Jeremiah 11:11 - Syin Chin Bible

¹¹ Tua ahikom tu in, keima, Topa in amate tungah siatna ka tunsak tu le kuama a suatak ngawl natu in thu ka sonkhol hi. Amate kapin huna hong nget ciang zong ka ngai buatu hi.

Jeremiah 11:11 Iomraidhean Croise

2 Kumpite 22:16

Topa ii thupiak hi teng kumpipa puakin sawl hi: “Keima in Jerusalem le a mite theampo kumpipa ii sim laibu sia sungah a ki at bangin daan ka pia tu hi.

2 Khangtaanghthu 34:24

A nuai a Topa thupiak teng puak hi: “Keima in Jerusalem le a mite theampo kumpipa tungah a kisim laibu sia sungah a ki at haamsiatna te taw daan ka pia tu hi.

Job 35:13

Amate ii aukeakna zongh a lui thawthong hi; Vaanglianbelpa Pathian in amate mu ngawlin za ngawl hi.

Psalm Late 18:41

Amate in hu ngenin au ahihang kuama in amate hun ngawl hi. Amate in Topa biakpui hi, ahihang Ama in a zo bua hi.

Psalm Late 66:18

Ka mawnate awlmawk ngawl hi leng Topa in kei hong nangai ngawl tu hi.

Paunakte 1:28

Tuaciang ciimna nong kan tu a, ahihang kong zo buatu hi. Mun theampo ah hong zong ka lete zong nong mu buatu hi.

Paunakte 29:1

Nang hong kipau hong kihil simin na thin na puisak vaial le ni khat ni ciang sukcipna na thuak tu a, na lu na phong kik zo nawn buatu hi.

Isaiah 1:15

“Thungen in na khutte na lapto ciang note kong en buatu hi. Bang zata thu na ngen ta uh zongin kong ngai buatu hi, banghang ziam cile na khutte chi taw kituam hi.

Isaiah 24:17

Mihing theampo awng, hong ngai tavun! Launate, dumte le thaangsia nate in note hong ngak nginge hi.

Jeremiah 11:14

Jeremiah awng, hi mihingte taangin kei tungah thu hong ngen heak in a, hong pakaai heak in. Amate sia ngim nga in a hu tu in kei hong sap ciang amate ka ngai buatu hi,” hong ci hi.

Jeremiah 11:17

“Keima, Vaanglianbelpa Topa in Israel le Judah ka phut hi; ahihang tu in kong tuasiasak tu hi ci in ka tawng hi. Hi siatna sia amate tungah amate ma in a tungsak ahi hi, banghang ziam cile amate in khialna vawt uh hi; Baal tungah biakpiakna a piak hu in amate in kei hong thin uuksak hi,” ci hi.

Jeremiah 14:12

Amate an a tang hial zonghin hu ngenin a auna aw ka ngai buatu hi; meihal biakpiakna le antang taw biakpiakna te hong piak uh hang zong, amate ii tungah ka lungkim ngawl tu hi. Amate sia ngal sungah ahizong kialpi tunna le natna taw ahizong ka thatlum zawsap tu hi,” hong ci hi.

Jeremiah 14:2

“Judah kap in om a; a khuapite bo dedek hi, a mite khuangai in lei ah bok uh a, Jerusalem in huna ngenin au hi.

Jeremiah 15:2

Koi sungah pai tu khu ziam ci in amate in nang hong dongh uh le, hi bang ka ci teng son in: Pawlkhat sia natna taw thi tu in kisee a — tua mun sia amate pai natu mun ahi hi! A dangte sia ngal sungah thi tu in kisee a — tua mun sia amate pai natu mun ahi hi! Pawlkhat sia pukthi in thi tu in kisee a — tua mun sia amate pai natu mun ahi hi! A dangte sia thongtaakte bangin a kipaipui tu in kisee a — tua mun sia amate pai natu mun ahi hi!

Jeremiah 18:11

Tua ahikom tu in, Judah mite le Jerusalem mite kungah amate siatsak tu tupna nei a daan pia tu in a kinging sa in ka om sia son in. Mawna khialna vawtin a nuntaknate a kheal natu — a omziate le a nasepte a lai natu in amate tungah son in.

Jeremiah 19:15

Vaanglianbelpa Topa, Israel ii Pathian in, “Ka tungsak tu hi ka ci sa daan theampo sia hi khuapi le a naina khua theampo tungah ka tungsak tu hi, banghang ziam cile no na thinpui in kong son thu na ngai buatu uh hi,” a ci sia ka son hi.

