Jeremiah 11:7 - Syin Chin Bible

⁷ A taanghpupite Egypt ngam pan ka paipui lai in, ka thu hong nit natu in amate nasia takin ka hil a, tuni dong ma a kidop natu in ka hihil lai hi.

Jeremiah 11:7 Iomraidhean Croise

2 Kumpite 17:13

Topa in a kamtai te le a kamsaangte paisakin Israel le Judah te a kidop natu in sawl a: “Na ngamtat siatna uhte nusia vun a, na taanghpupite uh ka piak Thukhamte sungah a om, ka naseam ka kamsaangte tungtawnin no tungah kong piak kong sawlna te ni vun,” ci hi.

2 Khangtaanghthu 36:15

A taanghpupite ii Pathian, Topa in amate le a Biakinnpi a huuk nop manin a mite kidop thei natu in kamsaangte tatsat ngawlin paisak hi.

Pusuana 15:26

Ama in, “Keima ii maan ka sak sia na vawtna uh taw ka thu nong ni siat uh a, ka thupiakte na zui uh le Egypt te tungah ka tunsak natnate khat zongh kong tungsak buatu hi. Keima in Topa note hong damsakpa “Jehovah Rapha” ka hi hi,” ci hi.

Jeremiah 11:4

Hi thuciamna sia pummei lingh taw a kibang Egypt ngam pan amate ka paipui lai in, a taanghpupite taw ka vawt uh thuciamna ahi hi. Ka thu hong nit natu le ka thupiak theampo vawt tu in amate ka son hi. Ka thu hong ni uh le, amate sia ka mite hi tu uh a keima in amate ii Pathian ka hi tu hi ci in amate ka son hi.

Jeremiah 25:3

“Amon ii tapa Josiah sia Judah kumpi a sep kum sawm le kum thumna pan kipan tuni ciang dong ma, kum kul le kum thum sung, Topa in ka tungah thu hong son zo a, ama ii a sonte hong son ngawlin ka om ngei bua hi. Ahihang bangma na nadon bua uh hi.

Jeremiah 25:4

Topa in ama naseam kamsaangte hong puak tawntung hi napi a thu na ngai bua a, na awlmawk bua uh hi.

Jeremiah 31:32

Tua thuciamna sia a taanghpupite a khut uh pan kai in Egypt ngam pan ka pusua pui lai a, a taanghpupite taw ka vawt uh thuciamna lui taw kibang ngawl tu hi. Keima sia amate ii a pasal bang hi napi amate in tua thuciamna zui ngawl uh hi.

Jeremiah 32:23

Ahihang amate in hi ngam hong theng a, ngam a nei uh ciangin na thupiak ni ngawl a, na thuhilna bangin ngamta ngawl uh hi; vawt tu a na thupiakte bang mama vawt ngawl uh hi. Tuasia hu in hi suksiatna theampo amate tungah na thengsak hi.

Jeremiah 34:14

Keima in Hebrew sila khat pawpo sia kum luk sung na na uh hong sepsak zawkciang kum sali a cin simin na suaktasak tu uh hi ci in amate tungah ka son hi. Ahihang na taanghpupite in ka thu hong nadon bua uh a ka sawl bang hong mang bua uh hi.

Jeremiah 35:14

Sapittui neak ngawl natu in Jonadab ii a thupiak sia, a tu a tate in zui a, tuni ciang dong kuama in ne ngawl hi. No tungah kong sawson hangin, ka thu nong ni bua uh hi.

Jeremiah 35:15

Ka naseam kamsaangte theampo kong puak tawntung zo a, na ngamtatna a siate kheal in a maan sia nasep natu hong son zo uh hi. Noma le na taanghpupite tungah kong piaksa ngam sungah na ten top thei natu uh in, pathian dangte bia ngawl, a na seam ngawlin na kidop natu uh thu hong hil khol hi. Ahihang note in ka thu nong ngai nuam bua uh a nong awlmawk bua uh hi.

Jeremiah 7:13

Hi mawna khialnate theampo na vawt siat zo uh a, kong papau kong hihil hangin nong ngai bua uh hi. Kong sam ciang nong zo nuam bua uh hi.

Hosea 4:1

Hi ngam sungah a teang mite tungah Topa in mawsakna khat nei hi. Israel awng, ama pauna ngai vun: “Hi ngam sungah thumaanna hikale ki itna hikale om ngawl a, mite in keima Pathian in hong saang ngawl hi.

Hosea 5:1

“No thiampite awng, hi thu ngai vun! Israel mite awng, nadon vun! Kumpi bangkua sung a omte awng, ngai vun! No sia, thutang khen tu in hong kituat ahiciang — no tungah thukhenna hong theng tu hi! Note in Mizpah ah thaang khat, Tabor mual tungah ngen kikhak khat,

Zechariah 1:4

Na taanghpupite taw kibang nawn heak vun. Khuangeipi lai in kamsaangte in amate kungah ka thupuak sonin, ngamtat sia, mawna taw a nuntak nawn ngawl natu in thuhil uh hi. Ahihang amate in ka thu hong ngai nuam ngawlin hong mang nuam bua uh hi.

Ephesus te 4:17

Tua ahikom, Topa min taw kidop natu thu kong pia hi: a khua ngaisutna uh a mannung ngawl Pathian he ngawl mihingte bangin na nungta heak vun,

Thuhil kikna 12:32

“Kong thupiak theampo zui siat vun; khat zongh belap heak vun a khat zongh vawk heak vun.

Thuhil kikna 30:20

Topa na Pathian it vun, a thu ni vun, ama tungah thumaan vun, tuasia ciang, na taanghpupite ahi Abraham, Isaac, le Jacob tungah piak tu a, a kamciamna ngam sungah noma le na suan na paalte khansau in na nungta tu uh hi,” ci hi.

Thuhil kikna 4:6

Thumaan takin zui vun, tua hile hisia in minam dangte tungah, na ciimna uh lak tu hi. Hi thukhamte theampo a zaak uh ciang, amate in, ‘Hi minam liante sia bangza in ciim a thu he zen ziam?’ ci tu uh hi.

Thuhil kikna 5:29

Amate in hi bangin phawk tawntung thong le pha hi! Amate le a suan a paalte, a ma vangin a daupai thei tawntung natu in, keima hong zakta tawntungin ka thupiak theampo hong zui pole pha hi.

Thuhil kikna 6:2

Tua ngam ah khuangeipi na teen thei natu uh in noma nuntak lai teng noma le na suan na paalte in Topa na Pathian zakta in, kong piak a thukham theampo zui vun.

Thuhil kikna 8:6

Tuabang ahiciang Topa hong thupiak bangin vawt vun: a thukhamte bangin nungta vun a, zui vun.

2 Thessalonica te 3:12

Topa Jesus Christ min taw hi mihingte tungah ahi tu bangin nungta tahen a, nasepna taw a nuntak natu thalaw tahen, ci in kidop natu thu ka pia uh hi.

1 Samuel 8:9

Tuabang ahikom, amate thu ngai in a, ahizong a kumpipate in amate bangbangin vawt tu ziam ci sia a kidop khol natu a pha tatakin son in,” ci hi.