Jeremiah 11:5 - Syin Chin Bible

⁵ Tuabangin ahi uh le tu a amate ii neisa ngamhoi ngampha sia kong pia tu hi ci a, a taanghpupite tungah ka piak kamciam sia keima in ka taangtungsak tu hi,” hong ci hi. Keima in, “Hi hi, Topa awng,” ka ci hi.

Jeremiah 11:5 Iomraidhean Croise

2 Khangtaanghthu 6:17

Tua ahikom tu in Israel ii Topa Pathian awng, na naseampa David tungah kamciam na piakte theampo taangtungsak in.

Psalm Late 105:8

Ama in a thuciam sia a tawntung kholet tu a, ama kamciamte khang tul dongin kipsak tu hi.

Pusuana 13:5

Topa in na taanghpupite tungah Canaan mite, Hit mite, Amor mite, Hiv mite, le Jebus mite teenna ngam piak tu in ciliap huai takin hong kamciam hi. Tua ngam leihoi leiphana ngam ah hong paipui ciang kum sim tha masabel sungin hi poai vawt nanak tu nu hi.

Jeremiah 19:12

Keima in hi khuapi le khuapi sungah a teangte Topheth taw kibangin ka vawt tu sia kong kamciam hi.

Jeremiah 28:6

“Lamdang hi! Topa in hisia seam tu in lamen khi hi! Topa in na sonkholna sia taangtungsak tu a, thongtaakte bangin a kikai mihing theampo le Biakinnpi sum le vanh manpha vanh manphate theampo Babylon panin hong ciapui kik tu hi ci in ka um takpi hi.

Jeremiah 32:22

A taanghpupite tungah na kamciamsa bangma in, hi a hau ngam le leipha ngam sia amate na pia hi.

Thiampite 20:24

Ahizong hi ngamhoi ngampha lua tu in, hong ciam zo ka hi ciang kong pia tu hi. Keima in Topa na Pathian ka hi a, minam dangte sung pan kong tuamkoi zo hi.

Matthew 6:13

Ze etna haksa hong thuaksak heak in a, Ngilopa ii khutsung pan hong tan ta in. Uk zawkna, vaangletna le minthanna Nang aa hi tawntung tahen, Amen.

1 Corinth te 14:16

Pathian tungah lungdam na ko ciangin thaa bek taw na ko le, kikhopna sungah a kihel mihing thawthong khat in, nang lungdamko thungetna sia “Amen” bangbangin hong ci pui thei tu ziam? Ama in nang pauna teng a tel thei natu thu om ngawl hi.

Thuhil kikna 6:3

Israel mihingte awng, tuate ngai in zui vun! Tuasia ciang na ma uh vang tu a, ih taanghpupite Topa Pathian ii hong kamciamsa bangin a thahat minam lian na suak tu uh a, tua ngamnuam le lei phana munah na teang tu uh hi.