Jeremiah 12:11 - Syin Chin Bible

¹¹ Amate in ka ngam sia ngam tawngtol suaksak uh a; ka mu tangin ngamkhing mun suak hi. Ngam buppi sia sennealngam suaksak a, kuama in awlmawk ngawl hi.

Jeremiah 12:11 Iomraidhean Croise

Thuhilsya 7:2

Khuangaina inn ah pai sia poai vawtna inn ah pai sangin phazaw hi, banghang ziam cile a nungta lai eite theampo thina in hong ngak nginge hi cisia hong phawksak hi.

Isaiah 42:25

Tua ahiciang ama ii thin uuk tut nate eite hong thuaksakin, ngal ii daan hong thuaksak hi. Ama ii thin uukna sia mei bangin Israel mite theampo sungah kuang hi, ahihang bang thu piang ziam cisia eite in ih he ngei bua hi; tua ih thuakna panin eite in heakna bangma ih nei peuma bua hi.

Isaiah 57:1

Miphate thi a, kuama in tua thu tel ngawlin, ngaisut zongin nei ngawl uh hi. Ahihang amate a thi uh ciang, khuangai tuasiatna lian bangma in amate nasak thei ngawl hi.

Jeremiah 10:22

Ngai vun! Thu khat hong theng zo hi! Saksang ngam khat sungah buaina lian khat om hi; a ngalkaphon in Judah ngam khuapite sia ngiate teenna sennealngam suaksak tu hi,” ci in ka zo hi.

Jeremiah 10:25

Na thin uukna sia nang hong bia ngawl minamte tung le nang hong nial mite tungah tungsak in. Amate in na mite that a; ko hong susia cipin ko ngam a sia sa in nusia uh hi.

Jeremiah 14:2

“Judah kap in om a; a khuapite bo dedek hi, a mite khuangai in lei ah bok uh a, Jerusalem in huna ngenin au hi.

Jeremiah 19:8

Hi khuapi tungah tuabang a lauhuai mama siatna ka tungsak tu a, tua khua a kaantan pawpo ingh liangin lamdang sa mama tu hi.

Jeremiah 23:10

Tua ngam sia Topa tungah a thumaan ngawl mihingte taw kidim hi; amate sia a seksol nuntakna taw nungta in a vaang neina uh zangh khial uh hi. Topa ii haamsiatna hangin hi ngam sia khuangai in om a, ngamsung lonote kongaw hi.

Jeremiah 25:11

Hi ngam buppi a siathamin kinusia tu a, a ngamkhing mun suak tu hi, a kiim ah minamte in kum sawmsali sung tawntung Babylon kumpipa ii na seam tu uh hi.

Jeremiah 4:20

Tuasiatna khat zawkciang khat hong theng a; ngamsung buppi kisia siat hi. Thakhat thu in ih bukte kilalsak hi; a puankhaite ki eaukeak hi.

Jeremiah 4:27

( Topa in leitung buppi duisung ngampa suak tu hi ci hi, ahihang siacipsak ngawl tu hi.)

Jeremiah 4:28

Leitung sia naangin kap tu a; van sia zing vanuai tu hi. Topa ii sonsa hi a, a thin kheal kik ngawl tu hi. Ama in a khensat sa hi a, kheal kik ngawl tu hi.

Jeremiah 6:8

Jerusalem mite awng, hi ngimnate sia na kidop natu uh hi tahen, tua ahibuale no kong nusia tu hi; na khuapi sia kuama ii ten ngawlna mun sennealngam ka suaksak tu hi,” ci hi.

Jeremiah 9:10

Keima in, “Mualte atu in khuangai a mau in, ngamsung lohingna munte atu in ka kap tu hi. Banghang ziam cile tua munte kongaw a, kuama khualhawin kaantan ngawl hi, ngannote haamna aw kiza nawn ngawl hi; vacimte le ngamsate tai siat zo hi,” ka ci hi.

Jeremiah 9:11

Topa in, “Jerusalem khua sia na a sia te kholna le, ngiate teenna mun ka suaksak tu hi; Judah ngam khuapite sia kuama ii teen ngawlna sennealngam suak tu hi,” ci hi.

Jeremiah 9:9

Hi thute hu in amate daan pia ngawl tu khi ziam? Hi bang minam khat tungah phula ngawl tu khi ziam? Keima Topa in ka son hi,” a ci hi.

Joel 1:10

Lote kolh hi; leitangte khuangai hi banghang ziam cile ankungte kisusia in sapitngate kikosak a, olive kungte kivulsak hi.

Thiampite 26:32

Na leitang ka lalcipsak tu a, tuasia a lua na ngalte inghsak tu hi.

Zechariah 7:5

Ama in, “Ngamsung a mite le thiampite ii hi kum sawmsali sung tawntung a tha ngana le a tha sali na ah khuangai in an a tan uh ciang kei hong patoai ahi ngawlna sia amate tungah son ta'n.

Malachi 2:2

Na sep, na vawtna taw keima nong patoai uh kul tu hi. Kong ci bangin nong ngai bua uh le no tungah haamsiatna kong tungsak tu hi. Na kivaak natu a, na saan uh vanhte tungah haamsiatna ka tungsak tu hi. A tatakin ci leang, tuate tungah, haamsiatna tungsak zo khi hi, banghang ziam cile kong thupiakte no in na thupi sim bua uh hi.

Romete 8:22

Banghang ziam cile nausuak tun a nat bangin tu hun dong ma bitphuasa theampo in na a sakna taw tau in om hi ci ih he hi.