Jeremiah 12:1 - Syin Chin Bible

¹ “Topa awng, nang taw ka thu ih kinial ciang, nang na maan zaw tu hi. Ahihang nang tungah thukhaikimna thu huvau kong dongh tu hi. Banghangin mi seksolte nuamsa ziam? Banghangin thu maan ngawl mite a tup uh taangtung ziam?

Jeremiah 12:1 Iomraidhean Croise

Pianciilna 18:25

Mawbaang ngawlte a mawte taw thatlum khawm ngeingawl het tu ni hi. Tuasia suak thei ngawl hi! Tuabang vawt thei ngawl tu ni hi. Tuabang vawt thong lete a mawte bangma in a mawbaang ngawlte zongh daan thuak tu hi thong hi. Hi thei ngawl tu hi. Leitung theampo ii thukhenpa in thu a maan in a khen kul tu hi,” ci hi.

Ezra 9:15

Israel ii Topa Pathian awng, nang thutang ni hi, ahihang kote nong nungtasak hi. Ka mawnate na tungah kong pualaak uh hi; na mai ah kong pai natu thu a om bua hi,” ka ci hi.

Nehemiah 9:33

Kote daan nong piak sia nong piak tu ma hi a; kote maw kale ung zongh nang na thumaan hi.

Job 12:6

Ahihang ngutate le Pathian a selte sia amate ii tha le ngal bekma a pathian hi napi thinnuamin nungta uh hi.

Job 13:3

Ahizong ka thu kinialpui sia Pathian hi a, no hi ngawl nu hi; ka thu sia ama taw kinial nuam khi hi.

Job 24:12

Khuapite sungah a liamte le a thi dekte in au in a ko uh hang Pathian in amate thungetnate awlmawk ngawl hi.

Job 24:23

Pathian in ama ngal muangin nungtasak thei hikale ama encik tan viuveu hi.

Job 8:17

A zungte in suangte vial a, tuaciang suangtum om theampo man tinten hi.

Psalm Late 116:5

Topa sia hesuak thei a, pha hi; ih Pathian in khuangai huai hong sa thei hi.

Psalm Late 119:137

Topa awng, nangma in thumaan thutang na hi a, na thukhamte maan hi;

Psalm Late 119:75

Topa awng, na thukhennate tang hi ci in ka he hi, tuaciang daan nong piak zongh nangma thumaan hang ahi hi.

Psalm Late 145:17

Topa in ama ii sepna theampo sungah thutang a, a ngamtatna sung theampo ah hesuak thei hi.

Psalm Late 37:1

Mihing seksolte hangin thinngim heak vun; khialna a vawtte eang heak vun.

Psalm Late 37:35

Khatvei lai in mihing seksol ahi ngual a zothaw ngawp thei khat ka he ngei hi; ama in Lebanon mualtung ah cedar thingkung khat bangin ngual tungtuangin om hi;

Psalm Late 51:4

Nangma tung tatak ah hong maw zo khi hi, sia na sakte ka vawt zo hi. Tua ahiciangin, thu nong khenna sia maan hi; kei nong mawsak sia khial ngawl ni hi.

Psalm Late 51:6

Citakna le thumaanna sia na dei thu ahi hi; ka khua ngaisutna sia na ciimna taw hong dim ta'n.

Psalm Late 92:7

a seksolte sia lopa bangin po thei tu a, a maan ngawlin a seamte nuamsa thei tu hi; ahitazong amate kilalcipsak tu hi,

Paunakte 1:32

Heakna nei ngeingawlte thi hi, banghang ziam cile amate in ciimna nial uh hi. A mawmawte sia awlmawk a neithei ngawlna in amate lalsak hi.

Thuhilsya 8:14

Ahihang hite nawnsan thu ahi hi. Leitung ah bang thu piang ziam ci sia en vun; khat vevei mihing thutangte in misiate ii thuak tu daante thuak a, misiate in thutangte min phatna tel nga hi. Hisia in a luithawthong hi, ka ci hi.

Isaiah 41:21

Israel te ii kumpi ahi, Topa in hite son tu nei hi: “No, minamte ii pathiante awng, na thu uh hong sung tavun. Na nial natu a phabel thute hong paipui tavun!

Isaiah 48:8

Note sia a tawntung ngual langpan ci in hong kihe ahikom note sia muan thei tu hi ngawl ci in kong he hi. Tua hu in hi thu na za ngei vet bua uh a, na nakheng sung uh ah hi kammal tum ngeingawl hi.

