate in nang hong dongh uh le, hi bang ka ci teng son in: Pawlkhat sia natna taw thi tu in kisee a — tua mun sia amate pai natu mun ahi hi! A dangte sia ngal sungah thi tu in kisee a — tua mun sia amate pai natu mun ahi hi! Pawlkhat sia pukthi in thi tu in kisee a — tua mun sia amate pai natu mun ahi hi! A dangte sia thongtaakte bangin a kipaipui tu in kisee a — tua mun sia amate pai natu mun ahi hi!

Jeremiah 16:5

“Mithi kikaana inn sungah tum heak in. Kuama khuangai pui heak in. Ka mite sia thinnopna thupha ka pia nawn buatu a, itna le hesuakna ka lak nawn buatu hi.

Jeremiah 25:11

Hi ngam buppi a siathamin kinusia tu a, a ngamkhing mun suak tu hi, a kiim ah minamte in kum sawmsali sung tawntung Babylon kumpipa ii na seam tu uh hi.

Jeremiah 3:2

Mualdawnte ento in. Pumpi kizuak khat bang a na ngamtat ngawlna mun a om ziam? Arab mite in a suam tu mite sennealngam sungah a pan bangin nang in lam dung ah lawm na pang hi. Na pumpi kizuakna taw in ngam na ninsak zo hi.

Jeremiah 3:21

Mualdawnte ah awnging khat kiza hi: tua in Israel mite kaana le thuumna aw ahi hi, banghang ziam cile amate nuntakna sia mawna khialna taw kidimin Topa a Pathian uh a makngil hang ahi hi.

Jeremiah 30:5

“Launa le, patauna aw khat ka za a, thinnopna aw ahi bua hi.

Jeremiah 34:17

Tua ahikom keima, Topa in ka thu nong ni bua uh hi kong ci hi: na Israel mipuite suatakna na pia bua uh hi. Tua ahile pha mama hi, suatakna kong pia tu hi: tua suatakna sia ngal, natna le kialpi taw thina ahi hi. No tungah kong vawtna taw leitung mite theampo ka lausak tu hi.

Jeremiah 4:27

( Topa in leitung buppi duisung ngampa suak tu hi ci hi, ahihang siacipsak ngawl tu hi.)

Jeremiah 46:10

Tuni sia Vaanglianpipa Topa, Vaanglianbelpa ii ni hi: tuni in ama in phula tu hi; tuni in ama in a ngalte daan pia tu hi. A namsau in a kham dong amate ne tu a, a lungkim dong a chi dawn tu hi. Tuni in Vaanglianbelpa in saksang Euphrates ngunhui ah a ngalmatte biakpiakna in nei hi.

Jeremiah 47:6

‘Topa ii Namsau awng! Bang tanvei vaat lai tu ni ziam? Na paai zuan kik in a, tua munah om in tawlnga in!’ ci in na au uh hi.

Jeremiah 48:2

Moab ngam ii a hoina teng bo zo hi. Ngalte in Heshbon la zo a, Moab minamte suksiat tu sawm ku uh hi. Madmen khua kithimsak tu a; ngalkaphonpi in tuanhcil tu uh hi.

Jeremiah 8:15

Kilemna le ciidamna hun khat ih lamen hi, ahihang bangma kimanna om ngawl a; launa hong theng zaw pumsai hi.

Kaa late 3:17

Cidamna, thinnopna le lungdamna cite bang ziam ci sia ka mangil zo hi.

Ezekiel 14:17

“Tua ahibuale, tua ngam ah ngal ka thengsak thei tu a, tuaciang mihingte le ngannote a kibangin ka maaimot natu in a susia thei ngalhiamte ka puak tu hi.

Ezekiel 21:28

“A thithei mihing awng, kam saanna son in. Israel a zawngsak Ammon te tungah Kei, Vaanglianpipa Topa ii ka ci teng taangko in. Amate munah hi bangin son in: Namsau khat sia a susia tu in kinging zo hi: Khualeng bangin a tee vazal tu, a that tu in kinawt thiang zo hi.

Ezekiel 21:4

Saksang pan thangsang dong a kuama theampo tungah ka namsau kong zangh tu hi.

Ezekiel 21:8

Topa in kei tungah,

Ezekiel 21:9

“A thithei mihing awng, maisang thu tu sonkhol in. Mihingte tungah Kei, Topa ii ci teng va son tan: Namsau khat, namsau khat sia kitaat hiam in kinawtthiang zo hi.

Ezekiel 5:2

Khen thum sua khen khat sia hong uumcina a ven ciang, khuapi sungah hal in. A dang khen thum a khen khat sia khuapi puasang na va kawkoaina ah na namsau taw tan neen in. A om lai khen thum teng sia vui sungah the in a, ka namsau taw ka delkot tu hi.

Thiampite 26:33

Ngal kong thengsak tu a, ngamdang ah kong thethaang tu hi. Na leitang kitaisan tu a, na khuapite lalcip in kinusia tu hi.

Amos 9:4

A ngalte in manin luangtasak kale amate a thalup natu thu ka pia tu hi. Amate ka suksiat tu le ka hu ngawl tu sia khensat zo khi hi,” ci hi.

Zephaniah 2:12

Topa in Ethiopia mite zongh thisak tu hi.

Thuhil kikna 32:42

Ka thaltangte amate chi sungah kidia tu a, ka namsau in kei hong nalh theampo that tu hi. Kei hong dote kuama ka khoaikhe buatu a; a liamte le thongtaakte ngawngawn thi tu uh hi.’

Thupualaakna 6:4

Siphu dang khat hong pusuak a, a san ahi hi. Mihingte khat le khat a kithalup natu in, a tungah a to pa sia leitung ah ngal kidona piansak natu vaang kipia hi. Ama sia namsau lian khat kipia hi.