Jeremiah 19:3

Topa in hi bangin son tu in kei hong sawl a, “Judah kumpite le Jerusalem khua mite awng, keima, Vaanglianbelpa Topa Israel mite ii Pathian, ii kong son tu thu na ngai vun. Hi munah tuabang tuasiatna khat ka thengsak tu a tua thu a za theampo ingh keikoi tu uh hi.

Jeremiah 23:12

Amate ii tot lampite sia naalin khuazing tu hi; amate ka lutusak tu a, ka puksak tu hi. Amate ii tungah tuasiatna ka thengsak tu a; amate ii daan thuak tu hun hong theng tu hi. Keima, Topa in ka ci zo hi.

Jeremiah 25:35

Na suatakna tu uh lampi om ngawl tu hi.

Jeremiah 35:17

Tua ahikom tu in, Keima, Vaanglianbelpa Topa, Israel ii Pathian in no, Judah mite le Jerusalem mite tungah ka kamciamsa suksiatna theampo kong tungsak tu hi. Hi bangin note kong vawt tu hi, banghang ziam cile thu kong son ciang nong ngai bua uh a, kong sam ciang nong zo bua uh hi,” a ci teng a son tu in kei hong sawl hi.

Jeremiah 36:31

Na vekpi na vawt uh mawna khialnate hu in nangma, na suan na paalte le na uliante daan kong pia tu hi. Nang na hi zong, Jerusalem le Judah mite ahizong, kidop natu kong son te nong nadon bua uh hi. Tua ahikom kong tawnkhol sa tuasiatna sia na vekpi tungah kong tungsak tu hi.”

Jeremiah 6:19

Leitung awng, ngai in! Amate in ka thuhil na nial a, ka kammalte mang ngawl ahikom, hi mite ii sawm nate theampo taw kiphu in daan piakna ahi siatna ka tungsak hi.

Kaa late 2:22

Nangma in keima ii kiim ah hong lausak poai vawt tu in ka ngalte na sam a, Tuaciang tua na thin uuk ni in kuama suakta zo ngawl hi. Amate in itna taw ka vak ka taa sa tanote suamlum uh hi.

Ezekiel 14:3

Ama in, “A thithei mihing awng, hi mite in a thinsung uh sia milimte pia zo a, milimte in amate mawna sung thet pui hi. Amate in tua thu keima in zo kik tu in hong um ziam?

Ezekiel 7:5

Hisia in Vaanglianpipa Topa ii ci ahi hi: “Na tungah tuasiatna khat zawkciang khat hong tung tu hi.

Ezekiel 8:18

Amate in ka thin uuk tutna theampo thuak tu hi. Amate ka khoaikhe buatu a, ka hesuak buatu hi. Amate in a nging thei zaza au in ka tungah thu hong ngen tu uh hi, ahihang amate aw ka ngai buatu hi,” hong ci hi.

Amos 5:19

Tua sia tawpi kung pan tai a, vompui taw a kisi pasal sia bang hi tu nu hi! Tua ahibuale pasal khat inn hong cia a, pang tung zawt napo kinei sia, ngul ii tuk taw kibang tu nu hi!

Micah 3:4

Topa tungah na ko tu hun hong theng tu a, ahihang ama in hong zo ngawl tu hi. Note thungetna ama in hong ngai ngawl tu hi, banghang ziam cile a sia na vawt uh hi.

Zechariah 7:13

Ka pau ciang hong ngai ngawl uh ahikom, thu hong nget uh ciang ka zo bua hi.

1 Thessalonica te 5:3

Mihingte in, “Na theampo thim khipkhep hi, lungmuanna om hi,” a ci laitakin thakhat thu in, siatna sia amate tungah hong theng vat tu hi! Nau a suak tu numei khat sia nautun a, a nat bangin thakhatin hong pai tu hi, tuaciang mihingte a suakta buatu uh hi.

Hebrew te 1:3

Ama in Pathian' minthanna ii vaangtaang hong lengsak a, ama sia Pathian ii hina zia bang tatak ma hi in, vaannuai bup ama ii a vaang nei a kammal taw khosak hi. Mihingte ii mawnate atu in mawmaitsakna a nga sak zawkciangin Vaanglianpipa Pathian ii ziatsang vantung ah to hi.