Jeremiah 11:12 - Syin Chin Bible

¹² Tuasia ciang Judah mite le Jerusalem khua mite sia a piakkhiatna taw a biak a pathiante kungah pai tu a, huna ngenin kap tu uh hi. Ahihang tua pathiante in hi siatna hun a thet ciang amate hun ngawl tu hi.

Jeremiah 11:12 Iomraidhean Croise

2 Khangtaanghthu 28:22

Ahaz sia a thinngimbel hun hong thet ciang Topa tungah nidang sangin zongh maw zaw lai hi.

Isaiah 45:20

Topa in, “Ngam tuatuam pan mite awng, a lal kumpi ngamlian pan a suakta mite theampo awng, hong pai tek tavun; thu sit thuak tu in noma na ki aap vun! A thing milimte taw thuangsia khawmin amate a ngum thei ngawl pathian tungah thungen mite — tua mite in bangma heak nei ngawl uh hi!

Isaiah 46:7

Amate in a liangko tungah suanhto in pua uh hi; Ama ii a om natu munah koi in, tualai ah om a, tua mun pan koima dangah kin thei ngawl hi. Khat pawpo in ama tungah thungen le ama in zo thei ngawlin, ahibuale tuasiatna panin ngum thei ngawl hi.

Jeremiah 18:15

Ahihang ka mite in kei hong mangil zo uh a; milimte kungah ngimnamtui hal uh hi. A tot natu lampi ah lutu zo a, lamluite zui nawn ngawl hi; a kisial ngawl lamzinte tawn uh hi.

Jeremiah 2:28

“Noma atu na vawt sa uh pathiante koisungah om ziam? Ngimna na thuak uh ciang amate in hunsak ve vun — amate in hi thei ahile! Judah awng, khuapi na neiza ma in pathian tam mama na nei uh hi.

Jeremiah 44:8

A teang tu in na thetna uh hi Egypt ngamah, na milim biakna le a dang pathiante tungah na biakpiakna uh taw in banghangin kei hong thin uuksak nu ziam? Leitung minam theampo in no hong nunau natu le kihaamsiatna in na min a zak natu in noma le noma na kisiatsak natu bekin hisia vawt nu ziam?

Thuhil kikna 32:37

Tuasia ciang Topa in a mite tungah, ‘Na suan na muan tua a thahat pathiante koisungah om ziam’ ci in dongh tu hi.

Thuhil kikna 32:38

Noma in na sangaw biakpiakna sathau taw amate na vaak uh a, a neak tu in sapittui na pia uh hi. Tu in amate hong hu tu in paisak vun. Noma hong suatak tu in delsak vun.

Thukhente 10:14

Pai tavun a, na teal uh pathiante munah ko tavun. Amate in ngim na nga uh ciang hong suatak tahen.”