Jeremiah 11:20

Tuaciang keima in thungen in, “Vaanglianbelpa Topa awng, nangma in thutang a khen thukhenmang khat na hi hi; mihingte ii ngaisutna le thinsung na sittel hi. Na khut sungah ka thu kong aap zo hi; tua ahikom hi mihingte tungah phu na laakna sia hong ensak ta'n,” ka ci hi.

Jeremiah 12:6

Na suapuite le na innkuan puite ngawngawn in nang hong leeheak zo hi; amate sia nang hong dote taw kikop hi. Amate in kamthum taw hong paupui uh zong um heak in,” ci hi.

Jeremiah 3:20

Ahihang a thumaan ngawl zi khat bangin, kei tungah nong thumaan bua hi. Topa keima in ka son zo hi,” ci hi.

Jeremiah 3:7

Ama in hi teng theampo a vawt siat zawkciang, kei kung hong zuan kik nanak tu in ka ngaisun hi. Ahihang ama hong heak kik ngawl a, a thumaan ngawl ama ii suapuinu Judah in tuate theampo mu siat hi.

Jeremiah 32:16

Lo kileina lai sia Baruch tungah ka piak zawkciang thu ka ngen a,

Jeremiah 5:11

Israel mite le Judah mite in kei hong leeheak cip zo uh hi. Topa keima in ka son zo hi,” ci in dongh hi.

Jeremiah 9:2

Ka mite taisan thei in sennealngam sungah om natu mun khat nei leng ka uuk hi. Amate sia a thu maan ngawl vive, ngual a leeheak honkhat hi uh hi.

Kaa late 1:18

“Ahihang Topa sia a maan hi a, keima in a thu ka nit ngawl hang hi zaw hi. Hong ngai tavun, mun theampo a om mite awng; a na ka thuak hong en tavun. Ka ngaknute le ka tangvalte sia ngalmat in kipaipui siat zo hi.

Ezekiel 18:25

“Ahihang, ‘Topa sepna maan ngawl hi’ na ci uh hi. Israel te awng kei hong ngai tavun. Na ka sepzia sia maan ngawl hi ci in ngaisun nu ziam? A maan ngawl sia noma ngaisut zia hi zaw hi.

Daniel 9:14

Topa kote Pathian awng, nangma in kote daan hong pia tu in na kithoai a, nong pia takpi hi, banghang ziam cile nangma in a maan bang na seam tawntung a, koma in nang kong nadon bua uh hi.

Daniel 9:7

Topa awng, nangma in a tawntungin a maan na seam a, ahizong ko ka hi uh le koma le koma ka mai ka kimawlsak tawntung uh hi. Judea ngam le Jerusalem khua sungah a teang kote theampo le a nai le a khualana ngam tuatuam ah na thethaang Israel te theampo atu in hi thu sia maan hi, banghang ziam cile amate in nang tungah hong thumaan ngawl hi.

Hosea 6:7

“Ahihang amate in Adam ngam sungah a tum po ciang amate taw thuciamna ka vawt sia paltan uh hi.

Habakkuk 1:4

Upadi in thu nei zo ngawlin a luithawthong suak a, thutangin thu a kikhen bua hi. Thutang khenna thute kileekai in misia te in thutang mite zo zawsap hi.

Zephaniah 3:5

Ahihang khuapi sungah Topa om lai hi; ama in a maan bang seam a, a hi ngawlte vawt ngeingawl hi. Zing sim a pealmaw in a mite tungah thutang lak hi. Tua hi napi thutang ngawl mite in a maan ngawlte ma vawt tan viuveu a, a mai uh zum ngawl hi.

Malachi 2:17

Na kampauna uh taw Topa toisak nu hi. Ahihang, “Ama bangbangin toisak khu ziam?” ci in dongh nu hi. “Vaanglianbelpa Topa in ngamtat siate theampo phasa hi; tuabangte diksa takpi hi,” ci nu hi. Tua ahibuale, “Thutangin ih heen Pathian sia koisungah om hi tu ziam?” ci in dongh nu hi.

Malachi 3:15

Ih mu bangma mihing kiphasak teng ma in a lungdam hi. Mi siate sia nuamsa bek ngawlin a ngamtat siatnate taw Pathian thin sauna ze et napi, bangma tat tuan ngawl hi,’ ” na ci uh hi.

Thuhil kikna 32:4

“Topa sia note hong dal a hatbelpa hi a, A sepzia theampo kicing in maan hi; Na Pathian thumaan in thutak a; Ama in a maan le a pha in seam hi.