Jeremiah 11:4 - Syin Chin Bible

⁴ Hi thuciamna sia pummei lingh taw a kibang Egypt ngam pan amate ka paipui lai in, a taanghpupite taw ka vawt uh thuciamna ahi hi. Ka thu hong nit natu le ka thupiak theampo vawt tu in amate ka son hi. Ka thu hong ni uh le, amate sia ka mite hi tu uh a keima in amate ii Pathian ka hi tu hi ci in amate ka son hi.

Jeremiah 11:4 Iomraidhean Croise

Pianciilna 17:8

Tu in ngamdangmi khat bangin na omna hi leitang sia nangma le na suan na paalte tungah kong pia tu hi. Canaan ngam bup sia na suan na paalte in a tawntungin lua tu a, keima in amate ii Pathian ka hi tu hi,” ci hi.

1 Kumpite 8:51

Amate sia na mihingte hi a, tua meiphual lingh na Egypt pan na pusuasakte ahi hi.

2 Kumpite 18:6

Ama in Topa tungah thumaan in, bangma hunin a thu ni ngawlin a om ngei bua hi, Topa ii Moses tungah a piak thupiakna te phinciing takin keamcing hi.

Pusuana 20:6

Ahizong kei hong it in, ka thukhamte a zuite ahile ka itna a khang tul tampite tungah ka lak tu hi.

Isaiah 30:6

Hi thu sia thangsang sennealngam sungah a om nganhingte taw kisai Pathian thupuak ahi hi: “Tongciinte sia tawpite teenna, a nguu nei ngulte le a leang thei ngulpui omna, a lauhuai ngam sungah vak kawkoai uh hi. Amate huna mal khat zongh a pia zo ngawl minam khat a piak tu in a manham letsongte, a kalaoh le a laate tungah suanh uh hi.

Isaiah 48:10

Meikhuk sungah ngunnte a kisit bangma in note sia meisa thuakna sungah kong sit zo hi. Ahihang note sia bangma man nei ngawlin kong mu zo hi.

Jeremiah 11:7

A taanghpupite Egypt ngam pan ka paipui lai in, ka thu hong nit natu in amate nasia takin ka hil a, tuni dong ma a kidop natu in ka hihil lai hi.

Jeremiah 24:7

Keima Topa ka hi hunlam heak nopna thin ka pia tu hi. Tuasia ciang amate sia ka mite hi tu a, keima in a Pathian ka hi tu hi, banghang ziam cile amate in a thin theampo taw ka kung hong zuan kik tu uh hi.

Jeremiah 26:13

Na nuntakzia le na sep uhte kheal nanak vun a, Topa na Pathian thu ni vun. Tuabangin na hi uh le, no tungah siatna thengsak tu in a sonsa sia pan Topa in a thin kheal tu hi.

Jeremiah 32:28

Hi khuapi sia Babylon kumpipa Nebuchadnezzar le a ngalkaphonpi khut sungah ka pia tu a; amate in la in,

Jeremiah 38:20

Keima in, “Nang sia amate khut sungah hong ki aap ngawl tu hi. Topa ii thupuak sia na nit natu in hesuak kong ngen hi; tua hile na theampo nang atu in pha tu a, na nuntakna hong kikhoaikhe tu hi.

Ezekiel 11:20

Tuasia ciang amate in ka thukhamte zui tu a, ka thupiak theampo thumaanna taw zui tu hi. Amate sia ka mihingte hi tu a, keima sia a Pathian ka hi tu hi.

Ezekiel 14:11

Israel te in kei hong taisat ngawl natu le a mawna a khialna te taw amate le amate a kininsak ngawl natu in hi bangin ka vawt tu hi. Amate sia ka mite hi tu a, Keima in a Pathian ka hi tu hi.” Vaanglianpipa Topa in son zo hi.

Ezekiel 36:28

Tua hun ciang, na taanghpupite tungah ka piaksa ngam ah na teang tu uh hi. Note in keima mite na hi tu uh a, Keima in noma Pathian ka hi tu hi.

Ezekiel 37:23

A kiihuai milimte taw amate le amate kininsak nawn ngawl tu a, mawna taw kilalsak nawn ngawl tu hi. Amate sia kei hong melsiatna mawna le hong leeheakna lampite theampo pan ka suaktasak tu hi. Amate ka thiansua tu hi; amate sia keima mite hi tu a, Keima in amate ii Pathian ka hi tu hi.

Ezekiel 37:27

Amate taw tua munah ka teang khawm tu hi; keima in amate ii Pathian ka hi tu a, amate in keima mite ahi tu uh hi.

Daniel 3:26

Tuaciang Nebuchadnezzar sia meiphualpi kongkha kungah paito a, “Shadrach! Meshach! Abednego! Lianbel Pathian ii naseamte awng, hong pusuak tavun!” ci in sam hi. Tuaciang amate thakhat thu in pusuak uh hi.

Thiampite 26:12

Noma taw kong om tu a, na Pathian hi in, note keima mi na hi tu uh hi.

Thiampite 26:3

“Ka thukham bang nungta in ka thupiakte na zui uh le,

Zechariah 13:9

A nungta lai khen thum sua khen khat teng ka sit tu a, meikuang taw ngunnte a kithiansak bangin amate ka thiangsak tu hi. Khamh a kisit bangin amate ka sit tu hi. Tuaciang amate in thungen tu a, keima in ka zo tu hi. Amate tungah ka mite ahi hunlam ka son tu a, amate in keima Pathian ka hi hunlam pualaak tu uh hi,” ci hi.

Zechariah 6:15

A khuala ah a teang mite hong pai tu a, Topa Biakinnpi sakkikna ah hong hu tu hi. A sakkik sia a man ciang, Vaanglianbelpa Topa in kei sia nang kungah hong paisak hunlam na he tu hi. Topa na Pathian hong thupiak teng na zui le hi thu teng theampo hong piang tu hi.

Zechariah 8:8

Jerusalem ah a teang tu in nisuana le nitumna panin amate ka paipui kik tu hi. Tuaciang amate ka mi hi tu a, keima in amate thumaan le thutang taw a uk a Pathian ka hi tu hi.

Matthew 28:20

tuaciang ka thu piakte theampo a zui natu hil tavun. Tuaciang hun bo dongin note taw kong omkhawm tawntung tu hi,” ci hi.

2 Corinth te 6:16

Pathian ii biakinn sia doai biakna milimte taw bangbangin thukimna vawt thei tu ziam? Banghang ziam cile eite sia a nungta Pathian biakinn ih hi hi! Pathian in: “Ka mite sungah ka inn ka vawt tu a, amate sungah ka teang tu hi; keima in amate Pathian ka hi tu a, amate in keima mihingte ahi tu uh hi,” ci hi.

Thuhil kikna 11:27

Tuni in kong piak Topa na Pathian thupiakte na zui uh le thupha khat hi a,

Thuhil kikna 4:20

Ahihang note sia Egypt meikhuk linghna sung pan hong suatak mite na hi uh hi. Tuni na dinmun ahi, ama mihing na sua thei natu uh in note hong pusuapui hi.

Thuhil kikna 5:6

‘Keima in Topa na Pathian, na saltanna Egypt pan hong suatakpa ka hi hi.

Hebrew te 5:9

Ama sia a cingtaak a kisuasak zawkciang, ama thu a ni theampo atu in, tawntung ngupna ii naak a suak hi.

1 Samuel 15:22

Samuel in, “Thunitna ahibuale biakpiaknate le sangaw biakpiakna Topa in koisia dei zaw ziam? Ama tungah tuu phabel taw sangaw biakpiakna sangin thunitna phazaw hi.